ʻOku founga fēfē haʻaku fakamoʻui ha fuʻu ʻakau fakafāmili fakakulupu ki ha kulupu fakafāmili ʻoku lolotonga ngāue?

Kapau ko ha pule koe ki ha kulupu fakafāmili, te ke lava ʻo fakamoʻui ha ʻakau fakafāmili fakakulupu ki ha kulupu ʻoku lolotonga ngāue. ʻOku lava ʻe he kau mēmipa ʻo e fuʻu ʻakau fakafāmili fakakulupú ʻo faʻu pea mo mamata ki he fuʻu ʻakau tatau ʻo e kau mēmipa kei moʻui ʻi he fāmilí pea mo vakai foki ki he anga ʻenau pīkinga ki heʻenau ngaahi kui kuo pekiá ʻi he ʻakau fakafāmili ʻa e kakaí.

ʻOku teʻeki maʻu e polokalama ko ʻení ʻi he polokalama telefoni toʻotoʻo iOS.

Ngaahi Sitepú (uepisaití)

1. ʻI he FamilySearch.org, lomiʻi ʻa e Fuʻu ʻAkau Fakafāmilí.
2. Fili ʻa e Ngaahi Kulupu Fakafāmilí.
3. Lomiʻi ʻi he kulupu fakafāmilí.
4. Lomiʻi ʻi he Fakatonutonu e Kulupú.
5. Lomiʻi ʻi he Fakaʻatā ʻa e kulupu ko ʻení ke ngāue fakataha ʻi ha ʻakau fakafāmili fakakulupu.
6. Lau ʻa e fakamatala ki he aleapaú, pea lomiʻi ʻi he puha ʻe 2.
7. Lomiʻi ʻa e Seivi.
8. Lomiʻi ʻa e Fili e Kakaí
9. Lomiʻi ʻa e puha ʻi he fakaʻilonga ʻo e tokotaha takitaha ʻokú ke fakaʻamu ke fakakau ki he fuʻu ʻakau fakafāmili fakakulupú. Fakaʻaongaʻi ʻa e tao ʻi he kīpōtí ke fakaʻasi ho ngaahi tamai mo faʻe tahá, ngaahi tokoua mamaʻo (cousins), ngaahi mehikitangá, mo e ngaahi faʻētangata ʻi he saatí.
10. Lomiʻi ʻa e Hiki Tatau ki he Kulupú.
11. Lomiʻi ʻa e Hoko atu ki he Tohi Hohokó.

ʻE ʻave ha fanongonongo ki he mēmipa kotoa ʻo e kulupu fakafāmilí, kuo ʻatā ʻa e fuʻu ʻakau fakafāmili fakakulupu foʻou ko ʻení. ʻE lava ʻe kinautolu kotoa ʻo sio mo fakatonutonu e fakamatala fekauʻaki pea mo e kakai moʻui ʻi he fuʻu ʻakau ko ʻení.

Ngaahi Sitepu (polokalama telefoni toʻotoʻó)

Fakatokangaʻi ange: ʻOku ʻikai ke ke lava ʻo vahevahe ha ngaahi fuʻu ʻakau fakafāmili fakakulupu, lolotonga hoʻo faʻu ha ngaahi kulupu fakafāmilí ʻi he polokalama Fuʻu ʻAkau Fakafāmili ʻi he telefoni toʻotoʻó. ʻOku mau fokotuʻu atu ke ke ngāue ʻaki e Fuʻu ʻAkau Fakafāmili he uepisaití, kae ʻoleva kuo tānaki ʻa e polokalama ko ʻení ki he polokalama telefoni toʻotoʻo Android.

1. ʻI he polokalama iOS ʻo e Fuʻu ʻAkau Fakafāmilí, fakaava ʻa e polokalama ʻo e ngaahi kulupu fakafāmilí:
   
   • Apple iOS: Lomiʻi ʻa e Lahi Angé
   • Android: ʻI he tuliki toʻohema ki ʻolunga ʻo e screen, lomiʻi ʻi he laine 3.p .
2. Lomiʻi ʻa e Ngaahi Kulupu Fakafāmilí.
3. Lomiʻi ʻi he kulupu ʻokú ke fiemaʻú.
4. Lomiʻi ʻi he ... .
5. Lomiʻi ʻi he Liliu ʻa e Fakamatala Fakaikiiki ʻo e Kulupú.
6. Lomiʻi ʻa e Fakaʻatā ʻa e kulupu ko ʻení ke ngāue fakataha ʻi ha Fuʻu ʻAkau Fakafāmili Fakakulupu.
   
   • Ko e fili ko ʻení ʻoku lolotonga maʻu ia ʻi he konga iOS ʻo e polokalama telefoni toʻotoʻo ʻo e Fuʻu ʻAkau Fakafāmilí.
   • Kapau ʻoku ʻikai te ke sio ki he fili ko ʻení, mahalo te ke fiemaʻu ke liliu ʻa e polokalama telefoni toʻotoʻó.
7. Lomiʻi ʻa e puhá ki he ngaahi aleapaú.
8. Lomiʻi ʻi he Seiví.

9. Kapau ʻoku fiemaʻu ʻe he kulupú ha fuʻu ʻakau fakafāmili fakakulupu, fili ʻa e kakai ke tānaki ki he fuʻu ʻakaú:

   1. Ke tānaki pē koe ki he fuʻu ʻakau fakafāmili fakakulupu ko ʻení, lomiʻi ʻa eHiki Tatau Pē Au. Ke hiki tatau e kakai mei hoʻo lisi fakataautahá, lomi ʻi he ngaahi hingoá, pea lomiʻi ʻa e Kuo Fili e Hiki Tataú.
   2. Lomiʻi ʻi he Hoko atu ki he Fuʻu ʻAkaú.
   3. Lomiʻi ʻa eFetongi.

Ngaahi fakamatala fekauʻakí

ʻOku anga fēfē haʻaku faʻu ha kulupu fakafāmili pe fuʻu ʻakau fakafāmili fakakulupu?