Faʻu ha
fuʻu ʻakau fakafāmili
Fieʻilo ki ho tukufakaholó? Kamata TAʻETOTONGI hoʻo fekumi ki hoʻo fanga kuí ʻi he fuʻu ʻakau fakafāmili fakamāmani lahi ʻa e komiunitií. Fakafehokotaki he taimí ni—mahalo pē kuo mau ʻosi maʻu ha fakaikiiki fekauʻaki mo ho fāmilí.
Founga ʻene ngāué
Sitepu 1:
Hū ki he polokalamá pea tānaki ʻa e meʻa ʻokú ke ʻiló.
ʻE tataki koe ʻe he polokalama ki hono faʻu ʻa e fuʻu ʻakaú. Te ke kamata ʻaki hono tānaki ki ai hoʻo ongomātuʻá mo e ngaahi kuí. ʻOua te ke hohaʻa—ʻoku tauhi fakataautaha ʻa e fakamatala kotoa pē ki he kakai moʻuí.
Sitepu 2:
Te mau fekumi ki ho ngaahi pīkinga fakafāmilí.
ʻI hoʻo tānaki atu ha fakamatalá, ʻe kamata fekumi ʻa e polokalamá ki he kau mēmipa ho fāmilí ʻi he fuʻu ʻakau fakafāmili fakakoló pea ʻi he ngaahi lekooti fakahisitōlia hangē ko e tohi taʻú mo e tohi maté.
Sitepu 3:
Mamata ki he tupulaki hoʻo fuʻu ʻakau fakafāmilí\!
ʻE fakatupulaki ʻe he ʻakau fakafāmili fakakoló ʻa hono ʻiloʻi e ngaahi fāmilí ʻi heʻene tānaki ha ngaahi vaʻa foʻou ki hoʻo ʻakau fakafāmilí. ʻI he fakaʻau ke tokolahi hoʻo fuʻu ʻakaú, te ke ako lahi ange ai ki ho fāmilí mo ongoʻi ha fetuʻutaki vāofi ki he kuohilí.
Kamataʻi Hoʻo Fuʻu ʻAkaú
ʻUhinga ʻoku fakaʻaongaʻi ai ʻa e fuʻu ʻakau ʻa e FamilySearch ʻoku vahevahé?
Fakaʻaongaʻi e mālohi ʻo ha tohi hohoko fakamāmani lahi ʻoku mohu fakamatala ke fekumi ki he talanoa ho fāmilí.
Ko e Fuʻu ʻAkau Fakafāmili Lahi Taha ʻi Māmani ʻi he ʻInitanetí
ʻOku ʻikai ngata pē ʻi hono fakatahatahaʻi ʻe kinautolu ʻoku nau kamataʻi ha Fuʻu ʻAkau Fakafāmili ʻi he FamilySearch ʻa e talanoa ʻo honau fāmilí—ka ʻoku nau toe tokoni ki hono faʻu ʻo ha fuʻu ʻakau fakafāmili fakamāmani lahi mo uouongataha maʻá e faʻahinga ʻo e tangatá.
Vahevahe mo Faingofua Hono Maʻú
ʻOku ʻi he fuʻu ʻakau ʻoku vahevahe ʻe he FamilySearch ha peesi ʻe taha ʻo e tokotaha pekia takitaha, ʻo ʻi ai ha feituʻu pē ʻe taha ke vahevahe ai ʻa e fakamatalá kotoa kae ʻikai ko hono fakamoveteveteʻi ʻi ha ngaahi fuʻu ʻakau lahi. ʻOku fakalahi foki heni ʻa e totonu fakafoʻituituí.
Faʻu Hoʻo Fuʻu ʻAkaú ʻi ha Founga Faingofua
ʻI he taimi pē ʻokú ke tānaki atu ai ha kāinga kuo pekia ki he fuu ʻakaú, ʻe feinga e FamilySearch ke fakafehokotaki koe ki ha faʻahinga fakamatala pē ʻokú ne maʻu ʻi heʻene faile fakakomipiutá fekauʻaki mo e tokotaha ko iá. Kapau te ne maʻu ha tatau, ʻe lava ke ʻosi fakahū pē ʻe he FamilySearch ʻa e fakamatalá, ʻo ʻikai ke ke fakamoleki ai ha taimi lahi\!
Fengāueʻaki mo e Niʻihi Kehé
ʻOku fakaʻatā ʻe he Fuʻu ʻAkau Fakafāmili ʻa e FamilySearch ke vahevahe ʻe he hako kotoa pē ʻa e fakamatala ʻoku ʻikai ʻilo ki ai e niʻihi kehé pea tānaki mo ha ngaahi maʻuʻanga tokoni ke fakapapauʻi e fakamatala totonú. Ko e ola fakalūkufua ʻo ha fuʻu ʻakau kuo lahi hono ngaahi maʻuʻanga tokoni ʻoku vahevahé [mo ha niʻihi kehe], ko e toe kakato pea tonu ange ia ʻi he ngaahi fuʻu ʻakau fakataautaha.
Fakafehokotaki mo e Kau Mēmipa Kehe ʻo e Fāmilí
ʻOku tokoni foki ʻa e ngāue fakataha ʻi ha fuʻu ʻakau fakamāmani lahi ke fakafehokotaki ai ʻa e ngaahi hakó. Mahalo te ke lava ʻo maʻu ha kāinga naʻe ʻaʻahi ki he ngaahi faʻitoka tatau, ʻeke e ngaahi fehuʻi tatau fekauʻaki— pea iku pē ʻo ako ke ʻofa pe saiʻia—ʻi he ngaahi kui tatau.
ʻAhiʻahiʻi he taimí ni
Kamata ʻaki e meʻa ʻokú ke ʻiló. Te mau tokoni atu ke fakafonu e konga ʻoku ʻataá.
Ko e hā ʻa e fuʻu ʻakau fāmili?
Ko hono ʻuhingá:
Ko e fuʻu ʻakau fakafāmilí ko ha fakatātā ia ʻo ha kāinga, ʻo fakatefito ʻi he ngaahi hingoa, ʻaho, feituʻu mo e vā fetuʻutaki fakafāmilí. ʻOkú ne fakahaaʻi e founga ʻoku pīkinga ai e niʻihi fakafoʻituitui ʻi he ngaahi toʻutangata kehekehe.
Lau ha Fakamatala Lahi Ange
Ngaahi fehuʻi ʻoku lahi hono ʻeké
Fuʻu ʻAkau Fakafāmili FamilySearch
ʻOku taʻetotongi ke fakaʻaongaʻi pea faingofua ke kamataʻi. ʻOku tatali atu ha ngaahi fekumi.