ʻOku ʻatā he taimí ni ʻa e ngaahi fuʻu ʻakau fakafāmilí ki he tokotaha kotoa pē. ʻOku ʻikai toe fiemaʻu ia ke ke ʻalu ki he FamilySearch Labs ke ʻahiʻahi fakahoko ia. Kapau ko e taha koe ʻo ʻemau kau fuofua fakaʻaongaʻí, fakamālō atu ʻi ho taimí mo e fakamatala tokoní.
Ko e hā e meʻa ʻoku faitataú
ʻI hoʻo ngāue ʻi he Fuʻu ʻAkau Fakafāmilí, te ke fakatokangaʻi ko e lahi taha ʻo e ngaahi meʻa ʻoku faí ʻoku tatau tofu pē ia mo ia kimuʻá. ʻOku kei tatau pē foki ʻa e ngaahi sīpinga mataʻitohí, lanú, lalahi ʻo e mataʻitohí, faikehekehé, mo e tuʻunga fakapōpōʻulí.
Ko e Hā ʻOku Foʻou pe Liliú
Vahevahe ha fuʻu ʻakau ʻoku ʻi ai ha kakai moʻui: Te ke lava ʻo vahevahe mo e ngaahi fuʻu ʻakau fakafāmilí ʻa e konga hoʻo fuʻu ʻakaú ʻoku ʻi ai ha kakai moʻui mo ha kau mēmipa kei moʻui ʻo e fāmilí. ʻOku vakai e tokotaha kotoa ki he fuʻu ʻakau tatau.
Tānaki atu ha fuʻu ʻakau fakafāmili ki hoʻo ngaahi kulupu fakafāmili lolotongá pe faʻu ha kulupu foʻou mo ha fuʻu ʻakau: Kapau kuo ʻosi ʻi ai haʻo kulupu fakafāmili, te ke lava ʻo fakamoʻui ʻa e meʻa ke fili mei aí ke vahevahe ha fuʻu ʻakau fakafāmili. Kapau ʻoku teʻeki ai ke ʻi ai haʻo kulupu fakafāmili, te ke lava ʻo faʻu ha kulupu foʻou ʻoku ʻi ai ha fuʻu ʻakau fakafāmili mei he kamataʻangá.
Tokangaʻi e ngaahi kulupu fakafāmilí: ʻOku fakaʻatā koe ʻe he ngaahi founga tokangaʻi ʻo e kulupu fakafāmili kuo fakaleleiʻí ke ke tānaki atu ha fuʻu ʻakau fakafāmili maʻa hoʻo kulupú, vakai ki he fakaikiiki ʻo e fuʻu ʻakaú, vakai ki ha fakamatala ʻo e ngaahi ʻekitivitī fakakulupú, pea fokotuʻu ha kakai ke kamata ʻaki. Te ke kei lava pe ʻo fakahingoa ʻa e kulupú, tānaki ha laʻitā, talanoa mo e kulupú, pea fakahoko ʻa hono tokangaʻi kehe kotoa pē ʻa e kulupú. Ke feau kotoa e ngaahi fōtunga foʻoú, kuo fakalahi ʻa e screen pea toe fokotuʻutuʻu foʻou.
Ngāue ʻaki e fuʻu ʻakau fakakulupú mo e kulupú: ʻE faingofua pē haʻo ngāue ʻaki ʻa e fuʻu ʻakau fakafāmilí mo e kulupu fakafāmili ʻoku nau lava ʻo hū ki aí.
Faingofua e fehūʻaki ʻi he ngaahi fuʻu ʻakaú: ʻE faingofua pē haʻo tala ʻa e fuʻu ʻakau ʻokú ke ʻi aí pea fetongi ki he ngaahi fuʻu ʻakau kehé ʻaki hono fakaʻaongaʻi ʻa e meʻa fili ʻakau foʻoú, ʻa ia ʻoku tuʻu ʻi he tafaʻaki toʻohema ki ʻolunga ʻo e Fuʻu ʻAkau Fakafāmilí.
Fakangatangata e ngaahi manatu melié ki ha kulupu fakafāmili: Te ke lava ʻo upload e ngaahi manatu melié pea fakangatangata hono malava ke mamataʻí ki ha kulupu fakafāmili.
Fōtunga vakaiʻi ʻo e ʻatá: ʻOku tautautefito e ʻaonga ʻo e fōtunga vakaiʻi ʻo e ʻata foʻoú ki hono mamataʻi hoʻo kāingá ʻi ha fuʻu ʻakau kulupu fakafāmilí.
Lisi ʻo e Kakai Fakatāutahá: Kuo fakaʻau ʻo mālohi ange ʻa e lisi ʻo e Kakai Fakatāutahá pea kuo hiki leva mei Heʻeku Ngaahi Foakí ki he meʻa ke fili mei ai ki he Fuʻu ʻAkau Fakafāmilí. ʻOku ʻi he lisí he taimí ni ha kakai moʻui ʻi hoʻo ʻū ʻakau fakatāutahá mo e ngaahi fuʻu ʻakau kulupu fakafāmilí fakatouʻosi pea ʻiloʻi ʻa e ngaahi lekooti ʻoku malava ke ʻasi tuʻo ua ʻi he fuʻu ʻakau tatau. Te ke maʻu foki ha ngaahi fili ke ke hiki tatau ʻa e kakai ʻi hoʻo lisi fakatāutahá ki ha fuʻu ʻakau kulupu fakafāmili pe ko hoʻo fuʻu ʻakau fakatāutahá.
Muimui ʻi he moʻuí: Te ke lava he taimí ni ʻo muimui ki he kakai moʻuí ʻi ha fuʻu ʻakau kulupu fakafāmili pea ʻai ke nau ʻasi ʻi hoʻo lisi ko ʻení.
Ako lahi ange
Ke maʻu ha tokoni ki hono kamatá, ʻaʻahi ki he Senitā Ako ki he Fuʻu ʻAkau Kulupu Fakafāmilí ke maʻu ha ngaahi vitiō ʻaonga, ngaahi fehuʻi ʻoku lahi hono ʻeké, mo e ngaahi fakamatalá.