Ang Tabang sa FamilySearch mao ang dapit diin makaadto ang nagsugod ug hanas nga mga maniniksik sa family history sa pagkuha og mga tubag sa mga pangutana nga ilang masugatan samtang magtinguha sila sa pagpangita sa ilang mga katigulangan. Sa usa ka blog post niadtong Hunyo 2021, among gipakita ang bag-o nga mga feature ug ang kasayon sa paggamit [accessibility] sa giusab nga Sentro sa Tabang diha sa FamilySearch. Ang usa ka nahauna nga blog post midetalye kon sa unsa nga paagi ang gipayano nga menu mao ang imong kinatibuk-an nga kapanguhaan alang sa tanan sa imong mga pagpangayo og tabang nga mga pangutana.
Base sa feedback sa tiggamit, ang mga engineer sa FamilySearch miorganisar pag-usab sa Tabang nga materyal aron mahimong mas makita ang ubang nindot nga mga kapanguhaan sa tabang. Kini nga mga kausaban miabot human sa dakong pag-testing sa tiggamit ug feedback. Ang imong mga komentaryo nahimong bililhon.
Ang proseso sa pag-access sa FamilySearch wala nausab. Ang tiggamit moadto una sa www.familysearch.org, mo-sign in, dayon moklik sa icon sa Tabang diha sa ibabaw sa tuong bahin sa screen. Kini nga icon mao ang gilinginan nga pangsukna nga timaan.
Ang kinadak-an nga kalainan nga mabantayan sa mga tiggamit mao ang pagbag-o sa graphics ug ang usa ka bag-o nga pagnabigar alang sa mga pahina. Sama kanunay, ang open text field diin ma-type ang mga pangutana, nahimutang gihapon diha sa ibabaw sa Tabang ug Pagkat-on nga pahina. Ipakita dayon ang posible nga mga tubag ngadto sa mga pangutana uban sa opsiyon sa pag-usab o pagdugang og impormasyon. Usahay labing maayo nga ang inyong pangutana adunay usa o duha ka pulong lamang. Ang mga pulongan ug kompleto nga mga kapahayag mahimong dili mohatag sa mga resulta nga labing makatabang. Ang pagklik sa Pangita og tabang pinaagi sa hilisgotan mopakita og nag-una nga mga hilisgotan nga motabang sa pagpagamay sa usa ka pagpangita.
Ang dagko nga mga panel duol sa ibabaw sa Tabang ug Pagkat-on nga pahina mogiya sa mga tiggamit ngadto sa labing gipangita nga mga hilisgotan, sama sa Pagsugod nga mga kalihokan, Pag-reset og Password, ug sa pagkakita sa Nag-unang Napulo ka Gipangutana (tungod kay ang imong pangutana mahimong napangutana na). Sa ubos lamang niini nga seksiyon makita ang bag-o nga mga update ug mga kausaban sa FamilySearch. Adunay usa ka link sa pagtan-aw sa dugang nga importante nga impormasyon mahitungod sa paggamit sa tibuok FamilySearch nga web site.
Ang pag-scroll paubos sa pahina modala sa tiggamit ngadto sa Mga Kapanguhaan sa Kinaugalingong Pagtabang diin mahimong mahitabo ang dugang nga pagkat-on ug pagsiksik. Gi-link gikan niini nga seksiyon mao ang ilado nga Mga Klase ug Mga Bidyo diin ang mga tiggamit makapili ug makatan-aw og girekord nga mga webinar ug ubang mga bidyo aron sa pagtabang og pagpalambo sa ilang paniksik ug kahibalo.
Usa ka importante nga tumong sa Tabang nga mga pahina mao ang, sa kataposan, pagtabang kanimo nga makakita og Komunidad ug tinagsa-tagsa nga mga kapanguhaan sa tabang. Uban sa kapin 5,000 ka Sentro sa FamilySearch sa tibuok kalibotan, lagmit kaayo nga adunay usa nga duol kanimo diin ikaw makaadto aron sa pagkuha og tabang diha sa usa ka mahigalaon nga palibot ug diin anaa ang dugang nga mga kapanguhaan nga mapangita.
Kini nga pag-usab sa desinyo sa Tabang sa FamilySearch motugot og mga upgrade sa umaabot nga adunay gamay lang nga pagkabalda ug dugang nga kapailin-ilinan sa pagdugang og bag-o nga mga feature ngadto sa site. Segurado gayod nga walay nawala, gibutang lang sa tukma nga dapit niini ug uban sa kasayon sa pagdiskobre.
Atangi ang FamilySearch Blog diin mo-post kami og dugang nga mga artikulo kabahin sa indibidwal nga mga feature sa giusab nga mga kapanguhaan sa Tabang. Gusto kami nga ang tanan adunay nindot kaayo nga kasinatian sa pagkuha og tabang nga ilang gikinahanglan sa pagkonektar ngadto sa ilang pamilya.
