Ko e Tokoni ki he FamilySearch ʻa e feituʻu ʻe lava ke maʻu ai ʻe he kau fakatotolo foʻou pea mo taukei ʻi he hisitōlia fakafāmilí ha ngaahi tali ki he ngaahi fehuʻi ʻoku nau fehangahangai mo ia ʻi heʻenau fekumi ke maʻu ʻenau ngaahi kuí. ʻI ha tohi ʻo ha blog ʻi Sune 2021, ne mau fakaʻilongaʻi ai e ngaahi polokalama foʻou ʻe lava ke hū ki aí ki he ʻo e Senitā Tokoni kuo fakaleleiʻí ʻi he FamilySearch. ʻOku fakaikiiki atu ʻi ha tohi ʻo ha blog kimuʻa ange ʻa e founga ʻoku hoko ai e menu kuo fakafaingofuaʻí ko ha feituʻu pē ia ʻe taha ki hoʻo ngaahi fehuʻi kotoa pē ke maʻu ha tokoní.
Makatuʻunga ʻi he fakamatala tokoni ʻa e tokotaha fakaʻaongaʻí, kuo toe fokotuʻutuʻu ai ʻe he kau ʻenisinia ʻo e FamilySearch ʻa e naunau Tokoní ke lava ʻo maʻu lelei ange ai ha niʻihi ʻo e ngaahi maʻuʻanga tokoni leleí. ʻOku hoko e ngaahi liliu ko ʻení hili ia hano sivisiviʻi mo ha fakamatala tokoni fakaʻauliliki mei he kakai ʻoku nau fakaʻaongaʻí. Kuo ʻaonga hoʻomou ngaahi fakamatalá.
Kuo teʻeki ke liliu e founga hū ki he Tokoni ki he FamilySearch. ʻE ʻuluaki hū ʻa e tokotaha ngāué ki he www.familysearch.org, pea lomiʻi ʻi he fakaʻilonga Tokoní ʻi he tafaʻaki toʻomataʻu ki ʻolunga ʻo e screen. Ko e fakaʻilonga ko ʻení ʻa e fakaʻilonga fehuʻi ʻoku siakaleʻí.
Ko e faikehekehe lahi taha ʻe fakatokangaʻi ʻe he niʻihi ʻoku nau fakaʻaongaʻí ko e fakafoʻou ʻo e fōtunga fakatātaá mo ha navigation foʻou ki he ngaahi pēsí. Hangē ko ia ʻoku faʻa hokó, ʻoku kei tuʻu pē ʻa e konga ʻe lava fakahū ki ai e ngaahi fehuʻí, ʻi he konga ki ʻolunga ʻo e peesi Tokoní mo e Akó. ʻE ʻasi atu leva ha ngaahi tali ki he ngaahi fehuʻí fakataha mo e founga ke toe fakalea pe tānaki atu ha fakamatala lahi ange. Taimi ʻe niʻihi ko e lelei tahá ke fai hoʻo fehuʻí ʻaki ha foʻi lea ʻe taha pe ua. Mahalo he ʻikai ʻomi ʻe he ngaahi kupuʻi leá mo e sētesi kakató e ngaahi ola ʻe ʻaonga tahá. ʻI hoʻo lomi ʻi he Kumi tokoni ʻaki ʻa e tefitó, ʻe ʻasi mai ha ngaahi tefito lalahi ʻe tokoni ke fakasiʻisiʻi e fekumí.
ʻOku tataki ʻe he ngaahi pēnolo lalahi ofi ki he konga ki ʻolunga ʻo e peesi Tokoní mo e Akó ʻa e niʻihi ʻoku nau fakaʻaongaʻí ki ha ngaahi tefito manakoa, hangē ko e ngaahi ʻekitivitī ki he Kamatá, Toe Fakafoʻou ha Lea Fufū, mo e vakai ki he ʻUluaki Fehuʻi ʻe Hongofulu ʻoku Faʻa Fehuʻiá (naʻa kuo ʻosi ʻeke hoʻo fehuʻí). ʻE maʻu atu ʻi lalo ʻi he konga ko ʻení ʻa e ngaahi liliu fakamuimuitaha ki he FamilySearch. ʻOku ʻi ai ha fehokotakiʻanga ke vakaiʻi ai ha toe fakamatala mahuʻinga fekauʻaki mo hono fakaʻaongaʻi kotoa ʻo e uepi saiti FamilySearch.
ʻI he ʻalu hifo ki lalo he pēsí, ʻe ʻave ai ʻa e tokotaha fakaʻaongaʻí ki he Ngaahi Maʻuʻanga Tokoni Tokoniʻi-Pē-Kitá, ʻa ia ʻe lava ke fakahoko ai ha ako mo ha fekumi lahi ange. Mei he fakafehokotaki ko ʻení ʻoku ʻi ai e Ngaahi Kalasí mo e Vitioó ʻa ia ʻe lava ai ʻe he tokotaha fakaʻaongaʻí ʻo fili pea mamataʻi ʻa e ngaahi uepinā kuo lekōtí kae pehē foki ki he ngaahi vitiō kehé ke tokoni ki heʻenau fakatotoló mo e ʻiló.
Ko ha taumuʻa mahuʻinga ʻo e ʻū peesi Tokoní ke tokoni atu ke ke maʻu ha ngaahi maʻuʻanga tokoni Fakatokolahi mo fakataautaha. ʻI he ngaahi Senitā FamilySearch ʻe 5,000 tupu he funga ʻo e māmaní, ʻe lava pē ke ʻi ai ha senitā ʻe taha ai ʻoku ofi atu ke ke lava ʻo ʻalu ki ai ke maʻu ha tokoni ʻi ha ʻātakai anga fakakaumeʻa pea ʻi ai foki mo ha ngaahi maʻuʻanga tokoni lahi ange ki hoʻo fekumí.
Ko hono toe fokotuʻutuʻu foʻou ko ʻeni ʻo e Tokoni ki he FamilySearch, ʻokú ne fakaʻatā ai ke hoko ha ngaahi liliu ʻi he kahaʻú kae siʻisiʻi ke hoko ha uesia pea lava ke toe faingofua ange hono tānaki atu ha ngaahi polokalama foʻou ki he saití. Fiemālie pē ʻe ʻikai ha meʻa ʻe mole, ko hono fokotuʻu pē ki hono tuʻunga totonú pea faingofua hono ʻiloʻí.
Vakaiʻi maʻu pē ʻa e FamilySearch Blog ʻa ia te mau fakahū ai ha ngaahi fakamatala lahi ange fekauʻaki mo e ngaahi polokalama fakafoʻituitui ʻo e ngaahi maʻuʻanga tokoni ki he Tokoní kuo toe fakaleleiʻí. ʻOku mau fakaʻamu ke maʻu ʻe he tokotaha kotoa pē ha aʻusia maʻongoʻonga ʻi hono maʻu e tokoni ʻoku nau fiemaʻú ke fehokotaki ai mo honau fāmilí.
