Kumi ha Senitā FamilySearch ofi atu ke kamata ai hoʻo ngāue ki ho hisitōlia fakafāmilí. Te ke lava ʻo maʻu e tuʻasila ʻo ha senitā fakalotofonua ʻi heʻemau uepisaití.
ʻOku fai ʻe he kau ngāue tokoni fakalotofonua ʻi he ngaahi senitā FamilySearch ha ngaahi ngāue kehekehe:
- Tokoni fakataautaha fekauʻaki mo e founga hono fakaʻaongaʻi ʻo e FamilySearch mo e fekumi ʻi he hisitōlia fakafāmilí.
- ʻOku lava ai foki hono fakaʻaongaʻi ʻo e komipiutá, ʻinitanetí, mo e lesisita ki he ngaahi uepisaiti hisitōlia fakafāmilí. (ʻOku kehekehe e ngaahi maʻuʻaga tokoni ʻi he feituʻu takitaha.)
- Maʻu ʻa e ngaahi ʻīmisi ʻo e ngaahi lekooti fakahisitōlia ʻoku maʻu pē ʻi he ngaahi senitaá.
ʻOku makehe ʻa e senitā takitaha, ka ʻoku nau fakaʻatā kotoa atu ha feituʻu ke ke ako lahi ange ai ki hoʻo ngaahi kuí. ʻOku tuʻu ʻa e ngaahi senitaá ‘i ha ngaahi fale kehekehe, hangē ko e ngaahi ʻapisiasí mo e laipelí.
Ngaahi Sitepú (uepisaití)
- ʻI he tuliki toʻomataʻu ki ʻolunga ʻo e monitoa FamilySearch, ʻi he ʻuluʻi tohí, lomiʻi ʻi he
(ko e pin icon). - Lomiʻi ʻi he ʻIloʻi ha Senitā Fakalotofonua.
- ʻI he puha Kumí, fakahū ho feituʻú, pea lomiʻi ʻi he Kumi.
- Lomiʻi ʻi ha senitā mei he lisí.
- Kumi ʻa e ngaahi icon Fuʻu ʻakau lanumata ʻi he FamilySearch ʻi he mapé. Lomiʻi ʻi ha fakaʻilonga. Te ke lava ʻo vakai ki he hingoa ʻo e senitaá, tuʻasilá, houa ngāué mo e fika telefoní.
Ngaahi Sitepu (polokalama telefoni toʻotoʻó)
Ki he app ʻAkau Fakafāmilí:
- ʻI ha meʻangaue iOS, ʻi he tuliki toʻomataʻu ki lalo ʻo e app, lomiʻi ʻi he More. ʻI ha meʻangaue Android, ʻi he tafaʻaki toʻohema ʻi ʻolunga, lomiʻi ʻi he fakaʻilonga laine 3.
- Lomiʻi ʻi he Help
- Lomiʻi ʻi he Contact Us.
- Lomiʻi ʻi he Kumi ha Senitā FamilySearch.
- ʻE ʻasi mai ha mape ʻo e feituʻu ʻoku ke lolotonga ʻi ai. Te ke lava ʻo lomiʻi ha taha ʻo e ngaahi totitoti lanumata ʻi he mapé ke vakai ki ha toe fakamatala lahi ange ki he Senitā FamilySearch. Ke kumi ha senitā kehe, fakahū ha feituʻu ʻi he konga ki he fekumí ʻi lalo he mapé.
Ngaahi Sitepu (ʻAkau Fakafāmili Laití)
ʻOku ʻikai ha polokalama ʻi he ʻAkau Fakafāmili Laití ke tokoni atu ke ke maʻu ha ngaahi senitā FamilySearch. Kātaki ka ke fakaʻaongaʻi ʻa e uepisaiti kakató pe ko e app.
Kumi tokoni
Fetuʻutaki ki he FamilySearch ʻi he ngaahi tūkunga ko ʻení:
- ʻOkú ke kumi ki ha senitā FamilySearch pau ka ʻoku ʻikai maʻu ia
- ʻOku ʻikai tonu e fakamatala fetuʻutaki ki ha senitaá
Ngaahi fakamatala fekauʻakí
Te u maʻu fēfē ha tokoni ʻi hono fakaʻaongaʻi ʻo e FamilySearch.org?