Kau Ki Ai
ʻAhiʻahi e ʻekitivitī ko ʻení ke tokoni ki he kau fakatotolo ʻi he funga ʻo e māmaní.
Ko e hā e fakahokohoko fakamotuʻalea?
Ko e fakahokohoko fakamotuʻaleá, ko ha ngāue tokoni ia ʻokú ne ʻai ʻa e ngaahi ʻata ʻo e ngaahi lekooti fakahisitōliá—hangē ko e tohi kakaí pe fakamatala ʻo ha tokotaha pekia—ke lava ʻo fekumi ki ai ʻi he ʻinitanetí. Ko ha founga lelei ia ke tokoni ai ki he kakai ʻoku nau ngāue fakatohihohokó pea malava ke ʻiloʻi ʻa e ngaahi fāmilí.
Founga ʻene ngāué
He ʻikai lava ke maʻu ʻi ha fekumi ha ʻata kuo teʻeki ke fakahokohoko fakamotuʻalea. ʻOku ʻikai ha ngaahi foʻi lea tefito ʻoku fekauʻaki mo ia ke ʻiloʻi ʻaki.
ʻE sio ha tokotaha fakahokohoko fakamotuʻalea ngāue tokoni ki he lekooti ʻi he polokalama fakahokohoko fakamotuʻaleá pea taipeʻi ʻa e fakamatala mahuʻinga hangē ko e ngaahi hingoá, ʻahó, mo e feituʻú. ʻOku tānaki atu ʻa e ʻīmisi kuo fakahokohoko fakamotuʻaleá ki he ngaahi lekooti taʻetotongi ʻoku ʻatā ki he fekumí ʻi he FamilySearch.
ʻOku fakapaʻanga mo fakalele ʻa e fakahokohoko fakamotuʻaleá ʻe he FamilySearch, ko ha ngāue ʻa e Siasi ʻo Sīsū Kalaisi ʻo e Kau Māʻoniʻoni ʻi he Ngaahi ʻAho Kimui Ní.
ʻAhiʻahiʻi ia
Hū ki he peesi ʻuluaki ʻo e Fakahokohoko Fakamotuʻaleá ke hū ki he FamilySearch pea fili ha "kulupu (batch)" ʻo e ngaahi ʻatá ke fakahokohoko fakamotuʻalea. ʻOku ʻi ai e ngaahi ngāue ʻoku ʻatā ʻi he lea fakafonua kehekehe. Fakamoleki ha taimi lahi pe siʻisiʻi ʻo hangē ko ia ʻoku ke maʻú. ʻOku fakakau ʻi he polokalamá ha ngaahi maʻuʻanga tokoni ke tali ʻa e ngaahi fehuʻí.