Kuo tuku atu ha tatau foʻou ʻo e peesi ʻuluaki ʻo e FamilySearch.org. Naʻe fiemaʻu ʻa e liliu ko ʻení koeʻuhí naʻe motuʻa ʻa e tekinolosia naʻe fakaʻaongaʻi ke faʻu ʻaki ʻa e tatau kimuʻá. Naʻe ʻikai lava ʻe he polokalama motuʻá ʻo fakafeʻiloaki atu ha ngaahi fōtunga foʻou pe fai ha fanga kiʻi liliu faingofua.
Ngaahi Konga Foʻoú
Neongo naʻe fiemaʻu ki he liliu ko ʻení ke hiki ki ha polokalama foʻou kakato, ka ʻoku kei tauhi pē ʻa e ngaahi meʻangāue mo e ngaahi meʻa ʻokú ke anga ki hono fakaʻaongaʻí. Kuo mau tānaki atu foki mo ha ngaahi fōtunga foʻou ʻe niʻihi.
- Ko ha lisi foʻou ki he ngaahi kaungāmeʻá mo ha meʻangāue ke tokangaʻi ʻaki ʻa e ngaahi lisi ʻo e ngaahi kaungāmeʻá.
- Ko ha founga ke vahevahe ai ʻa e ngaahi fakamatala fakasōsialé mo vakai ki he ngaahi fakamatala mei he ngaahi kaungāmeʻá ʻi hoʻo pēsí.
- Faingofua hono kumi ʻa e ngaahi kuí ʻaki ha fekumi ʻe taha ʻoku maʻu ai ʻa e ngaahi ola ʻo e fuʻu ʻakau fakafāmilí, lekooti fakahisitōliá, manatú, mo e hingoa fakaikú.
- Ko ha konga ki he Founga ke Kamatá maʻá e kau ʻaʻahi foʻoú;
- Ko ha aʻusia tokoni ne toe fakaleleiʻi ʻoku kau ai ha feituʻu ʻatā lahi ange (ʻi he desktops) ke vakaiʻi ʻaki ʻa e ngaahi tokoni ki he lekōtí.
Kātaki ʻo fakahoko mai hoʻo fakakaukau ki he liliu foʻou ko ʻení ʻaki hoʻo lomiʻi ʻi he meʻalomi Fakamatala Tokoní ʻi he tafaʻaki toʻohema ʻo e pēsí.