Unsaon nako pagdugang og source gikan sa gawas sa Family Tree?

Id sa Artikulo: 20842
2022 ноябрь 21

Usahay makakita kag source nga dili available sa FamilySearch. Makita nimo ni sa ubang website, o aduna kay kopya nga papel o digital. Puwede nimong i-type ang impormasyon aron madugang ni nga mga source sa Family Tree. Dihang mag-type ka sa source, puwede nimo ning i-link sa online nga kopya o ilakip ang digital nga kopya.

Naa pay laing mga kaayohan ang digital nga kopya:

  • Mapreserbar sa digital nga kopya ang source para sa umaabot nga mga henerasyon.
  • Dihang makakitag digital nga kopya ang mga tawo, mas mobati silang suod sa ilang katigulangan.
  • Puwedeng mohatag og clue ang digital nga kopya nga subaybayan sa ubang tigdukiduki.

Sa imong kahon sa source ug sa Family Tree, mailhan nimo kining mga source gikan sa gawas gamit ini nga icon:

Icon of the planet Earth

Sa dili pa ka magsugod

Kon naa online ang source, kopyaha ang URL. Kon papel nga mga kopya ang naa nimo, i-save ni sa imong computer ingong digital format.

  • Modawat mig mga .jpg, .png, .tif, .bmp, ug .pdf file. (Gamita ang .pdf para sa mga dokumento nga daghag panid.)
  • Ang maximum nga gidak-on sa file maoy 15 MB.

         Makadugang kag mga panumduman ingong mga source niadtong namatay na. Dili nimo malakip ang mga panumduman ingong mga source sa buhing mga indibiduwal. Pero, magamit nimo ang Family Tree app aron ilakip ang litrato gikan sa imong telepono ingong source.

Mga Angayng Himoon (website)

  1. Pag-sign sa FamilySearch.
  2. Adto sa page sa Tawo sa indibiduwal nga naa kay source nga gikan sa gawas.  
  3. I-klik ang Mga Source nga tab. 
  4. I-klik ang Pagdugang og Source.
  5. I-klik ang Pagdugang og Bag-ong Source.
  6. Pagbutang og impormasyon bahin sa source.
    1. Ibutang ang petsa sa hitabo. Magamit ang petsa sa pag-sort nga pasunod sa source.
    2. Butangig titulo ang source.
    3. Sa seksiyon sa Web Page, i-klik angWeb Page URL aron makabutang og source gikan sa website. Ibutang ang URL sa source. I-klik ang Pagdugang og Panumdoman aron maka-upload og panumdoman o makapili gikan sa imong Gallery. Naa sa ubos ang mga detalye sa Pag-upload sa Panumdoman ug Pagpili gikan sa Gallery.
    4. Idugang ang citation nga nagpatin-aw kon asa nakita ang rekord.
    5. Ihulagway ang rekord. Makabutang kag transkripsyon sa source o eksplinasyon sa aytem sa panumduman.
    6. Ibutang ang rason sa paglakip sa source.
    7. I-klik ang mga kahon para sa kada hitabo nga gidokumento sa source.
    8. Kon gusto kang naa sa imong kahon sa Source ang source, pasagding naay tsek ang opsiyon. Kon dili, i-klik aron mawala ang tsek.
    9. I-klik ang I-save.

Pag-upload og Panumdoman

  1. Sa lakang 6c sa ibabaw, i-klik ang I-upload ang Panumdoman.
  2. Pangitaa ang na-save nga aytem sa imong kompyuter, ug i-double click ni.
  3. Ang gi-upload nga aytem mahimong source sa imong katigulangan. Idugang sab ni sa sistema sa imong Gellery sa mga Panumdoman sa FamilySearch.
  4. Ipadayon ang lakang 6d sa ibabaw.

Pamili gikan sa Gallery

  1. Sa lakang 6c sa ibabaw, i-klik ang Pamili gikan sa Gallery.
  2. Maabli ang imong Gallery sa mga Panumdoman.
  3. I-klik ang aytem nga gusto nimong idugang ingong source.
  4. I-klik ang Ilakip.
  5. Ipadayon ang lakang 6d sa ibabaw.

Mga Angayng Himoon (mobile app)

  1. Sa Family Tree app, adto sa panid sa Tawo sa indibiduwal nga gusto nimong lakipan og source.
  2. I-tap ang Mga Source nga tab.
  3. Sa ubos nga tuong bahin sa screen, i-tap ang plus nga simbolo.
  4. I-tap ang Idugang ang Source nga naay Web Page o Idugang ang Source nga naay Litrato. Ipadayon ang nahiangayng mga lakang.

Pagdugang og Source nga naay web page

  1. Ibutang ang titulo sa Source.
  2. Ibutang ang petsa (opsiyonal).
  3. Ibutang ang URL sa source nga gikan sa gawas.
  4. Ihatag ang citation nga nagpatin-aw kon asa nakita ang rekord.
  5. Idugang ang mga Pahinumdom.
  6. Ibutang ang rason sa paglakip sa source.
  7. I-tap ang I-save.

Pagdugang og source nga naay litrato

  1. I-tap ang Idugang ang Litrato sa iOS device. I-tap ang Idugang ang Source nga Litrato sa Android device.
  2. I-tap gikan sa listahan sa mga opsiyon.
    1. Kamera o Pagkuhag Litrato: Gamita ang imong mobile device sa pagkuhag digital nga imahe.
    2. Camera Roll, Akong mga File, o File: Gamita ang imahe gikan sa imong device ingong source.
    3. Akong FamilySearch Gallery o FamilySearch Gallery: Pagpilig aytem sa imong gallery nga gamiton nga source.
  3. I-tap aron makapilig aytem gikan sa lakang 2. Depende sa imong gipili, i-tap angI-save o I-upload.
  4. Ibutang ang titulo sa Source.
  5. Ibutang ang Petsa sa Hitabo.
  6. Ibutang ang Citation nga nagpatin-aw kon asa nakita ang rekord.
  7. Ibutang ang mga Pahinumdom. Para sa mga dokumento, ang mga pahinumdom puwedeng ekstraksiyon o transkripsiyon sa rekord.
  8. Ibutang ang rason sa paglakip sa source.
  9. I-tap ang I-save.

Mga Angayng Himoon (Family Tree Lite)

Ang Family Tree Lite walay feature nga Mga Source. Sa pagdumala sa mga source, bisitaha ang tibuok nga website.

Mga Resulta

Kon imong idugang ang URL, rebyohon ni sa FamilySearch aron maseguro nga nahiangay sa Family Tree ang unod niini. Kon aprobahan ang website nga gamiton sa Family Tree, puwede nimong i-save ang source ug magpadayon.

Kon wala pa maaprobahi para sa Family Tree ang website, sultian ka sa sistema nga magpasa og URL aron marebyo. Human sa rebyo, makadawat kag pahibalo sa email. Nianang puntoha, balik sa Family Tree og ibutang pag-usab ang URL. Sagad ning mahitabo dihang mag-link kag site nga wala magmonitor sa unod.

Kon magbutang kag website nga giisip sa FamilySearch nga dili angay, dili nimo ma-save ang source.  

Konektadong mga artikulo

Unsay mga kaayohan sa pagdugang sa mga source sa Family Tree?
Unsaon nako pag-upload sa mga panumduman sa FamilySearch?

Nakatabang ba kini?