Na Faile ni iVurevure ni Kawa (PRF) sai koya e dua na ivakasokumuni ni itukutuku ni kawa ka vakauti yani ki na FamilySearch me faile ni GEDCOM. E rawa ni o vakasaqaqara ena itukutuku qori, o rawa tale ga ni o cau kina E sega ni rawa ni o veisautaka na faile ni PRF. E rawa ni o bokoca e dua na faile o vakauta.
Vakasaqara na Faile ni iVurevure ni Kawa
O ira kece era FamilySearch.org mera vakasaqara ka raica na itukutuku ena Faile ni iVurevure ni Kawa.
Me vaka na Vunikau ni Matavuvale, na Faile ni iVurevure ni Kawa e tiko kina na itukutuku ni tuva kawa. Era sa semati na tamata ki na veimatavuvale kei na kawa. E rawa ni o kunea na yaca, veimaliwai vakamatavuvale, kei na itukutuku me baleta na veikayaco ni bula. Na faile oqo e oka kina na ivolatukutuku, itukutuku, kei na ivurevure kece mai na itukutuku taumada. E sega ni tiko na itukutuku me baleti ira na tamata e sa bula tiko.
Mo kila tiko ni FamilySearch e sega ni vakadodonutaka e dua na itukutuku ena Faile ni iVurevure ni Kawa. E duidui na ka e donu mai na dua na vunikau ki na dua tale na vunikau, ka dodonu me ra dau vakadeitaka o ira na dauvakayagataka na itukutuku ni bera ni ra vakayagataka.
Vakavodoki e dua na faile ni GEDCOM ki na Faile ni iVurevure ni Kawa
Kevaka o maroroya na nomu tuva kawa ena dua tale na kato ni itukutuku, sa rawa mo vakauta e dua na ilavelave ni nomu itukutuku ki na Faile ni iVurevure ni Kawa. Oqo e vica na kena yaga vei iko:
- Sa maroroi tu na nomu faile me baleta na galala.
- Sa vakarautaki tu na itukutuku ena nomu faili me baleta eso tale na dauvakayagataka na FamilySearch mera vakasaqara ka raica.
- O na vakatulewataka tikoga na nomu faile. Me vaka ni ra raica eso tale na dauvakayagataka na itukutuku, era na sega ni rawa ni veisautaka. E rawa talega ni o bokoca na nomu faile ena dua ga na gauna se sosomitaka e dua na faile makawa kei na dua na kavou me vaka e gadrevi. E rawa ni o vakavodoka e sivia e dua.
- E rawa ni o vakatauvatana na itukutuku ena nomu faile ki na Vunikau ni Matavuvale. Sa rawa mo qai lavetaka na itukutuku mai na nomu faile ni GEDCOM ki na Vunikau ni Matavuvale.
iVakarau taumada ni Faile ni iVurevure ni Kawa
Sa vakarautaki tu na Faile ni iVurevure ni Kawa ena vuqa na kena ivakarau. Taumada, a tabaki ena disi se DVD. Era sa sega ni tiko rawa oqo. Na itukutuku taucoko ni Faile ni Pedigree sa tiko oqo ena iwasewase ni Tuvakawa ni FamilySearch.org.
Kevaka o sa vakauta ki na kena e liu, mo kila tiko na veika oqo:
- Na faile o vakauta ki na dua na kena iwase eliu ena sega beka ni vagolei vakadodonu ki na nomu akaude ni FamilySearch ena gauna oqo. E dina ni o rawa ni o vakasaqara ka raica na faile, ena sega ni tiko ena nomu lisi mo bokoca, sosomitaka, se vakatauvatana ki na Vunikau ni Matavuvale.
- E rawa ni sega ni tautauvata na ID ni vakau mai na kena itabataba makawa kei na ID ni vakau mai ena gauna oqo.
Me baleta na ikuri ni ivakamacala ni PRFs, raica na Faile ni iVurevure ni Kawa ena Research Wiki.
i Tukutuku veisemati
Meu na vakavodoka vakacava na noqu faile ni GEDCOM?
Meu na lavetaka vakacava na itukutuku mai na noqu faile ni GEDCOM ki na Vunikau ni Matavuvale?
Meu na vakasaqara vakacava na Faile ni iVurevure ni Kawa kei na tuva kawa tale eso?