Unsaon nako pagdugang og mga petsa ug mga lugar ngadto sa Family Tree?

uniqueIdLabel: 16899
2022 октябрь 31

Ang paggamit sa standard nga mga pormat alang sa mga petsa ug mga lugar diha sa Family Tree makapalambo sa katukma ug sa pagpangita sa impormasyon nga imong gibutang.

Sa dili pa ka magsugod

  • Daghang mga lugar adunay susama o pare-parehas nga mga ngalan. Ang mga tawo mosulat og mga petsa sa daghang paagi. Ang Family Tree makatabang nimo sa pag-standardize sa mga petsa ug mga lugar samtang imong i-type kini.
  • Ang gi-standardize nga mga petsa ug mga lugar (gitawag usab og “mga standard”) mopalambo sa pagkatukma sa pagsiksik, mga sugyot sa rekord, ug mga nadoble [duplicates] nga mga feature sa Family Tree.
  • Ang lista sa gi-standardize nga mga bersiyon makapadali sa pagsulod sa datos alang kanimo.
  • Kon ang usa ka petsa o lugar walay standard, ang Family Tree moila niini isip usa ka problema nga datos ug mopakita og pula nga eklamasyon sa tupad niini. Sa pag-ayo niining problemaha, ablihi ang I-edit ang kahon, i-klik ang “Walay Gipili nga Standard,” ug pilia ang usa ka standard.

Mga Lakang (website)

  1. Sa usa ka luna [field] sa petsa o lugar diha sa Family Tree, sugdi sa pag-type ang petsa o lugar.
    • Mga sugyot alang sa mga petsa:
      • 29 sa Pebrero gi-standardize alang lamang sa mga leap year.
      • Paggamit og B.C. o B.C.E. alang sa “Wala pa si Kristo” o “Before Common Era.” Ang standard nagpakita isip B.C.
      • Ang Family Tree gi-standardize gamit ang Gregorian nga kalendaryo. Sa pagbutang sa petsa gikan sa laing kalendaryo, i-type ang petsa, i-type ang space, ug dayon i-type ang Gregorian nga bersiyon niana nga petsa (Adlaw-Bulan-Tuig). Pananglitan, kon ang usa ka petsa sa natawhan nahitabo sa Disyembre 31, 2003, imong i-type isip: “31 Disyembre 2003.”
      • Sa drop-down nga lista, ang gi-standardize nga mga petsa adunay usa ka icon sa kalendaryo.
    • Mga sugyot alang sa mga lugar:
      • Ang database sa standard nga mga lugar wala pa nakompleto. Ang mga standard molambo paglabay sa panahon.
      • Kon mahimo, i-type ang ngalan sa lugar sama nga kini nailhan sa dihang nahitabo ang kalihokan.
      • Ikaw adunay opsiyon sa pagsulod sa mga lugar diha sa imong lumad nga pinulongan o sa lumad nga pinulongan niana nga lugar.
  2. Samtang imong i-type, ang sistema mopakita og usa ka drop-down nga menu uban sa anaa nga mga standard. I-klik ang sakto.
    • Kon ang husto nga standard wala, i-type og usab ang petsa o lugar. Kon walay mga opsiyon nga motugma, i-save kon unsa ang imong gi-type pinaagi sa pag-klik sa unang item diha sa drop-down nga menu. Ang Family Tree mopili og usa ka standard kon kini makahimo.
    • Sa pagpili sa walay standard, i-klik ang mouse sa laing dapit sa screen. 
  3. Sa pag-usab sa standard, i-klik lang diha sa luna, ug pilia ang usa nga imong gusto.
  4. Ang sistema lagmit nga moaghat kanimo sa pag-update sa rason nganong ang impormasyon sakto. Buhata kini, dayon i-klik ang I-save.  

Mga Lakang (sa mobile app)

  1. Diha sa usa ka petsa o lugar nga luna [field] diha sa Family Tree nga mobile app, sugdi sa pag-type ang petsa o lugar.
    • Mga sugyot alang sa mga petsa:
      • 29 sa Pebrero gi-standardize alang lamang sa mga leap year.
      • Paggamit og B.C. o B.C.E. alang sa “Wala pa si Kristo” o “Before Common Era.” Ang standard nagpakita isip B.C.
      • Ang Family Tree gi-standardize gamit ang Gregorian nga kalendaryo. Sa pag-type og usa ka petsa gikan sa laing kalendaryo, i-type ang petsa, i-type ang space, ug dayon i-type ang Gregorian nga bersiyon niana nga petsa.
      • Sa pag-type og mga petsa, posible kini nga 2 ka opsiyon ang mopakita (sama pananglit, 5 Nob 1911 o 5 Nobyembre 1911). Pilia ang petsa nga adunay usa ka icon sa kalendaryo sa tupad niini (kasagaran ang ulahi, 5 Nobyembre 1911). Kini makalikay sa mga sayop sa datos nga kauban sa pormat sa petsa.
    • Mga sugyot alang sa mga lugar:
      • Ang database sa standard nga mga lugar wala pa nakompleto. Ang mga standard molambo paglabay sa panahon.
      • Kon mahimo, i-type ang ngalan sa lugar sama nga kini nailhan sa dihang nahitabo ang kalihokan.
      • Ikaw adunay opsiyon sa pagsulod sa mga lugar sa imong lumad nga pinulongan o sa lumad nga pinulongan sa lugar.
      • Kon ang sakto nga standard wala, i-type ang lugar sumala sa imong gusto nga marekord kini, pagdugang og space, ug dayon i-type ang usa ka bersiyon sa ngalan sa lugar nga mahimong i-standardize. Kini mahimong sa moderno nga panahon nga ngalan sa lugar o ang ngalan sa distrito, estado, probinsiya, o nasod diin kini kasamtangan nga nahimutang. 
  2. Samtang imong i-type ang ngalan o petsa, ang sistema mopakita sa unsay anaa nga mga standard.
    • Pindota ang sakto nga standard. Mahimong gikinahanglan nimo i-scroll ang tibuok lista sa mga standard sa lugar aron makit-an ang insakto.
    • ​​​Kon walay standard nga magamit ang anaa, adto sa kinaubsan sa lista sa mga standard, ug pindota ang Walay usa sa ibabaw.
    • Sa pagtipig sa unsay imong gisulod ug ipapili sa sestema ang usa ka magamit nga standard, pindot sa layo sa lista sa mga standard.
  3. Sa pag-usab sa standard, gikinahanglan nimo nga i-type og usab ang petsa o lugar. Ang mobile nga app, dili sama sa website, dili motugot kanimo sa pag-usab sa usa ka standard nga dili usab i-type og usab ang impormasyon. 

Mga Lakang (sa Family Tree Lite)

Ang Family Tree Lite awtomatik nga mo-standardize sa mga petsa ug mga lugar samtang imong idugang o i-edit kini. Dili ka makapili og usa ka standard. 

May kalabotan nga mga artikulo

Wala ako masayod sa eksakto nga petsa nga ibutang sa Family Tree
Unsaon nako sa pag-ayo ang mga problema sa datos [data problems] diha sa Family Tree?
Mga laktod alang sa pagbutang sa mga petsa ngadto sa Family Tree

moduleTitle