Mangita og mga Katigulangan diha sa mga Rekord

Mga sukaranan sa pagpangita sa katigulangan

Ang pagpangita sa imong mga katigulangan diha sa database sa makasaysayanon nga mga rekord sama ra gayod sa pagpangita diha sa Google. Imong i-type ang unsay imong nahibaloan mahitungod sa usa ka butang nga gusto nimong pangitaon. Dayon ang search engine mopakita og daghan kaayong mga datos aron makita ang labing katukma.

Sa pagpangita sa katigulangan, maayo kon i-type ang impormasyon sama sa ngalan sa tawo ug diin siya nagpuyo sa dihang buhi pa ug namatay. Makatabang usab nga i-type ang bisan unsa nga mga relasyon sama sa kapikas, mga ginikanan, o mga anak.

I-type ang unsay imong nahibaloan o mahimong mahibaloan gikan sa mga paryente. Ayaw kabalaka kon wala ka mahibalo sa tanan; ang pagpangita mahimo gihapon nga buhaton gamit ang gamayng impormasyon.

Unsay buhaton sunod

Ang makasaysayanon nga mga rekord makatabang nimo sa pagtigom sa mga detalye sa istorya sa pamilya. Makahatag kini og importante o makapainteresado nga impormasyon sama sa mga address, mga ngalan sa sakop sa pamilya, ug personal nga mga detalye sama sa gitas-on, kolor sa mata, ug trabaho. Gani mahimo nimong makit-an ang pirma sa imong katigulangan.

I-save ang unsay imong makit-an mahitungod sa mga katigulangan ngadto sa ilang profile diha sa Family Tree. Kon unsay imong i-save mapreserba ug awtomatik nga mapaambit ngadto sa mga paryente nga mangita sa samang impormasyon. Kini nga mga detalye mao usab ang mga tinubdan nga mahimong mopamatuod sa kasayoran sa kinabuhi niana nga tawo ug makatabang sa pagmatuod sa mga relasyon.