‘Oku tokoni kiate koe ʻa e Ngaahi Ouau kuo Māú ke faingofua hono kumi e ngaahi hingoa ki ho‘o ʻalu hono hoko ki he temipalé. Mahalo ko e ngaahi hingoa ne ʻomaí mei ho fāmilí tonu, pe ko e ngaahi hingoa ne vahevahe ʻe he kāingalotu kehe ʻo e Siasí mo e temipalé.
ʻOku fekumi ʻa e polokalama Ngaahi Ouau Kuo Māú ʻi he ngaahi feituʻú ni:
- Ko hoʻo lisi hingoa fakafāmilí (pe “lisi temipalé” pe “lisi fakatatalí”): ngaahi hingoa naʻá ke fakatatali ʻi he Fuʻu ʻAkau Fakafāmilí. Ko e ngaahi hingoá ʻoku ʻi hoʻo lisi ngaahi hingoa fakafāmilí.
- Ngaahi hingoa fakafāmili naʻá ke vahevahe mo ha kulupu fakafāmili: ngaahi hingoa naʻá ke fakatatali mo vahevahe mo ha kulupu fakafāmili.
- Ngaahi hingoa fakafāmili naʻe vahevahe mo ha kulupu fakafāmili ʻokú ke kau ki ai: ngaahi hingoa naʻe vahevahe ʻe ha tokotaha kehe mo ha kulupu fakafāmili ʻokú ke kau ki ai.
- Ko hoʻo ngaahi hingoa fakafāmili naʻá ke vahevahe mo e temipalé: ngaahi hingoa naʻá ke fakatatali ʻi he Fuʻu ʻAkau Fakafāmilí pea vahevahe mo e temipalé. Kuo teʻeki paaki ʻe ha temipale ʻa e hingoa naʻe vahevahé, ko ia ai ʻoku ʻikai vahevahe ʻe he polokalama Ngaahi Ouau Kuo Māú ʻa e hingoá koeʻuhí ke ke lava ʻo paaki ʻa e kātí.
- Ngaahi hingoa ʻo e kakai ʻoku nau kāinga mo koé. Naʻe vahevahe ʻe ha tokotaha ʻa e ngaahi hingoá mo e temipalé: ngaahi hingoa ʻi hoʻo fuʻu ʻakaú pea fakatatali ia ʻe ha taha kehe. Naʻe vahevahe ʻe he tokotahá ʻa e ngaahi hingoá mo e temipalé.
- “Ngaahi temipale lanu mata” mei hoʻo fuʻu ʻakaú: ʻOku sikeni (scan) ʻe he Ngaahi Ouau Kuo Māú ʻa e toʻu tangata ʻe 10 ʻo hoʻo ngaahi kuí mo e toʻu tangata ʻe 5 ʻo honau hakó ki he ngaahi ouau taʻekakató. Kapau te ke vakai ki he Fuʻu ʻAkau Fakafāmilí, ʻe ʻasi ʻi he ngaahi hingoá ha ngaahi fakaʻilonga temipale lanu mata. Kimuʻa pea ʻoatu ha taha ʻo e ngaahi ouau ko ‘ení, ʻoku fakapapau‘i ʻe he FamilySearch ʻoku ʻikai ʻi ai ha tatau ʻasi tuʻo ua ki he lekōtí.
- Ko hoʻo uōtí: ngaahi hingoa naʻe vahevahe ʻe he kau mēmipa ho uōtí mo e temipalé.
- Ko hoʻo siteikí: ngaahi hingoa naʻe vahevahe ʻe he kāingalotu homou siteikí mo e temipalé.
- Ngaahi hingoa ʻoku ‘ikai kāinga mo koe kuo vahevahe mo e temipalé. Kapau ‘oku ʻikai maʻu ha ngaahi ouau mei ha toe maʻuʻanga tokoni kehe, ʻe ʻomi ʻe he Ngaahi Ouau Kuo Māú ʻa e ngaahi ouau ʻoku ʻatā kuo fakahū ki he temipalé ʻe ha faʻahinga pataloni pē. ʻE ʻoatu e ngaahi ouaú ni mei he ʻinivenitoli ʻa e temipalé ʻi he hokohoko tatau ne fakahū ai kinautolu ki he temipalé.
He ʻikai kumi ʻe he Ngaahi Ouau Kuo Māú ʻa e ngaahi hingoá mei he fuʻu ʻakau fakafāmili ʻo ha hoa mali. Ke paaki ha ngaahi kaati hingoa fakafāmili maʻa ha hoa mali, kole ha ngofua ke hoko ko e tokotaha tokoni ʻa e tokotaha ko iá. Tānaki atu ʻa e tokotahá ki hoʻo Tohi Palaní. Mei he Tohi Palaní, te ke lava ʻo fakaʻaongaʻi ʻa e Ngaahi Ouau Kuo Māú pea paaki ha ʻū kaati maʻa ha hoa mali.
Ngaahi fakamatala fekauʻakí
ʻE founga fēfē haʻaku ʻilo e ngaahi hingoa fakafāmili maʻá e temipale ʻoku ʻi ai hono Ngaahi Ouau Kuo Māú?
Te u maʻu ʻi fē ʻa e ʻaho fakataʻeʻaongaʻi ki heʻeku ngaahi ouau ne tuku fakatatalí?
ʻE founga fēfē haʻaku vahevahe ʻeku ngaahi hingoa fakafāmilí mo e fāmilí mo e ngaahi kaungāmeʻá ʻo fakafou ʻi he ʻīmeilí?
ʻE founga fēfē haʻaku vahevahe e ngaahi hingoa fakafāmilí mo e temipale?