Sa roro tiko mai na RootsTech ni 2024, ka keitou sa nanamaki tiko me veiqaravi ena noda Siga ni Kunei ni Matavuvale vakayabaki ena siga Vakarauwai ika 2 ni Maji, 2024, ena gauna ni koniferedi.
Nanuma, sema, ka vakila na yaga ni matavuvale kei ira na nomu daulomani ena yabaki oqo ena Siga ni Kunei ni Matavuvale.
Vakaitavi ena initaneti ena Siga ni Kunei ni Matavuvale ni 2024 ena nomu sarava na veika ena vakayacori ena vatavata ni na kaburaki bula mai.
Na iTukutuku nei Peresitedi M. Russell Ballard ka sa takali, ni Siga ni Kunei ni Matavuvale
Ena kaburaki tiko edua na itukutuku digitaki ni Siga ni Kunei ni Matavuvale ena 1:30 PM MT ena ika 2 ni Maji, 2024. RootsTech ni 2024, sarava edua na iyaloyalo yavala se bera vakadua ni saravi (a caka ena 2023) me baleti Peresitedi M. Russell Ballard ni taleva lesu na nona italanoa vakamatavuvale kei na ivuvu ni nona ivotavota vakawa.
A Peresitedi Vakawawa o M. Russell Ballard ni Kuoramu ni iApositolo Le Tinikarua Ni Lotu i Jisu Karisito ni Yalododonu Edaidai mai na 2018 me yacova na nona mai takali ena 2023, ka totoka na vakayaco-ka ni nona bula ki vei ira e vuqa.
Na nona yalodina veiuqeti kivua na watina sa takali, o Barbara, na nodrau vakamau vuavuai vinaka, na ilakolako ni nodra susugi cake na luvedrau e 7, kei na ivuvu ni nona ivotavota vakawa ena vakaraitaki kece sara ena dua na iyaloyalo veivakauqeti dina ka tabaki vakaiyaloyalo ni bera ni mai takali ena yabaki sa oti.
Na itukutuku nei Peresitedi Ballard ena iyaloyalo yavala oqo ena tukuni vakamatata kina na ibalebale ni nanuma, na itoko ni RootsTech ni 2024. Ena vakananumi keda o Koya me baleta na vakataucokotaki kei na ibalebale ni bula ena noda taura na gauna meda nanumi ira na noda qase e liu ka biuta tu mai e dua na ivakananumi ni noda bula me baleti ira na noda kawa mai muri.
Ena rawa ni o sarava na vidio bula ena rootstech.org.
Kalasi ni Siga ni Kunei ni Matavuvale
E vakarautaki tale tiko ga na kalasi ni RootsTech ena Vakarauwai vei ira kece era volayaca me baleta na Siga ni Kunei ni Matavuvale ka na sega ni saumi. Kevaka ona vakaitavi mai ena initaneti, na veika ga mo cakava sai koya mo volayaca me baleta na soqo sega ni saumi ena initaneti!
Ena rawa mo vuli mai vei ira na kenadau ni tuva kawa ena sala mo tekivu kina ena ilakolako ni kena kunei se o cei o iko. Era na kauti iko ena dua na vakadidike me baleti iko kei na nomu matavuvale me matata vakavinaka cake kina vei iko na vanua o lako mai kina.
Na kalasi e oka kina “Na nona nanuma edua na kenadau ena maroroi ni nomu italanoa,” ka a vakatavulici mai vei Jimmer Fredette edua na dau qito basketball rogo, kei na “Veika sotavi taleitaki ni kunei ni matavuvale me baleti ira na itabatamata gone,” ka vakatavulica o Christine Francis. Kevaka o se qai tekivu vulica tiko na italanoa ni nomu matavuvale, e tiko e dua na ka me nomu ena Siga ni Kunei ni Matavuvale ni 2024! Kevaka o taleitaka na veisala titobu cake eso ni tuva kawa, raica na neitou veikalasi tale eso ena rootstech.org.
Na Cava Na Roots Tech?
Na Roots Tech e vanua ni vuli, veivakauqeti, ka veisemati ena cakacaka ni tuva kawa. Ena veiqaravi ni FamilySearch ka tokoni mai na veisoqosoqo liu ni tuva kawa, e tiko e drau vakadrau na kalasi mai vei ira na kenadau, ivakasala kei na vidio ni ivakasala vinaka eso, kei na italanoa veivakauqeti ka rawa ni vukei iko mo taleitaka na tuva kawa me vaka e se bera vakadua ni bau yaco. Sikova na neitou valenivola ni vuli ke gadrevi, se navuca mo tomani keitou ena koniferedi ena initaneti se vakatamata yadua ka tarava.
