Unsaon nako pagkakita kon unsa ang gihimo nga mga kausaban bahin sa usa ka tawo diha sa Family Tree?

uniqueIdLabel: 17294
2023 февраль 16

Ang feature nga Labing Bag-o nga Kausaban magtugot kanimo sa pagrebyo sa tanang kausaban nga gihimo sa mga tiggamit sa profile sa katigulangan sa Family Tree. Puwede nimong ibalik sa kanhi ang kausaban o kontakon ang tawo nga mihimo og kausaban.

Among isugyot nga kontakon nimo ang laing tiggamit kay—sama nimo—lagmit suod kaayo siya sa katigulangan. Tingali pwede mong magtinabangay aron makab-ot ang usa ka mas bug-os, mas maayo nga asoy sa kinabuhi sa imong katigulangan.

Mga Lakang (website)

  1. Mo-sign in sa FamilySearch, ug i-klik ang Family Tree.
  2. I-klik ang Tree.
  3. Pangitaa ang tawo nga gusto nimong tan-awon ang kausaban.
  4. I-klik ang ngalan sa tawo. Sa mga detalye nga mogawas, i-klik pag-usab ang ngalan sa tawo.
  5. I-klik ang Mga Detalye nga tab.
  6. Sa tuo, pangitaa ang Labing Bag-o nga Kausaban, ug i-klik ang Ipakita Tanan.
    1. Aron makita ang mga kausaban alang sa piho nga relasyon, i-scroll ngadto sa relasyon sa seksiyon nga Sakop sa Pamilya, i-klik ang I-edit nga icon. I-scroll ug i-klik ang Tan-awa ang Tanang Kausaban.
  7. Isip default, unang makita ang pinakabag-o nga mga kausaban. Aron ma-filter kini nga listahan sa piho nga matang sa impormasyon, i-klik ang I-filter. I-klik ang impormasyon nga imong gusto.
  8. Kon makita ang pulong nga I-restore sa pinakatuong bahin, pwede nimong ibalik sa kanhi ang kausaban:
    1. I-klik ang I-restore.
    2. Sa pop-up, rebyoha ang impormasyon.
    3. I-klik ang I-restore.
  9. Kon makita ang pulong nga “Kapanguhaan” sa pinakatuong bahin, mas daghang detalye ang available:
    1. I-klik ang Kapanguhaan.
    2. Pangitaa ang opsiyon nga I-restore.
  10. Aron makontak ang tiggamit sa FamilySearch nga mihimo sa kausaban, i-klik ang iyang profile. Puwede dayon nimong gamiton ang sistema sa pagpadala og mensahe sa FamilySearch sa pagpakigkomunikar.

Mga Lakang (mobile nga app)

  1. I-open ang Family Tree nga app, ug adto sa katigulangan. 
  2. Sa tuong bahin sa ibabaw sa screen, i-tap ang 3 ka tuldok aron ma-open ang menu.
  3. Gikan sa menu nga makita, sa Android nga device, i-tap ang Bag-ong Kausaban. Sa Apple iOS nga device, i-tap ang Dugang pa, dayon ang Bag-ong mga Kausaban.
  4. Makita nimo ang listahan sa mga kausaban. Kon pwede nimong ibalik sa kanhi ang kausaban, makita nimo ang I-restore nga button. Kon gusto nimong makigkomunikar sa tawo nga mihimo sa kausaban, i-klik ang ngalan sa tawo nga mihimo sa kausaban. Kon gipaambit sa tawo ang impormasyon sa pagkontak, puwede kang mokontak. O mopadala og mensahe pinaagi sa FamilySearch.  

Mga Lakang (Family Tree Lite)

Dili pa available ang feature nga Labing Bag-o nga Kausaban diha sa Family Tree Lite. Aron ma-access kini, gamita ang tibuok website sa Family Tree nga app.  

May kalabotan nga mga artikulo

Unsaon nako pagpadala og mensahe ngadto sa usa ka tawo nga mitampo sa Family Tree o sa Mga Handomanan?

moduleTitle