Na nomu lisi ni yaca ni matavuvale ni valetabu e yalani na kena tauri vakawawa ki na 300 na veivakacurumi vakaiyatu. E dua na veivakacurumi e oka kina na yaca ni dua na qase eliu kei na cakacaka vakalotu ko biuta tu vakawawa.
Ni sa yacova na iyalayala oqo na nomu lisi, ona sega ni rawa ni biuta tu vakawawa na ikuri ni cakacaka vakalotu me yacova ni sa lutu tale na nomu lisi mai na iyalayala.
Na iyalayala ni tuvakawawa e a tekivu vakayagataki taumada ena 2021. Na taro kei na isaunitaro eso oqo e vakamacalataka na kena iyalayala ena kena matailalai tale eso.
Taro dau tarogi vakawasoma
Na cava na vuna e sa yalani kina na tuvakawawa?
Ena dua na ivola ka volai ena ika 8 ni Oko 2012, a veivakayaloqaqataki kina o ratou na Mataveiliutaki Taumada vei ira ka ra biuta tu vakawawa e vuqa sara na yaca ni matavuvale me ra “vakagalalataka na veiyaca oqori ena kena gauna donu me rawa ni caka na cakacaka vakalotu e gadrevi.” E vuqa na lewe ni noda matavuvale era sa mate era sa waraka tiko na madigi me ra ciqoma na veivakalougatataki ni cakacaka vakalotu veisosomitaki. E vuqa na lewenilotu era sa veiqaravi tiko ena vei valetabu ena veiyasai vuravura mera veivuke ena cakacaka oqo.
Na iyalayala vou ni 300 na tuvakawawa ena rawa kina mo qarava vakavinaka na nomu lisi ni tuvakawawa. Na veisau oqo e vakatara vei ira na lewe ni Lotu mera kunea vakarawarawa na madigi ni valetabu. Me kena ikuri, ena vukei ira noda qase eliu me ra ciqoma na cakacaka vakalotu ena kena gauna totolo.
O Peresitedi Russell M. Nelson kei ira tale eso na parofita ni gauna oqo era sa vakamatatataka na bibi ni kena vakusakusataki na cakacaka ni Turaga me vakasoqoni ira vata na Isireli. E sa noda e dua na itavi tabu meda vakarautaka na cakacaka vakalotu veisosomitaki vei ira na noda qase eliu vakai keda. Me vaka nida lewe ni Lotu e vuravura raraba ka lewe ni vuvale levu ni tabatamata, sa rawa nida veivuke me vakayacori na itavi vakalou oqo.
Oqo e so na ituvatuva o rawa ni taura ke rui sivia na madigi ni valetabu mo na vakacavara kina vakatotolo:
- Wasea na yaca ni matavuvale vata kei ira na lewe ni matavuvale, itokani, se ilawalawa ni matavuvale
- Wasea na tauri vakawawa vata kei na valetabu. E rawa ni ra kunea o ira na tani na yaca mai na Cakacaka Vakalotu sa Tu Vakarau kei na Vunikau ni Matavuvale.
- Vakagalalataka eso na yaca
Ena sega ni rawa nio wasea na cakacaka vakalotu ko taura vakawawa mai na inivenitori veiwaseitaki ni valetabu. Nio tovolea, ko na raica e dua na itukutuku: "Ordinances that were previously shared with the temple cannot be shared again (Na cakacaka vakalotu era a wasei oti vata kei na valetabu ena sega ni rawa ni wasei tale)." O na rawa ni vagalalataka na tuvakawawa ni veicakacaka vakalotu oqo. Nio vagalalataka na tuvakawawa ni veiyaca oqo, era na suka tale ki na lisi wasei ni tamata ka a wasea taumada ki na valetabu.
Ni tiko e ruku ni kena iyalayala na nomu lisi ni tauri vakawawa, sa rawa me o kua ni wasea e dua na tauri vakawawa o sa wasea eliu.
Ena sega ni rawa me o kua ni wasea na cakacaka vakalotu ena ituvaki eso oqo:
- Sa vakacavari na Cakacaka Vakalotu
- E dua na kadi tabaki ni valetabu
- E dua tale e biuta tu vakawawa na cakacaka vakalotu me 120 na siga
Na cava ena wiliki me iyalayala ni tuvakawawa?
Na iyatu yadua ena nomu lisi tuvakawawa e wiliki vakadua, ena gauna mada ga e matataka kina na iyatu e vuqa na cakacaka vakalotu. Mo raica nomu iwiliwili, raica na yasa ni ba ena imawi. Na naba tarava na "My Reservations" sa kena isoqoni.
Na papitaiso, veivakadeitaki, inisitori, edaumeni, kei na vauci vei ira na itubutubu me baleta e dua na tamata ena laurai ena dua na iyatu ka wili me dua ga na tuvakawawa. Na cakacaka vakalotu ni vauci vaka vei watina e laurai ena kena iyatu tuvakawawa vakai koya ga ka wiliki me tuvakawawa dua tani.
Na cava ena yaco kevaka esa sivia na iyalayala na noqu lisi tuvakawawa?
Kevaka sa levu cake na nomu lisi mai na iwiliwili vakatarai ni tuvakawawa, era na tiko ga ena nomu lisi me yacova na siga yalataki. Ni sa cava na siganimuduki ni tuvakawawa, e sa na wasei na cakacaka vakalotu kei na valetabu. O ira na wekana sa na rawa ni ra kunea ka taura vakawawa ena Vunikawa ni Matavuvale se mai na Cakacaka Vakalotu tu Vakarau (Ordinances Ready).
Kevaka e lailai mai na kena iyalayala na nomu lisi ni tauri vakawawa ka se sega ni dua e tabaka se vakacavara na cakacaka, sa rawa mo kakua ni wasea e dua na yaca.
Au na kila vakacava ni sa yacova na kena iwiliwili na noqu lisi tuvakawawa?
Mo raica na nomu lisi tuvakawawa, curu ki na FamilySearch.org, ka kiliki ena Valetabu (Temple). Kiliki ena My Reservations. Ena imawi, My Reservations e vakaraitaka e vica na nomu tuvakawawa e sa tiko. Na naba ni Shared (Wasea) e sega ni vakayagataki ki na nomu iyalayala.
Kevaka o tovolea mo taura vakawawa e dua na cakacaka vakalotu ni o sa yacova na iyalayala, ena tukuni vei iko nio sa yacova na nomu iyalayala.
Na cava ena yaco niu sa yacova na iyalayala ni tuvakawawa?
Nio sa yacova na iyalayala, ena sega ni rawa nio taura vakawawa na ikuri ni yaca ni matavuvale. Mo vakagalalataka na nomu lisi, sa rawa mo wasea na nomu tuvakawawa ki na valetabu (share existing reservations with the temple). Sa rawa mera vakayagataka na lewenilotu tale eso na Cakacaka Vakalotu tu Vakarau (Ordinances Ready) ka veivuke me vakacavara na cakacaka vakalotu. Ni sa vakacavari na cakacaka, ko na taura e dua na veivakaraitaki ena nomu FamilySearch Notifications.
E rawa nio kauta mai na yaca wasei ka sega ni taucoko ena gauna ga e levu kina na nomu rumu ena nomu lisi tuvakawawa. Kevaka e dua na tuvakawawa wasei e oka kina na cakacaka vakalotu ka sa tabaki se vakacavari, na vei cakacaka vakalotu oqori era na sega ni rawa ni kua ni wasei.
Ena wili beka kina noqu iyalayala na kena wasei na yaca ni noqu matavuvale kina valetabu?
Nio wasea e dua na yaca ni matavuvale kina valetabu, na tuvakawawa ena sega ni wili kina nomu iyalayala.
Ena wili beka kina noqu iyalayala na kena wasei na yaca ni noqu matavuvale kina dua na ilawalawa vakamatavuvale?
Nio wasea e dua na yaca ni matavuvale kei na dua na ilawalawa ni matavuvale, na tuvakawawa ena sega ni wili kina nomu iyalayala. Na tikinisiga ni muduki ena vakayacori ni sa dola taucoko na valetabu ena kena ivakatagedegede naba 4.
E wili vakacava kina noqu iyalayala na wasei ni yaca ni matavuvale vua e dua na weka se dua tale na lewe ni Lotu?
E rawa nio wasea na yaca ni matavuvale vei ira na wekamu se itokani ena by email se FamilySearch messaging. E dua na imeli se itukutuku ni FamilySearch ena vakaraitaka na yaca kei na cakacaka vakalotu e gadrevi. Kevaka era ciqoma na tuvakawawa, sa na vakagolei na tuvakawawa kina nodra lisi tuvakawawa. E sa na sega tale ni basika na tuvakawawa ena nomu lisi, ka sa na sega talega ni wili kina nomu iyalayala.
Kevaka au wasea na yaca ni matavuvale kei na valetabu, na cava na kena dede meu waraki ira kina me ra vakacavari?
E dredre me tukuni taumada na balavu ni gauna ena taura kina na cakacaka vakalotu e wasei vata kei na valetabu me vakacavari: Na veika kece e oka kina na iwiliwili ni cakacaka vakalotu era wasea na tani kei na iwiliwili ni tamata era tiko rawa ena valetabu. Ena gauna oqo, na edaumeni ni tagane e dau taura na gauna balavu duadua me vakacavari. Na veicakacaka vakalotu tale eso (papitaiso, veivakadeitaki, kei na inisiatori) me baleti ira na tagane se yalewa e sega ni dau balavu vaka oya.
Ena ivakatakila vou ni Cakacaka Vakalotu sa Tu Vakarau, sa rawa vei ira na lewe ni matavuvale kei na lewenilotu e veiyasai vuravura me ra kunea vakarawarawa ka taucoko na yaca era sa wasei ki na valetabu. Ni tara tiko e vuravura raraba e vuqa tale na valetabu, sa rawa talega vei ira e vuqa na lewenilotu mera vakaitavi ena cakacaka vakalotu me baleti ira na mate. Na tomani ni vakavinakataki ni veiwasei kei na veisoliyaki ena vukea talega na vakalekalekataki ni gauna me vakacavari kina.
Au gadreva ga meu wasea na kadi tabaki ni yaca ni matavuvale kei ira na lewe ni matavuvale. E rawa beka ni soli vei au e dua na veivakagalalataki me rawa niu na sivia kina na iyalayala ni tuvakawawa?
Na iyalayala ni tuvakawawa e baleti ira kece era vakayagataka.
Sa rawa mo wasea na yaca ni matavuvale vei ira na wekamu ena nomu vakayagataka na ivakatakila vou ni ilawalawa ni matavuvale. Ena dua na ilawalawa vakamatavuvale, e rawa ni ra tabaka na wekamu na kadi ni ra sa vakarau gole kina valetabu. Na yaca o wasea kei na dua na ilawalawa ni matavuvale e wili kina nomu yalayala. Ia o rawa ni raica na cakacaka vakalotu ena nomu lisi kei koya ka tabaka. Sa rawa nio na raica tiko na itosotoso ena initaneti ka ciqoma na notisi ni sa vakacavari na cakacaka vakalotu.
Kevaka au wasea na tuvakawawa me baleta eso na cakacaka vakalotu me baleta e dua na qase e liu, e dau wili vakacava na cakacaka vakalotu au maroroya kina yalayala?
Na iyatu yadua ena nomu lisi tuvakawawa e wiliki vakadua, ena gauna mada ga e oka kina e vuqa na cakacaka vakalotu. Ena vakayacori talega vakakina kevaka o wasea e dua na tiki ni tuvakawawa oqori vei ira tale eso.
Na cakacaka vakalotu ni veivauci vua na watina ni tamata- yadua ena okati ena dua tale na iyatu mai na veicakacaka vakalotu tale eso ka dau wili ga vakataki koya. Na cakacaka vakalotu taucoko tale eso me baleta e dua na tamata era cokovata ena dua na iyatu tuvakawawa. Na kena tuvakawawa me baleta e dua na tamata ka okati kina na cakacaka vakalotu taucoko e na wili me 2 na kena tuvakawawa.
Na cava ena yaco kevaka au wasea e dua na yaca ni matavuvale vei ira tale eso ena imeli se messaging, ia e sivia na nona iyalayala o koya ka ciqoma?
Na lisi tuvakawawa ni tamata yadua e tautauvata na kena iyalayala. E rawa nira ciqoma na lewenilotu na yaca wasei ni sa toka e ruku ni yalayala na nodra lisi.
Kevaka sa sinai na lisi nei koya e ciqoma, ena tiko ga ena nomu lisi na yaca. E rawa nio wasea na tuvakawawa vata kei na valetabu se dua na ilawalawa ni matavuvale.
Kevaka au vakayagataka e dua tale na parokaramu me tu vakawawa kina na cakacaka vakalotu, e sa na tiko beka ga na kena iyalayala?
Eso na gacagaca vakomipiuta ni ikatolu ni pati e cakacaka vata kei na FamilySearch me vukei ira na lewenilotu me maroroi tuvakawawa na yaca ni matavuvale. Na parokaramu oqo e cakacaka vata kei na Vunikau ni Matavuvale ni FamilySearch ka tautauvata na kena iyalayala.
Niu sa yacova na kena iyalayala, meu na vakamuria tiko vakacava na yaca ni matavuvale au sa na vinakata meu biuta tu vakawawa ena dua na gauna mai muri?
Vakayagataka na nomu lisi Vakarautaki mo vakatakilakilataki ira kina na qase e liu o vinakata mo na biuta vakawawa ena dua na gauna mai muri. Me vakarawarawataki na kena kunei ena lisi, sa rawa mo vakuria na yaca ni Tuvakawawa ni Valetabu.
Na cava na vuna e maroroya tiko kina na valetabu na kadi ni yaca ni noqu matavuvale niu sa vakacavara e dua na cakacaka vakalotu me baleta e dua na noqu qase e liu?
Ni biu tu na kadi ni yaca ni matavuvale ena valetabu ena rawa kina vei ira na liganicakacaka ni valetabu mera raica ni sega ni tokaruataki na cakacaka vakalotu ka volai vakadodonu na cakacaka vakalotu. Na cakacaka oqo e vukea talega na kena tarovi na vakatetei ni manumanu somidi lalai ka tagutuva na gauna ni wawa ni oti na nomu veisiko kina valetabu.
iTukutuku veisemati
Meu na wasea vakacava na yaca ni matavuvale kina valetabu?
Meu na wasea vakacava ena imeli na yaca ni noqu matavuvale vei ira na noqu matavuvale kei ira na itokani?
Meu na sereka na tuvakawawa se vakagalalataki ira vakacava na yaca ni matavuvale mai na noqu lisi ni valetabu?
Yalani ni gauna ni cakacaka vakalotu ni valetabu
Meu na vakayagataka vakacava na lisi ni Following ena Vunikawa ni Matavuvale me raici kina o ira na qase eliu era gadreva na cakacaka vakalotu ni valetabu?
FamilySearch Blog
Meu na wasea vakacava na yaca ni matavuvale ena messaging ena FamilySearch?
Meu na wasea vakacava na cakacaka vakalotu kina dua na ilawalawa ni matavuvale?