Kuo hoko e DNA ko ha konga lahi ʻo e tohihohokó mo e hisitōlia fakafāmilí. ʻOku faʻa ui e fehoanaki ʻi he DNA ko e kāinga, ʻe lava ʻo hoko ia ko e fehokotakiʻanga ke ikunaʻi e ngaahi faingataʻa ʻi he fakatotolo he hisitōlia fakafāmilí, tokoni ki he niʻihi ne ohí ke ʻilo honau ngaahi fāmili totonú, pea iku ki ha ngaahi ʻilo foʻou fakafiefia ʻi he hisitōlia fakafāmilí.
Te ke maʻu ʻi he FamilySearch.org ha maʻuʻanga tokoni taʻetotongi ʻoku fakaʻaongaʻi ngofua ke maʻu ai ha ngaahi tali faingofua ki he ngaahi fehuʻi DNA angamahení, hangē ko e:
- Ko e hā ʻa e DNA?
- ʻE tokoni fēfē mai ʻa e DNA ke maʻu ʻeku ngaahi kuí?
- Ko e fē he ngaahi sivi DNA ʻoku ʻataá?
- Ko e hā ʻoku totonu ke u fakahoko hili hono fakakakato ha sivi DNA?
ʻOku ʻikai fetongi ʻe he sivi DNA ʻa e ngaahi founga angamaheni ʻo e fakatotolo hisitōlia fakafāmilí. Ka ʻe fengāueʻaki lelei ia mo ha ʻakau fakafāmili ʻoku maau.
Kātaki fakatokangaʻi ange ʻoku ʻikai poupouʻi ʻe he FamilySearch ha faʻahinga kole DNA ʻoku totongi ki he tohihohoko fakafāmilí. Pe ʻe poupouʻi ʻe heʻemau ʻAkau Fakafāmilí ke tohi pe fakafehokotaki ki he ngaahi kulupu DNA ʻo makatuʻunga ʻi he ngaahi DNA ʻoku hoá.