Ena Vunikau ni Matavuvale, e vakaiyalayala ga na raici ni kedra itukutuku na tamata taqomaki. O ira era vakayagataka na mataveilawa e dodonu mera moica na kena rawa ni laurai na ivakananumi me vakaitaukei se vakaiyalayala ga.
Kevaka e tiko na nona itukutuku na tamata oya ena nomu vunikau ni FamilySearch (nomu vunikau vakaitaukei), sa o iko ga ena rawa ni raica na kena itukutuku ena dua na ituvatuva ni kawa kei na nona tabana na tamata oya.
Kevaka e tiko na itukutuku oya ena dua na vunikau ni ilawalawa ni matavuvale, sa rawa vei ira kece na lewe ni ilawalawa mera raica.
Kevaka o sega ni kila na vunikau cava o tiko kina, raica na yasa imawi ni menu ni Vunikau ni Matavuvale.
Na ivakananumi kece—o ira sara mada ga era sa kabi vata tu kei ira na tamata taqomaki—era raici raraba ka rawa nira kunei:
- E rawa ni ra wasei ena veisemati, vakauitukutuku raraba, kei na imeli.
- E rawa ni ra kunei ena dua na vakasaqaqara ena i teki ni ulutaga ena iVakananumi ni FamilySearch.
- E rawa ni ra kunei ena vakayagataki ni Google kei na parokaramu tale eso ni vakasaqaqara.
Kevaka e vakadonui oqo, sa rawa mo laiva tu na ituvaki ni kena raici na ivakananumi me raici raraba. Kevaka e sega, keitou vakatura mo dolava na ivakananumi ka veisautaka na ituvaki ni kena raici me vakaitaukei (o iko ga) se vakaiyalayala (o ira walega na lewe ni dua na ilawalawa ni matavuvale).
Yalovinaka raica na neitou Veidinadinati ni Cau ni bera ni vakuri eso na ivakananumi ki na FamilySearch.
Ena so na gauna, edau semati edua na tamata taqomaki vua edua sa mate ka ra raica kece na vakayagataka na FamilySearch.
Kevaka e dua tale e cokota vata se bokoca na tamata sa mate ka dau raici raraba, ena vakavouya na FamilySearch na veisau ni itukutuku ni tamata bula se taqomaki me vakaraitaka ni a yaco edua na veisau ni veiwekani vei rau na tamata taqomaki kei koya ka sa mate.
Na veivakavoui oqo ena rawa ni vakaraitaka mai na ID ni veitaratara nei koya ka a vakayacora na veicokoti se veibokoci. Na tamata oqo a sega ni raici koya na tamata taqomaki.
Era makataki vakacava na itukutuku ena Vunikau ni Matavuvale me ka taqomaki?
E rawa beka niu cokota vata na itukutuku ni nodra tokaruataki na tamata bula kei ira ka taqomaki ena Vunikau ni Matavuvale?
E rawa beka niu solia na veivakadonui mera raica eso tale na kedra itukutuku na bula kei na tamata taqomaki ena Vunikau ni Matavuvale?