Maghimo og Family Tree
Sulayi kini nga mga kalihokan sa pagsugod og dokumento sa mga sanga sa imong family tree diha sa FamilySearch.
Unsa ang tree?
Usa kini ka naglambo nga koleksyon sa mga genealogy sa pamilya. Ang mga tawo gikan sa tibuok kalibotan midugang sa ilang mga sanga sulod sa daghang katuigan.
Unang mga lakang
Sugod sa imong mga ginikanan, pagdugang og buhi ug namatay na nga mga paryente pabalik sa kutob sa imong mahimo. Usa ka mubo nga pagtawag sa phone o pagtext ngadto sa mas magulang nga paryente tingali makatabang nimo nga masulatan ang pipila ka blangko.
Tip: Ayaw kabalaka mahitungod sa pagdugang sa buhi nga mga indibidwal samtang naghimo ka pabalik ngadto sa mga namatay na. Ang tanang impormasyon mahitungod sa buhi nga mga tawo ipabiling pribado.
Modugang og mga tawo ngadto sa Tree
Pilia ang (+) nga button sa pagdugang og tawo ngadto sa tree.
Idugang ang ngalan sa tawo ingon man usab ang mga petsa ug mga lugar sa pagkatawo o pagkamatay. Bisan unsa nga imong nahibaloan o mahimong mahibaloan. Dayon pilia ang sunod.
Mokonektar ngadto sa komunidad sa Family Tree
Samtang modugang ka og mga ngalan ngadto sa tree mangita kami og mga katukma. Busa, kon ang imong namatay na nga lola anaa na sa tree, pangitaon namo siya ug mohimo sa koneksyon. Ang pagpangita og mga katukma komon—ang komunidad sa Family Tree naglangkob sa mga kontribusyon gikan sa mga tigsiksik sa tibuok kalibotan, nga gihimo sulod sa daghang katuigan.
Pagbantay sa mga timailhan sa rekord
Agi og dugang sa pagpangita og lagmit nga mga katukma sa katigulangan diha sa family tree, mangita usab kami sa among koleksyon sa makasaysayanon nga mga rekord alang ni bisan kinsa sa namatay na nga mga katigulangan nga imong idugang. Kon makakita kini og katukma, kami mopakita nimo og “timailhan.” Makamatikod ka sa usa ka timailhan pinaagi sa blue nga icon nga mogawas.
Sunda ang link sa pag-adto sa Family Tree ug magsugod na. I-klik ang (?) nga icon nga anaa sa ibabaw sa page kon ikaw adunay mga pangutana o gusto nga makat-on pa og dugang kon unsaon sa pagtrabaho niini.
Tip: Rebyoha ang mga timailhan aron makita kon katukma ba kini. Kon mao, usa kini ka maayong paagi sa pagdugang og bag-ong mga sanga ngadto sa family tree.