ʻOku founga fēfē haʻaku fakaafeʻi e kakaí ke nau kau ki ha kulupu fakafāmilí?

ʻUluakí, faʻu ha kulupu fakafāmili. Pea, ʻi ho fatongia ko e pule ki he kulupú, fakaafeʻi ha kakai ʻo aʻu ki he toko 99 ke nau kau.

ʻI he taimi ʻokú ke fakaafeʻi ai ha taha ki ha kulupu, ʻoku faʻu ʻe he FamilySearch ha fehokotakiʻanga ke ke ʻave ki ha taha pe ko ha kakai lahi ange ʻo ngāueʻaki ʻa e ʻīmeilí, ko ha fetohiʻaki fakakulupu, WhatsApp, ko ha kulupu mītia fakasōsiale, mo e ngaahi meʻa pehē. Ke kau, ʻoku lomiʻi ʻe he tokotaha naʻe fakaafeʻí ʻa e fehokotakiʻangá, hū ki he FamilySearch, pea muimui ʻi he fakahinohino ʻi he ʻinitanetí.

ʻOku ʻikai ʻosi e ʻaonga ʻa e ngaahi fehokotakiʻanga ke kaú. ʻOku lava ʻe he pule ʻa e kulupú ʻo toʻo ʻa e fehokotakiʻangá, kapau kuo ʻikai ke toe ngāue ʻaki.

Kimuʻa peá ke kamatá

Kapau ʻoku maʻu ʻe he kulupu fakafāmili ha fuʻu ʻakau fakafāmili fakakulupu, ʻoku totonu ke ʻuluaki fakakau ʻa e tokotaha kotoa pē naʻe fakaafeʻí ki he fuʻu ʻakau fakakulupú.

Ngaahi Sitepú (uepisaiti)

1. ʻI he FamilySearch.org, lomiʻi ʻi ho hingoá.
2. Fili ʻa e Ngaahi Kulupu Fakafāmilí.
3. Lomiʻi ʻi he Vakai ki he Kulupú.
4. Lomiʻi ʻa e Fakaafeʻi.
5. Kapau ʻokú ke ʻiloʻi ʻa ʻīmeili ʻa e tokotahá, ʻokú ke lava ʻo fakahoko ʻa e fakaafé ʻi he founga ko iá:
   
   1. Lomiʻi ʻa e ʻĪmeilí.
   2. ʻI hoʻo polokalama ʻīmeilí, fakahū ʻa e tuʻasila ʻīmeili ʻa e tokotaha ke fakaafeʻí, pea ʻave leva. ʻI he tali ʻe he tokotahá ʻa e fakaafé, ʻoku ʻasi ʻa e hingoá ʻi he lisi ʻo e kakai ke fakangofuá.
6. ʻOkú ke lava ʻo ʻave ki he tokotahá ha fehokotakiʻanga.
   
   1. Lomi‘i ʻa e Hiki Tatau ʻa e Fehokotakiʻangá. ʻOku ʻasi mai ha fehokotakiʻanga.
   2. Lomiʻi ʻa e Hiki Tatau.
   3. Hiki tatau ʻa e fehokotakiʻangá ki ha polokalama fetuʻutaki fakakomipiuta ʻokú ke vahevahe mo e tokotaha ʻoku fakaafeʻí.
7. Talitali ki he tokotaha fakaafeʻí ke ne tali ʻa e fakaafé.
8. Fakangofua ʻa kole ke kaú:
   
   1. Fakaava ʻa e kulupú.
   2. Kumi ʻa e tokotaha ʻoku talitali ke fakangofuá. ʻOku ʻasi hake ʻeni ʻi he vahaʻa ʻo e konga ki he Teuteu ke Kamatá mo e maʻuʻanga fakamatala ʻa e kulupú.
   3. Lomiʻi ʻa e Fakangofua.

Ngaahi Sitepu (polokalama telefoni toʻotoʻó)

1. ʻI he polokalama telefoni toʻotoʻo ʻa e Fuʻu ʻAkau Fakafāmili, lomiʻi ʻa e fakaʻilonga laine ʻe tolú ʻI he screen ʻoku ʻasí, fakaava ʻa e polokalama ʻa e Ngaahi Kulupu Fakafāmilí:
   
   • Apple iOS—konga ki lalo he toʻomataʻú
   • Android—tafaʻaki hema ki ʻolungá
2. Lomiʻi ʻa e Ngaahi Kulupu Fakafāmilí.
3. Kumi ha kulupu ʻokú ke pule ai, pea lomiʻi ʻa e Vakaiʻi ʻe Kulupú.
4. ʻI ʻolunga ʻi he lisi ʻo e kau mēmipá, lomiʻi ʻa e fakaʻilonga ʻo e tokotahá.
5. Te ke sio ki ha lisi ʻo e kakai ke fetuʻutaki ki ai pea mo e ngaahi founga ke fakahoko ʻaki e fakaafé. Lomiʻi ʻi ha tokotaha pe ko ha founga fakaafeʻi.
6. ʻAve e fakaafé:
7. ʻI he tali ʻe he tokotahá ʻa e fakaafé, ʻoku ʻasi ʻa e hingoá ʻi he kulupu ke fakangofuá.
8. Fakangofuaʻi ʻa e kole ke kaú:
   
   1. Fakaava ʻa e kulupú.
   2. Kumi ʻa e tokotaha ʻoku talitali ke fakangofuá.
   3. Lomiʻi ʻa e Fakangofua.
   4. Toe lomiʻi ʻi he Fakangofua.

Ngaahi fakamatala fekauʻakí

Ko e hā ʻa e ngaahi kulupu fakafāmili ʻa e FamilySearch?
ʻOku anga fēfē haʻaku faʻu ha kulupu fakafāmili?
ʻOku founga fēfē haʻaku kau ki ha kulupu fakafāmilí?
Oku founga fēfē haʻaku toʻo ha tokotaha mei ha kulupu fakafāmili?