Diha sa Family Tree sa website sa FamilySearch, ang Landscape nga view nagpakita sa imong pedigree nga pinahigda. Anaa ka sa tunga. Ang imong mga kaliwat anaa sa wala. Ang imong mga katigulangan anaa sa tuo.
Ang Landscape nga view adunay daghang bentaha:
- Makakita ka og daghang mga henerasyon sa pamilya sa usa ka higayon.
- Makasunod ka og usa ka linya sa pamilya paatras o paabante niana nga higayon.
- Makakita ka og mga timailhan sa rekord, mga sugyot sa pagsiksik, ug mga problema sa datos.
- Makakita ka sa mga katigulangan sa imong kapikas kon imo silang gidugang.
- Makakita ka sa mga kapikas sa imong mga anak.
- Makakita ka kon ang system adunay daghang mga kapikas o mga ginikanan alang sa usa ka tawo.
Pahinumdom: Sa paggamit sa Mga Opsiyon, diha sa ibabaw nga tuong bahin sa window, makapili ka kon unsa sa mga icon ang ipakita sa imong tree.
Mga Lakang (website)
- Diha sa ibabaw nga menu, i-klik ang Family Tree, ug dayon i-klik ang Tree.
- Diha sa ibabaw sa wala nga bahin sa pedigree nga view, i-klik ang ngalan sa kasamtangan nga view (pananglitan, Pinaypay nga Tsart [Fan Chart]), dayon ang Landscape. Kon ikaw anaa sa Unang Katigulangan nga view, kini nga opsiyon anaa sa ibabaw sa tuo.
- Aron mobalhin og laing tawo ngadto sa sentro nga posisyon, i-klik ang iyang ngalan, dayon ang Tree.
- Aron makita ang dugang nga mga detalye bahin sa usa ka tawo diha sa tree, i-klik ang iyang ngalan, dayon Mga Detalye.
- Aron makita ang mga anak sa magtiayon, i-klik ang Mga Anak diha sa ubos sa magtiayon nga kahon.
- Aron ipakita ang laing kapikas sa usa ka tawo diha sa tree, buhata kini:
- Tan-awa ang magtiayon nga kahon. Kon sobra sa usa ka kapikas ang anaa sa system, makakita ka og gamay nga arrow paubos sa wala sa kasamtangang gipakita nga kapikas.
- I-klik ang arrow paubos.
- Gikan sa lista sa mga kapikas, i-klik ang kapikas nga gusto nimong ipakita diha sa pedigree.
- Aron mabalhin-balhin ang tree diha sa screen, i-klik ang background area sa tree, ug i-drag kini.
- Aron mapadak-an o mapagamyan ang gidak-on sa tree, duol sa ibabaw sa wala, i-klik ang Plus ( + ) o Minus ( - ).
- Aron mapadako ang usa ka linya sa pamilya sa laing 2 ka henerasyon, i-klik ang arrow sa kataposan niana nga linya. I-klik kini pag-usab aron masirado kini.
- Aron mobalik ang pedigree sa imong kaugalingon, mahimo nimong gamiton ang usa niini nga mga opsiyon:
- Aron masira ang tanang gipalapdan nimo nga mga linya ug mabalik sa imong kaugalingon, i-klik ang Home nga icon.
- Aron magpabiling abli ang gipalapdan nga mga linya ug mobalik sa nagsugod nga tawo, i-klik ang isentro pag-usab nga icon, nga morag target tan-awon ug direkta ubos sa home nga icon.
- Kon ang usa ka tawo adunay daghang ginikanan diha sa system, makakita ka og arrow sa wala sa duha ka kahon alang sa mga ginikanan. I-klik ang arrow aron makita ang tanang ginikanan sa tawo.
- Kon ang usa ka tawo adunay sobra sa usa ka kapikas diha sa system, makakita ka og arrow tupad sa ngalan sa kapikas diha sa duha ka kahon. I-klik ang arrow aron makita ang tanang kapikas sa tawo.
- Sa pagprinta og 4 ka henerasyon sa pedigree nga chart, i-klik ang Mga Opsiyon, dayon I-printa. Kon ang maprinta nga bersiyon maabli diha sa bag-o nga tab, i-klik ang iprinta nga opsiyon sa imong browser aron iprinta kini.
Mga Lakang (mobile)
Ang Family Tree nga mobile app walay landscape nga view.
Mga Lakang (Family Tree Lite)
Ang Family Tree lite walay landscape nga view.
May kalabotan nga mga artikulo
Unsaon nako sa pag-set sa gipili nga kapikas o mga ginikanan diha sa Family Tree?
Unsay mahimo sa descendancy nga view sa Family Tree?
Unsaon nako sa paggamit ang fan chart nga view sa Family Tree?
Unsaon nako sa pagpuli-puli sa mga posisyon sa ginikanan o kapikas aron mausab ang makita nga mga linya sa pamilya diha sa Family Tree?