Ko e ngaahi naunau lahi ʻoku fakaʻaongaʻi ʻi he fekumi ki he hisitōlia fakafāmilí ʻoku maluʻi ia ʻe he ngaahi lao ʻo e maʻu mafai pulusí. Tukukehe kapau kuó ke faʻu ha meʻa, ko e lelei tahá ke ke pehē pē ʻoku maluʻi ia ʻe he lao ʻo e maʻu mafai pulusí. Ko hoʻo lava pē ʻo fakapapauʻi ʻokú ke maʻu ʻa e ngofua fakalaó, te ke lava leva ʻo ʻai ha ngaahi tatau pe upload e fakamatalá. Fakapapauʻi ke ke ʻuluaki kole ha ngofua.
Ko e foʻi moʻoni ko ia ʻoku ʻikai toe paaki ha tohí, ʻoku ʻikai ke fakataʻeʻaongaʻi ai hono maʻu mafai pulusí. He ʻikai te ke lava ʻo fakatonuhiaʻi hano hiki tuʻo ua, tufaki, fakahoko, fakaʻaliʻali, pe fai ha totongi fakafoki ki ai taʻe maʻu ha ngofua.
- Kapau ʻokú ke ʻi he Laipeli Hisitōlia Fakafāmilí pe senitā hisitōlia fakafāmilí, te ke lava ʻo ʻai ha ngaahi tatau ʻo ka fakangofua ʻe he lao fakalotofonua ki he maʻu mafai pulusí.
- ʻI hoʻo fakaʻaongaʻi ʻa e FamilySearch, toe vakaiʻi ʻemau Aleapau ki hono Fakahū ʻo e Fakamatalá kimuʻa peá ke upload e ʻū taá, talanoá, ngaahi fakamatala fakapepa ʻo e maʻuʻanga fakamatalá, mo e ngaahi naunau kehé.