Unsaon nako sa pagpangita og mga litrato, mga istorya, mga dokumento, ug mga file sa audio diha sa Mga Handomanan?

Sa dili pa ka magsugod

Ang Mangita nga feature magtugot kanimo sa pagpangita og mga litrato, mga istorya, mga dokumento, ug mga file sa audio mahitungod sa usa ka piho nga katigulangan. Ania ang pipila ka sugyot sa pagpangita:

• Pangita og mga pulong nga tingali anaa sa ulohan o deskripsiyon sa usa ka litrato, dokumento, o file sa audio.
• Pangita og mga pulong nga tingali usa ka tag sa hilisgotan.
• Pangita og mga pulong mga tingali anaa sa ulohan o sa unang 250 ka karakter sa usa ka istorya.
• Makakuha lang ka og mga resulta alang sa usa ka ngalan kon ang ngalan anaa sa ulohan o deskripsiyon sa usa ka handomanan. Kon nahibalo ka sa ngalan sa usa ka katigulangan, pangitaa siya diha sa Family Tree, ug ipakita ang iyang mga handomanan.

Dili mopakita sa mga resulta sa pagpangita ang ubang mga aytem sa handomanan: 

• Mga handomanan nga walay mga naka-tag nga tawo
• Mga handomanan nga aduna ray mga naka-tag nga gi-unlink nga tawo
• Mga link ngadto sa buhi nga mga tawo diha sa Family Tree, bisan kon ang usa ka handomanan may kalabotan sa tawo nga gipakita.

Mga Lakang (sa website)

1. Sign in ngadto sa FamilySearch.org ug i-klik ang Mga Handomanan.
2. I-klik ang Mangita.
3. I-klik aron sa pagpili sa unsay ganahan nimong pangitaon.
   
   • Ang Pangitaon ang Teksto mangita sa mga ulohan ug mga deskripsiyon.
   • Ang Pangitaon ang Mga Tag sa Hilisgotan mangita kutob sa 5 ka tag sa hilisgotan.
4. I-type ang mga pulong nga imong pangitaon diha sa kahon. (Ang pagpangita dili case sensitive.) Kon i-type nimo ang usa ka termino nga dili makit-an sa sistema, ang mensahe nga “Walay nakit-an nga mga hilisgotan” mopakita dayon sa ubos sa field.
5. I-klik ang Pangitaon.
6. Aron sa pag-filter pa gayod niining set sa mga resulta sa pagpangita, i-refine ang imong pagpangita gamit ang mga opsiyon diha sa wala nga panel. Kon nangita ka gamit ang mga tag sa hilisgotan, i-klik ang Pangitaon Lamang sa Akong Duol nga mga Paryente aron sa paglimita sa mga resulta sa pagpangita sa imong mga kaliwat sa pamilya lamang.

Mga Lakang (sa mobile app)

1. Ablihi ang FamilySearch Memories nga app diha sa imong mobile device.
2. Pindota ang Mangita.
   
   1. Alang sa iOS nga device, ang Mangita usa ka magnifying glass nga icon diha sa ubos.
   2. Alang sa Android nga device, diha sa ibabaw sa wala, pindota ang 3 ka linya ug dayon ang Mangita.
3. Pindota ang Teksto o Tag sa Hilisgotan.
4. I-type ang mga termino nga pangitaon ug pindota ang magnifying glass nga icon.

Mga Lakang (sa Family Tree Lite)

Ang Family Tree Lite dili magpakita o mangita og mga handomanan.

May kalabotan nga mga artikulo

Unsaon nako sa pagdugang o pag-edit sa ulohan sa usa ka litrato, istorya, dokumento, o file sa audio?
Unsaon nako sa pag-tag og mga handomanan sa akong mga katigulangan o mga paryente diha sa Family Tree?
Unsaon nako sa pagpakigbahin sa mga handomanan [memories] nga akong makaplagan ngadto sa pamilya ug mga higala?
Advanced nga mga opsiyon sa pagpangita alang sa Mga Handomanan