Ania ang mga giya nga makatabang nimo sa pagbutang og mga ngalan sa hustong paagi diha sa Family Tree.
Pilia ang husto nga pinulongan
Kon magdugang ka o mag-edit og ngalan diha sa Family Tree, makausab ka sa setting sa pinulongan. Ang setting sa pinulongan motugot nimo sa pagbutang sa ngalan sa husto nga han-ay uban sa husto nga hugpong sa mga karakter.
Ibutang ang husto nga bersiyon sa ngalan diha sa Mga Mahinungdanon nga seksiyon
Diha sa Mga Mahinungdanon nga seksiyon, ibutang ang ngalan sa pagkatawo o kompleto nga legal nga ngalan.
- Pagkapital—Gamita ang normal nga pagkapital.
- Apelyido sa pagkadalaga ug apelyido sa pagkaminyo—kon ang babaye mousab sa iyang apelyido human sa kaminyoon, gamita ang iyang apelyido sa pagkadalaga.
- Mga kausaban sa legal nga mga ngalan—Kon ang usa ka tawo mousab sa iyang ngalan sa legal nga paagi, gawas kon pinaagi sa kaminyoon, ibutang ang mas bag-o nga legal nga ngalan.
- Labing sagad gamiton nga ngalan—Kon ang tawo dili mogamit sa iyang legal nga ngalan dinhi sa kinabuhi, ibutang ang sagad gamiton nga ngalan diha sa Mahinungdanon nga seksiyon. Ibutang ang legal nga ngalan diha sa Ubang Impormasyon nga seksiyon.
I-type ang matag bahin sa ngalan diha sa husto nga sulatanan
- Titulo—Gamita ang mga pulong sama sa “Count” o “Mister.” Mahimo nimong biyaan nga blangko ang sulatanan sa titulo.
- Mga Ngalan—Ibutang ang una ug tunga-tunga nga mga ngalan. Ibutang ang mga angga diha sa “Ubang Impormasyon” nga seksiyon.
- Mga Apelyido—Ibutang ang ngalan sa pamilya o apelyido. Kon ang babaye miusab sa iyang apelyido human sa kaminyoon, ibutang ang apelyido sa pagkadalaga. Kon ang tawo walay apelyido, ipabilin nga blangko ang sulatanan sa Apelyido.
- Suffix—Ibutang ang mga pulong sama sa “Jr.” o “Sr.,” o Roman numeral. Pananglitan, John Smith III. Mahimo nimong biyaan nga blangko ang sulatanan.
I-type ang mga angga ug ubang lahi nga mga ngalan diha sa Ubang Impormasyon nga seksiyon
Idugang ang ubang mga ngalan nga gigamit sa tawo diha sa “Ubang Impormasyon” nga seksiyon. Ania ang mga pananglitan:
- Mga angga
- Mga ngalan nga gigamit sa wala pa o human sila mibalhin ngadto sa usa ka bag-o nga nasod
- Mga ngalan nga gigamit aron sa paglikay nga mailhan
- Mga kausaban sa ngalan tungod sa pagsagop, pagdiborsiyo, o ubang laing legal nga mga aksiyon
- Mga kalainan sa ngalan basi sa mga kustombre sa paghatag og ngalan, sama sa French nga “dit” nga mga ngalan
- Ngalan sa pagkaminyo sa kababayen-an
- Mga kalainan sa spelling
Likayi ang dili balido nga mga pulong ug mga karakter
Dili ka maka-save og ngalan nga adunay dili balido nga karakter sa bisan asa nga mga sulatanan sa ngalan. Usa ka mensahe sa pasidaan mohulagway sa problema. Kon pula ang kolor sa mensahe, kinahanglan imong tangtangon ang dili balido nga mga karakter.
- Kini nga mga karakter dili mahimong gamiton: \ @ # $ % ^ & * _ + = | ~ ? < > [ ] { } ( ) ; : 0 1 2 3 4 5 6 7 8 9.
- Likayi ang subra nga mga lat-ang.
- Mahimo kang mogamit og mga hypen ug mga apostrophe nga kabahin sa ngalan.
- Likayi ang ngalan nga mga inisyal lamang.
- Likayi ang mga pulong nga dili mga ngalan. Ang mga pananglitan naglakip sa wala hatagi og ngalan, walay ngalan, Mister, Asawa, kaluha, o anak nga lalaki.
- Ibutang ang mga numero sa henerasyon, sama sa III, diha sa sulatanan sa suffix.
May kalabotan nga mga artikulo
Unsaon nako pag-usab sa mahinungdanong impormasyon diha sa Family Tree?
Unsaon nako pagdugang og mga angga ngadto sa Family Tree?
Unsaon nako pagbutang og ngalan gikan sa lahi nga pinulongan ngadto sa Family Tree?
Ngano nga ang usa ka ngalan sa tawo adunay question mark diha sa Family Tree?
Unsaon nako pagbutang og Scandinavian nga mga ngalan ngadto sa Family Tree?