ʻAkau fakafāmili taʻetotongi lahi taha ʻi māmani ʻi he ʻinitanetí

Naʻe ʻuluaki kamata ngāue fakataha ʻa e Laipeli Shanghai mo e FamilySearch ʻi he fakaʻosinga ʻo e senituli kuo ʻosí, pea kuo laka hake ʻi he taʻu ʻe 20 ʻa hono tānaki, fokotuʻutuʻu, fakatotoloʻi, mo fakahoko e ngaahi ngāue tokoni fekauʻaki mo e ngaahi tohihohoko faka-Siainaá (jiapu). ʻOku hiki ʻe he ngaahi tohi hohokó ʻa e hakó, fakafoʻituituí, mo e ngaahi ngāue ʻa ha kāinga ofi ʻoku nau vahevahe ʻa e laine toto tatau. Ko ha konga mahuʻinga kinautolu ʻo e tukufakaholo fakaʻulungaanga ʻo e faʻahinga ʻo e tangatá pea ko ha ngaahi meʻangāue mahuʻinga ia ki he tohihohokó, fakatotolo fakaakó, mo hono fokotuʻu ʻo e uouangataha fakasōsialé. ʻOku fenāpasi ʻaupito ʻeni mo e mahino ʻa e FamilySearch ki he tohihohokó.

Naʻe fakahoko ʻe he timi [Ko e FamilySearch] ha ako lahi ʻo fakafou ʻi he Zoom maʻá e Sōsaieti Tohihohoko Singapoa ʻo e taʻu kuo ʻosí, ʻo fakafeʻiloaki ai ʻa e polokalama FamilySearch mo hono ngaahi maʻuʻanga fakamatala lahí. ʻOku poupouʻi ʻe heʻenau kau mālohi ʻi he kulupu fepōtalanoʻaki ʻi he ʻinitanetí ha kau mēmipa tokolahi ʻo e GSS ʻi he fekumi ki honau fanga kuí. Naʻá ne fakahaaʻi ʻa e ngāue tōtōivi mo e fakapalofesinale ʻa e timi maʻongoʻongá.
Naʻe fakahoungaʻi lahi ʻa e kau ʻa e fekumi fakafāmilí ʻi hono fokotuʻu ʻo e microsite ki he Taʻu Foʻou Faka-Siaina 2022 mo e Senitā Fakafonua ʻo Singapoa Faka-Siainá.

Naʻe toki fakafoki pē ʻeku fuʻu ʻakau fakafāmilí ki ha toʻu tangata ʻe fā, ka naʻá ku ʻiloʻi naʻe ʻi ai ha kāinga ʻe niʻihi mei ha laine naʻe ʻikai kenau fāmili ofi ʻi he fonua lahi ko Siainá naʻe ʻi ai haʻanau tohi hohoko matolu (jiapu). Kuo mālōlō ʻeku tamaí, pea naʻe ʻikai foki ke u ʻilo ha taha ʻo hoku kāingá ʻi he fonua lahí pea ʻikai ha founga ke u fetuʻutaki ai kiate kinautolu. ʻI he konga ki loto ʻo ʻOkatopa 2020, ne u sio ai ʻoku ʻi ai ha founga fekumi foʻou ʻa e FamilySearch, ko ia ne u fakaʻaongaʻi e meʻangāué ke fuofua kumi ʻaki hono ngāue ʻaki e tōʻonga moʻui ʻa e toʻu tangata ʻo ʻeku ngaahi kuí pea muimui ʻi he lainé ke kumi e hingoa ʻo ʻeku tamaí, kui tangatá, mo e kui tangata hono uá. Naʻá ku ongoʻi ʻo hangē ʻoku ou ʻi ha faʻahinga kumi koloá. Naʻe ʻikai ke u ʻiloʻi ʻe au ʻa e toko lahi ʻo hoku fāmilí—ʻa e kakai naʻe ʻi ai ʻa e ngaahi toʻu tangata tatau naʻa nau fakafonu ha ngaahi tohi lahi—pea naʻe pau ke u fekumi ʻi he faʻa kātaki ʻi he peesi ki he peesi. Hili ha ʻaho ʻe ua ʻo ʻeku fekumí, ne faifai peá u maʻu ia. Naʻe ʻikai lava ke fakamatalaʻi ʻa e fiefia ʻi hoku lotó. Ko ha koloa mahuʻinga moʻoni ʻeni.