Au na lavetaka vakacava na kequ itukutuku mai na faile ni GEDCOM ina Vunikau ni Matavuvale?

iVakatakilakila ni Tukutuku: 20776
November 20, 2022

Ni o sa vakacuruma na faile ni GEDCOM ina iVurevure ni Faile ni Pedigree, o rawa ni lavetaka na itukutuku ina Vunikau ni Matavuvale. Ni o lavetaka na itukutuku qo, ena rawa ni o maroroya e rua na kena ilavelave ena duavata na gauna. O rawa ni vakacuruma tale ga na itukutuku cala ena Vunikau ni Matavuvale, se bokoca na itukutuku era cautaka eso tale. Kua ni lavetaka ena Vunikau ni Matavuvale na itukutuku kece, tovolea mo vakacuruma vakataki iko na itukutuku, nomu vakalewena ga na tikinisiga kei na itukutuku o nanuma ni veiganiti.

Ke o nanuma mo tomana, mo nanuma tiko ni itukutuku e volai, kena ivurevure, isema ni itukutuku tabaki se rogoci, kei na itukutuku me baleti ira na tamata era se bula tiko e sega ni rawa ni lavetaki ga vakataki koya ina Vunikau ni Matavuvale.

    Ni bera ni o tekivu

    1. E levu na porokaramu ni ivolakawa e vakatara mo vakadewataka na itukutuku ena dua na faile ni GEDCOM. Na faile ni GEDCOM e vakarautaki vakatabakidua nikua me vakadewataki kina na itukutuku ina vei porokaramu ni ivolakawa.
    2. Dikeva na itukutuku ena nomu faile ni GEDCOM. Vakayagataka na iyaragi ena nomu manidia ni ivolatukutuku e vakayacora na veika qo:
      • Mo vakadeitaka ni yaca, tikinisiga kei na vanua e vakaleweni ena kena ivakarau dodonu.
      • Mo vakadeitaka tale ga ni veika o vola e rawa ni wasei tale ga vei ira eso tale.
      • Mo vakaraica na leqa e basika.
      • Vakaraici ira era volai vakarua.
      • Vakaraica na yaca e volai vakarua.
      • Vakaraici ira eso e sega ni sema ena dua na vanua.
    3. Vakadikeva na itukutuku. Vakaraica na itukutuku o sega ni vinakata me taba. Mo bokoca rawa ni bera ni o bulia nomu faile ni GEDCOM se makataka me kua ni vakatakilai vakailoa.
      • Vakaraica tale na veika e volai kei na itukutuku e sega ni tuvani vakavinaka.
      • Na neitou parokaramu ena vakadikeva na nomu faile me vakatakilai ira ena nomu vunikau era se bula tiko. Keitou na sega ni tabaka e dua na kedra ivolatukutuku na se bula ena iVurevure ni Faile ni Pedigree.
    4. Tauyavutaka nomu faile ni GEDCOM se veimataqali faile.
      • Kevaka o sega ni kila na kena sala, raica na ivoladusidusi e salavata mai nomu porokaramu. 
      • Keitou vakatura e dua na faile lailai ni GEDCOM. Na faile e tiko kina e 100 na yaca e vakarawarawataka na kena vakatauvatani kei na kena lavetaki na ituvatuva.
      • Ke o nanuma mo maroroya ga qai wasea na nomu faile, ena rawa ni o katona rawa ga e 100MB.

    Wase 1. Vakacuruma qai vakatauvatana nomu faile

    1. Vakacuruma nomu faile ni GEDCOM ina iVurevure ni Faile ni Pedigree:
      1. Vakalewena kemu itukutuku ina FamilySearch qai tabaka Search.
      2. Tabaka Genealogies. 
      3. Gole sobu ina Sala e duidui kina na iVolakawa ni FamilySearch mai na Vunikau ni Matavuvale ni FamilySearch?
      4. Tabaka Upload Your Individual Tree.
      5. Tabaka Upload GEDCOM file.
      6. Tabaka Choose File —> vaqara sara na faile ni GEDCOM e maroroi tu ena nomu komipiuta.
      7. Vola na yaca ni vunikau.
      8. Ena vanua ni iVakamacala, mo tukuna vei ira eso tale me baleta na vanua e cavutu mai kina na vunikau qo kei na vuna bibi e vakayacori kina na vakadidike.
      9. Tabaka Upload Your Individual Tree. Ena vakacurumi sara.
    2. Mo waraka ni sa vakacurumi kece na nomu faile.
    3. Tabaka Compare. Na vosa Comparing... ena laurai tiko me yacova ni sa vakacurumi oti na ka kece. Ni sa oti na kena vakatauvatani, ena toso sara ena vica na ka qo:
      • Ena vakau mai e dua na imeli ni veivakadreti ena FamilySearch.
      • Ena laurai sara na vosa Ready ena kato ni Status.
      • Ena laurai mai na bulukau ni View.

    Wase 2. Mo raica na ivakamacala lekaleka ni veika e rawati

    1. Tabaka View. Na ivakaleka ni macala ni veika e rawati qo:
      • Potential Matches: Na iwiliwili ni tamata era sa rairai tiko ina Vunikau ni Matavuvale. E veivolekati na itukutuku ia e sega ni tautauvata. O rawa ni vakatauvatana na ivolatukutuku qai vakatulewataka se ra tautauvata.
      • Add to Family Tree: Na iwiliwili ni tamata era sega ni tiko ena Vunikau ni Matavuvale. O rawa ni vakadikeva na tamata yadua qai vakatulewataka se o via okati ira ena ivolatukutuku ni Vunikau ni Matavuvale.
      • Already in Family Tree: Na iwiliwili ni tamata era sa tiko rawa ena Vunikau ni Matavuvale. Na nomu faile e rawa ni tiko kina na dui itukutuku me baleta e dua. O rawa ni vakatulewataka na itukutuku cava o via tosoya mai na nomu faile ina Vunikau ni Matavuvale.
      • Invalid and Living: Na iwiliwili ni tamata ena nomu faile e vakatakila rawa na porokaramu nira se bula tiko se sega ni okati. O sega ni rawa ni vakacurumi ira qo ina Vunikau ni Matavuvale.
    2. Mo tekivu vakadewataka na itukutuku ina Vunikau ni Matavuvale, tabaka Add to Family Tree. 

    Wase 3. Dikeva na lisi ni Kena e rawa ni Tautauvata

    Na lisi ni Kena rawa ni Tautauvata e volai tu kina o ira ena nomu faile ni GEDCOM e rawa ni tiko tale ga ena Vunikau ni Matavuvale na kedra ivolatukutuku. Na yaca kece ena lisi e tiko na kena yasaitolu dromodromo e tiko na kena ikurau. 

    1. Ke sega n ilaurai na lisi ni Kena rawa ni Tautauvata, tabaka na Potential Matches ena kato ni Filter.
    2. Na imatai ni tamata ena lisi, vakatauvatana na itukutuku ena yasana imawi kei na yasana imatau. Mo vakatulewataka ke itukutuku ena yasana ruarua e baleti koya tiko ga na tamata qori.
      • Na itukutuku ena nomu faile ni GEDCOM e tiko ena yasana imawi.
      • Na itukutuku ena Vunikau ni Matavuvale e tiko ena yasana imatau.
    3. Ke itukutuku ena yasana ruarua e baleta e dua tiko ga na tamata, muria na ikalawa qo:
      1. Tabaka Yes. Na Kato Karakarawa e basika ena itukutuku yadua ni nomu faile ni GEDCOM e duidui mai na kena e tiko ena Vunikau ni Matavuvale.
      2. Vakadikeva na kato karakarawa yadua. Ke donu cake se taucoko na itukutuku e vakarautaka na kato karakarawa, tabaka Replace. Kevaka o veisautaka nomu vakasama, tabaka Undo. Ni o tabaka Replace, na basika qo ena sikirini:
        • Na kato karakarawa ena toso ena yasana imatau ni sikirini.
        • Na bulukau ni Save kei na Cancel ena laurai ena sikirini e cake.
        • Ena laurai na kato o rawa ni vola kina na vuna.
      3. Kevaka o tosoya na itukutuku ena yasana i matau, vola na vuna e vakamacalataka na sala o kila kina ni itukutuku o vakarautaka e dodonu. Tabaka Save.
        • Ena rawa ni dua sara ga na vuna o vola ena itukutuku kece o sosomitaka. Kevaka o vinakata mo sosomitaka na veivuna, o rawa ni cakava qori mai na ivolatukutuku ni Vunikau ni Matavuvale. Gole ina na Vunikau ni Matavuvale qai vakavoutaka na ivakamacala ni vuna.
      4. Tabaka na tamata tarava ena lisi.
      5. Ke tiko ena lisi e sivia e 10 na tamata, mo gole ena lisi taucoko ni o tabaka na bulukau Next kei na Prev.
    4. Kevaka e vakamacalataka na itukuktuku ena yasana imawi e duatani na tamata, mo muria na ikalawa qo:
      1. Tabaka Not a Match.
      2. Kevaka e laurai ena itukutuku e sivia e dua na itukutuku e tautauvata ena Vunikau ni Matavuvale, tabaka na Other Possible Matches. Tabaka na yaca yadua ena lisi mo dikeva.
      3. Kevaka o vinakata mo vakuria na tamata qo ena Vunikau ni Matavuvale, tabaka Add. Na itukutuku ena lavetaki ena Vunikau ni Matavuvale. 
        • Bibi: Mo kua ni vakacuruma e dua na tamata era sa tiko rawa ena Vunikau ni Matavuvale. Na nomu vakacuruma ena vakavuna na kena vakarua na ivolatukutuku. O iko se ira eso tale ena tau kina na itavi ni kena vakacokotaki tale na veika e tokaruataki.
      4. Tabaka na tamata tarava ena lisi ni Kena e rawa ni Tautauvata.
      5. Ke tiko ena lisi e sivia e 10 na tamata, mo gole ena lisi taucoko ni o tabaka na bulukau Next kei na Prev.

    Wase 4. Vakadikeva qai Kuria na Lisi ni Vuvale

    Na lisi ni Vakuria na Vunikau ni Matavuvale e tiko kina o ira era tiko ena nomu faile ni GEDCOM era sega ni tiko ena nomu Vunikau ni Matavuvale. Na ivakatakilakila na "+" ena toka ena yasadra na yaca kece ena lisi. 

    1. Kevaka e sega ni laurai na lisi ni Vakuria na Vunikau ni Matavuvale, ena kato ni Filter, tabaka na Add to Family Tree.
    2. Dikeva na imatai ni tamata ena lisi. 
    3. Kevaka o via vakuri koya se tagane se yalewa ena Vunikau ni Matavuvale, tabaka Add. Na itukutuku ena laveitaki ena Vunikau ni Matavuvale. 
    4. Tabaka na tamata tarava mo Kuria ena lisi ni Vunikau ni Matavuvale.
    5. Ke tiko ena lisi e sivia e 10 na tamata, mo gole ena lisi taucoko ni o tabaka na bulukau Next kei na Prev. 

    Wase 5. Dikeva na lisi ni Ira na Tiko ena Vunikau ni Matavuvale

    Nomu faile ni GEDCOM e rawa ni okati kina o ira era sa tiko rawa ena nomu Vunikau ni Matavuvale. Na nomu itukutuku e rawa ni dodonu vinaka mai na kena e tiko ena Vunikau ni Matavuvale. O rawa ni vakadewataka na itukutuku qo ena nona ivolatukutuku ni Vunikau ni Matavuvale ni tamata oya mai na nomu tokaruataka tale na ivolatukutuku ni tamata oya.

    1. Kevaka e sega ni laurai na lisi ni Sa tiko rawa ena Vunikau ni Matavuvale, ena kato ni Filter, tabaka na Already in Family Tree.
    2. Na imatai ni tamata ena lisi, vakatauvatana na itukutuku ena yasana imawi kei na yasana imatau. Na kato karakarawa e vakatakila na itukutuku ena nomu faile ni GEDCOM e duidui mai na kena e tiko ena Vunikau ni Matavuvale.
      • Na itukutuku ena nomu faile ni GEDCOM e tiko ena yasana imawi.
      • Na itukutuku ena Vunikau ni Matavuvale e tiko ena yasana imatau.
    3. Vakadikeva na kato karakarawa yadua. Ke donu cake se taucoko na itukutuku e vakarautaka na kato karakarawa, tabaka Replace. Kevaka o veisautaka nomu vakasama, tabaka Undo. Ni o tabaka Replace, na basika qo ena sikirini:
      • Na kato karakarawa ena toso ena yasana imatau ni sikirini.
      • Na bulukau ni Save kei na Cancel ena laurai ena sikirini e cake.
      • Ena laurai na kato o rawa ni vola kina na vuna.
    4. Kevaka o tosoya e dua mada ga vei ira na kato karakarawa mai na yasana imawi ina yasana imatau, mo vola e dua na vuna. Mo na vakamacalataka na vuna e donu cake kina na itukutuku mai na nomu faile ni GEDCOM mai na itukutuku ena nomu Vunikau ni Matavuvale. Tabaka Save.
      • Ena rawa ni dua sara ga na vuna o vola ena itukutuku kece o sosomitaka. Kevaka o via kuria e duatani tale na vuna mai na dui tiki ni itukutuku, mo vola tiko na naba ni ID ni ivolatukutuku ni Vunikau ni Matavuvale. Mo qai gole ina Vunikau ni Matavuvale qai vola tale na vuna.
    5. Tabaka na tamata tarava ena lisi.
    6. Ke tiko ena lisi e sivia e 10 na tamata, mo gole ena lisi taucoko ni o tabaka na bulukau Next kei na Prev. 

    Vakatutu ni veikalawa e tarava

    • Kevaka o sega ni vinakata me tiko ga ena ivurevure ni faile ni Pedigree na nomu faile ni GEDCOM, mo bokoca laivi.Kevaka o bokoca nomu faile ni GEDCOM mai na ivurevure ni faile ni Pedigree, na itukutuku kece o lavetaka ena nomu Vunikau ni Matavuvale ena tiko ga ena Vunikau ni Matavuvale.
    • Mo dikeva tale na itukutuku o kuria ena Vunikau ni Matavuvale. Mo vola na ivurevure yaga, ivakamacala kei na vuna. Mo vakaraica na kena eso era rawa ni tokaruataki, qai kumuni ira vata na kena o kunea.
    • Ke tiko nomu itaba, italanoa se ivola, mo vakacuruma ena iVakananumi ni FamilySearch. Mo qai biuta na tag me rawa ni laurai ena ivolatukutuku ni tamata ena Vunikau ni Matavuvale.
    • Mo rawa ni vakuria na itukutuku o sa vakacuruma, mo bokoca laivi na faile ni GEDOM qai vakauta na itukutuku e vakavoutaki.

    iTukutuku veisemati

    Au na vakarautaka vakacava na noqu faile ni GEDCOM? 
    Na cava ena yaco ena itukutuku e vakacurumi ena faile ni GEDCOM?

    A veivuke beka oqo?