Fekauʻaki mo Kimautolú
Talu mei he 2011 mo e hoko ʻa e RootsTech mei he FamilySearch ko ha fakataha fakafāmili ʻoku ʻikai tatau mo ha toe taha. Kuo tupulaki mo liliu ʻa e konifelenisi fakataʻu naʻe fuofua fakahoko ʻi Sōleki Siti, ʻIutaá, talu mei he ngaahi fuofua ʻaho ko iá. Tatau ai pē pe ko e ʻi ai tonu pe fakafou ʻi he ʻinitanetí, kuo hoko maʻu pē ʻa e RootsTech ko hano fakafiefiaʻi ʻo e fehokotaki—ʻi he kuohilí, lolotongá mo e kahaʻú.
Meʻa ke ʻAmanaki ki ai mei he RootsTech?
Ko ha konifelenisi hisitōlia fakafāmili. Ko ha laipeli ako ʻo ka fiemaʻu. Ko ha founga ke ofi ange ai ki he kakaí, ngaahi feituʻú, mo e ngaahi talanoa ʻoku mahuʻinga tahá. ʻOku pehē kotoa ʻa e RootsTech pea toe lahi ange. Kau fakataha mo kimautolu ʻi heʻemau fakamanatua fakataha ʻa e fiefia ʻi he fehokotakí.
Ako
ʻOku ʻoatu ʻe he RootsTech ha ngaahi kalasi Hisitōlia Fakafāmili kuo fakaleleiʻi ki he kotoa ʻo e ngaahi lēvolo ʻo e ngaahi meʻa ʻoku manako aí mo e pōtoʻi ngāué, ʻoku ʻatā ʻi ha lea fakafonua ʻe 40 tupu, ʻo maʻu ʻi he meimei fonua kotoa pē. ʻI hono fakanounoú, ʻoku ʻi ai ʻa e meʻa maʻá e tokotaha kotoa pē.
Fakakaukau Foʻou
ʻOku hoa ngāue ʻa e RootsTech mo e ngaahi kautahá ʻi he taʻu takitaha ke fakaʻaliʻali ha ngaahi fakakaukau foʻou mo ha tekinolosia foʻou ʻe lava ʻo tokoni atu ke ke faʻu ha ngaahi fehokotakiʻanga hisitōlia fakafāmili foʻou.
Ueʻi Fakalaumālié
ʻOku fekauʻaki ʻa e Hisitōlia Fakafāmilí mo e ngaahi talanoa. Lolotonga ʻa e polokalama ʻaho ʻe tolú, pea mo e taʻú kakato, ʻoku mau fakaʻilongaʻi ʻa e ngaahi talanoa fakataautaha ʻoku nau langaki hake, ueʻi fakalaumālie, mo fakafiefiaʻí.
Fehokotaki
Tatau ai pē pe ko e fakamālohia ʻo e vā fetuʻutaki mo e niʻihi kehe ʻoku kau mai ki he RootsTech pe ko e ʻiloʻi ha kāinga kuo fuoloa ʻenau pulí, ko e fehokotaki ʻa e tangatá ko e uho maʻu pē ia ʻo e RootsTech.
Ngaahi Moʻoniʻi Meʻa Vavé
- ʻOku fakahoko ʻa e RootsTech 2026 ʻi he ʻinitanetí mo e ʻi ai tonú ʻi he ʻaho 5–7 ʻo Māʻasi 2026.
- Te ke lava ʻo kau taʻetotongi ʻi he ʻinitanetí pea kei siofi pē ʻi he taʻú kakato.
- ʻE toe foki mai ʻa e kāinga ʻi he RootsTech!
Ko ʻEmau Timí
Ko e timi RootsTech ko ha fāmili fakaemāmani lahi, ʻoku mafola ʻi he funga ʻo e māmaní pea tukupā ke fakatupu ha ngaahi aʻusia fakalaumālie maʻá e tokotaha kotoa pē. Mei he kau ngāue tokoní ki he kau fokotuʻutuʻu polokalamá, ʻoku fonu ʻa e timí ʻi he niʻihi fakafoʻituitui ʻoku nau ngāue mateaki ke tokoniʻi koe ke ke aʻusia ʻa e fiefia ʻi hono ʻiloʻi hoʻo fāmilí.
ʻAmelika Tokelau
ʻIulope
Hahake Lotolotó
ʻAmelika Latina
ʻAfilika
ʻĒsia & Pasifiki
Ko ʻEmau Tokotaha Talitali Kakaí
Ko e FamilySearch Fakavaha‘apuleʻangá ko ha kautaha ʻikai fakatupu paʻanga ʻoku tukupā ke fakafehokotaki ʻa e ngaahi fāmilí ʻi he ngaahi toʻu tangatá pea ʻoku nau tui ʻoku ʻomi ʻe he ngaahi fāmilí ha fiefia mo ha ʻuhinga ki he moʻuí. ʻOku tuku atu ʻe he FamilySearch ke lava ke maʻu taʻetotongi fakaemāmani lahi ʻa ʻene ngaahi maʻuʻanga tokoní mo e ngaahi lekōtí.
