ʻOku mau maʻu ha ngaahi lekooti fakahisitōlia lahi kuo fakahū fakaʻilekitulōnika, fakahokohoko fakamotuʻalea mo pulusi ʻi he ʻinitanetí. ʻE lava ke ke fekumi ʻi he ngaahi lekooti ko ʻení ke ako lahi ange fekauʻaki mo ho fāmilí.
Ngaahi tokoní: Ko ha ngaahi fakakaukau ʻeni ʻe niʻihi ke tokoni atu ke ke maʻu ʻa e lelei tahá mei hoʻo fekumí:
- Fokotuʻu haʻo taumuʻa. ʻIloʻi e meʻa ʻokú ke fekumi ki aí.
- Fekumi ki he kakai mate ne nau moʻui ʻi he 1940 tupú pe kimuʻa ange aí.
- Kamata ʻaki ha fekumi fakalukufua. ʻOku ʻikai fie maʻu ia ke ke fakakakato e tafaʻaki kotoa pē. Ko hono moʻoní, ʻoku faʻa lelei ange e ola ʻoku maʻú ʻi he taimi ʻoku tuku ʻatā ai pē ha konga lahi ʻo kinautolu.
- ʻAmanaki pē te ke maʻu ha ngaahi fehalaaki ʻi he ngaahi lekōtí mo e fakahokohoko fakamotuʻaleá, sipelá, mo e fakafuofuá.
- Toutou fakahoko hoʻo fekumí ʻaki ha ngaahi meʻa kehekehe:
- Fakalahi pe holoki e lahi ʻo e fakamatala ʻokú ke fakahuú.
- Tānaki pe toʻo ha fakamatala. Hangē ko ʻení, kapau naʻá ke fekumi ʻakí ha kolo pe fonua naʻe fāʻeleʻi ai, ʻahiʻahi feinga ke fekumi ʻaki ʻa e fonuá pē.
- Fekumi ki ha mēmipa ʻo e fāmilí.
- Fekumi ki ha houʻeiki fafine ʻo fakaʻaongaʻi honau ngaahi hingoa teʻeki malí mo e hingoa malí. Te ke lava foki ʻo fekumi ʻaki e hingoa ʻuluaki ʻo e fefiné pea mo e hingoa ʻo hono hoá pe mātuá.
- Fakafuofuaʻi ʻo e ngaahi ʻahó mo e feituʻú.
- Tānaki ha mali, tamai, faʻē hono ua, pe ha taha kehe pē ki hoʻo fakamatala fekumí ʻaki haʻo lomiʻi ʻi he fehokotakiʻanga ki he Malí, Tamaí, Faʻeé, pe Tokotaha Kehe. ʻI hoʻo fai iá ʻoku ʻatā mai ai ha feituʻu faiʻanga fekumi ʻe taha.
- Fakaʻaongaʻi e ngaahi meʻa sivi ʻi he peesi ki he ola ʻo e ngaahi fekumí.
- Vakai maʻu pē ki he laʻiʻatá. ʻOku faʻa ʻi ai mo ha fakamatala kehe ai makehe mei he fakahokohoko fakamotuʻaleá.
Ngaahi Sitepú (uepisaiti)
- Hū ki he FamilySearch.
- ʻI he konga ki ʻolunga ʻo e pēsí, lomiʻi ʻi he Kumí.
- Lomiʻi ʻi he Ngaahi Lekōtí
- Fakahū hoʻo ngaahi foʻi lea fekumí, pea lomiʻi ʻi he Kumi.
- ʻO ka fie maʻu, fakaʻaongaʻi e ngaahi meʻa siví ke ʻai e ngaahi ola ʻo e fekumí ke fenāpasi ange mo hoʻo fie maʻú.
- Lomiʻi ʻi ha ola ʻo e fekumí ʻokú ke fie maʻu. ʻE ʻasi hake ha pēnolo ki he toʻomataʻú.
- Lomiʻi ʻi he < mo e > ʻi he hingoa ʻo e lekōtí ʻi he tab Fakamatala ki he Lekōtí ʻi he toʻomataʻú ke ʻunu ki he fakamatala hoko pe fakamatala kimuʻa ʻi he ngaahi ola ʻo hoʻo fekumí.
Ngaahi Sitepú (polokalama telefoni toʻotoʻó)
- Fakaava ʻa e polokalama telefoni toʻotoʻo ʻo e ʻAkau Fakafāmilí. Fakapapauʻi kuó ke hū ki he polokalamá.
- Lomiʻi ʻi he Kumi ʻi he Ngaahi Lekooti Fakahisitōliá.
- Apple iOS: Lomiʻi ʻi he foʻi toti ʻe 3 ʻi lalo he screen. ʻI he menu ʻoku ʻasi atú, lomiʻi ʻi he Fekumi ʻi he Ngaahi Lekooti Fakahisitōliá
- Android: Lomiʻi ʻi he foʻi pā ʻe 3 ʻi ʻolunga he screen. ʻI he menu ʻoku ʻasi atú, lomiʻi ʻi he Fekumi ʻi he Ngaahi Lekooti Fakahisitōliá.
- Fakahū e ngaahi foʻi lea fekumí, pea lomiʻi ʻa e Kumi.
- Lomiʻi ʻi he ola ʻo e fekumí ʻokú ke saiʻia aí.
Ngaahi sitepu (ʻAkau Fakafāmili Laití)
He ʻikai te ke lava ʻo kumi mo fakapipiki ha ʻū lekooti fakahisitōlia ʻo fakafou ʻi he ʻAkau Fakafāmili Laití. Kātaki ʻo fakaʻaongaʻi ʻa e uepisaiti FamilySearch angamahení pe polokalama telefoni toʻotoʻó.
Ngaahi fakamatala fekauʻakí
Ko e hā e ngaahi founga pe tokoni lelei taha ki he fekumi ʻi he Ngaahi Lekooti Fakahisitōliá?
Te u lava fēfē ʻo fekumi ʻi he ngaahi lekooti fakahisitōliá ʻaki ʻa e feituʻú pe fakaʻaongaʻi e mape ʻo e māmaní?
Te u lava fēfē ʻo maʻu mo kumi ha tānakiʻanga fakamatala pau ʻi he lekooti fakahisitōliá?
Te u lava fēfē ʻo vakai ki ha lisi ʻo e kotoa ʻo e ngaahi tānakiʻanga lekooti ʻi he Ngaahi Lekooti Fakahisitōliá?
Te u lava fēfē ʻo maʻu ha laʻiʻata ʻo ha tānakiʻanga fakamatala teʻeki fakahokohoko fakamotuʻalea ʻi he Ngaahi Lekooti Fakahisitōliá?
Maʻu e Lelei Tahá mei Hoʻo Fekumí: Ko e Mahino Kiate Koe ʻa e Peesi Lekōtí