Sio pe Ko Hai ʻe Haʻu ki he RootsTech 2026: Fanongonongo ʻo e Kau Lea Mahuʻingá!

Kapau naʻá ke kau ʻi he RootsTech kimuʻa, ʻokú ke ʻiloʻi ʻa e ngaahi lea mahuʻingá, ʻo tatau pē ʻi he ʻi ai tonú mo e ʻinitanetí, ko ha niʻihi ia ʻo e ngaahi meʻa mahuʻinga taha ʻo e uiké. ʻI he taʻu kotoa pē, ʻoku akoʻi ʻe he kau sipotí, kau faʻu tohí, kau ʻeti faivá, kau hivá mo ha kakai fakalaumālie kehe ha ngaahi talanoa fekauʻaki mo e fāmilí pea talanoa ki he ngaahi founga kuo tākiekina ai kinautolu ʻe honau hisitōliá mo e tukufakaholó. Kuo vahevahe ʻe ha kau lea hangē ko Kristin Chenoweth, Ndaba Manitela, Jordin Sparks, Nick Vujicic, mo ha niʻihi tokolahi ange, ha ngaahi pōpoaki mālohi fekauʻaki mo e faivelengá mo e fehokotakí. ʻOku mateuteu ʻa e kau lea mahuʻinga ʻi he RootsTech ki he 2026 ke fakahoko ʻa e tukufakaholo ko iá! Hokohoko atu hoʻo laukonga ke ako lahi ange fekauʻaki mo e tokotaha lea takitaha.

Feʻiloaki Tonu mo e Kau Lea ki he RootsTech 2026

Tokotaha ʻeti faiva, tokotaha faʻu tohi, mo e tokotaha Academy Award-winner ko Marlee Matlin

ʻI he taʻu 12 ʻa Mālei Metiliní, naʻe talaange ʻe hano kaungāmeʻa te ne lava pē ʻo aʻusia ha faʻahinga meʻa naʻá ne fakaʻamuá—kehe pē ke ne tui kiate ia.Naʻe tui ʻa Mālei ki he faleʻi ko iá pea hoko kimui ange ko e fuofua tokotaha tuli ke ne ikuna ha pale Academy Award for Best Actress ʻi he Children of a Lesser God. Talu mei ai, mo ʻene ʻeti faiva ʻi ha ngaahi heleʻuhila mo e TV lahi, kau ai ʻa e The West Wing. ʻI he ngaahi ngāue ko ʻení, kuo tuʻo fā hono fili ia ki he maʻu pale Emmy.ʻI he ʻahó ni, ʻoku kau ʻa Mālei ʻi he taha ʻo e kau lea fiemaʻua taha ʻi he māmaní.ʻI he RootsTech, te ne vahevahe ʻa e founga ʻe lava ke tataki ai kitautolu ʻe he loto-vilitakí mo e ʻiloʻi pau hotau tuʻungá ʻi he ngaahi pole faingataʻa taha ʻo e moʻuí.   

Tokotaha ongoongoa ʻi he ʻakapulu faka-ʻAmeliká, tokotaha foaki ʻofa (philanthropist), mo ha tangata faʻu tohi ko Steve Young

Makehe mei heʻene ngāue maʻuʻanga moʻui tuʻukimuʻa ʻi he ʻakapulu fakapalofesinale ʻa ʻAmelika mei he 1985 ki he 1999, kuo līʻoa ʻe Steve Young ʻene moʻuí ki hono fāmilí mo e tuí, tokoniʻi ʻa kinautolu ʻoku faingataʻaʻiá, mo vahevahe ʻa e ngaahi pōpoaki ʻo e ʻofá. Lolotonga ʻene vaʻinga maʻá e 49ERS ʻa Seni Felenisisikoú, naʻe ui ia ko e Tokotaha Vaʻinga Tuʻukimuʻa taha ʻa e NFL (MVP) ʻi he 1992 pea mo e 1994. Naʻe hoko foki ko e hau tuʻo 3 ʻi he Super Bowl pea ko e Super Bowl MVP ʻi he 1995. Naʻe fokotuʻu ʻe Steve mo hono uaifi ko Barb ʻa e Forever Young Foundation ke tufaki ʻa e “ʻamanaki lelei mo e ngaahi maʻuʻanga tokoni ki he fakalakalaka, mālohi, mo e ako ʻa e fānaú.”Ko e tokotaha foki ia naʻá ne faʻu ʻa e tohi QB: My Life Beyond the Spiral mo e The Law of Love. ʻE lea ʻa Steve fekauʻaki mo ʻene moʻuí mo e fāmilí ʻi he RootsTech. 

Tokotaha faʻu tohi, fai hisitōlia, mo e Tokotaha  Fekumi Fakasiokālafi Fakafonua ʻi he Residence  ko Tara Roberts

Naʻe fāʻeleʻi ia ʻi Atlanta,  Georgia,  mamaʻo mei he  matāfangá, pea naʻe  ʻikai  teitei  fakakaukau  ʻa Tala ʻe ʻi ai ha  ʻaho te  ne  uku  ai ki he takele  ʻo e  tahí. Ka ʻi heʻene ʻaʻahi ki ha mīsiume, naʻá ne sio ki ha tā ʻo ha kau fafine ʻUliʻuli ʻoku nau uku kasa. Naʻe ʻikai  fuoloa  kuó ne mavahe mei heʻene ngāue maʻuʻanga moʻuí  ʻi ha kautaha  ʻikai fakatupu paʻanga ke  ako ke  fekumi ki he ngaahi vaka  ngoto ʻo ha  kau pōpula mo ʻiloʻi ʻa e ngaahi  talanoa  ʻo e kakai pōpula  naʻe mole ʻi tahí.Ko Talá   ko  ha  Tokotaha Fekumi Fakasiokālafi Fakafonua, tokotaha faʻu tohi, tokotaha fakalele podcast , mo ha tokotaha uku kasa taukei. ʻI he  RootsTech,  te ne  talanoa ki ha niʻihi ʻo e ngaahi ʻilo fakaʻofoʻofa  kuó ne  fakahoko  ʻi he  tahí—pea mo ʻene feinga ke fakatolonga e hisitōlia   ʻo e kakai ne mei ngaló.   

Vakai ki he Kau Lea Mahuʻinga ʻi he ʻInitanetí maʻá e RootsTech 2026

Faiongoongo fakamafola ne ikuna fakalangilangi, ko  Jessica Soho

Fai ʻe   David Nielsen

February 24, 2026

Ko e taha ʻo e kau faiongoongo ongoongoa taha ʻi he ʻOtu Filipainí, Sēsikā, naʻá ne faʻu ha ngāue maʻuʻanga moʻui ʻi hono fakahoko ha ngaahi talanoa fekauʻaki mo e ngaahi faingataʻa ʻoku fehangahangai mo e kakaí pea mo e loto-vilitaki ʻokú ne tokoniʻi kinautolu ʻi he ngaahi  taimi faingataʻá. Ko e fuofua fefine Filipaini ia ke ne maʻu ʻa e pale tuʻukimuʻa ko e George Foster Peabody Award pea kuó ne ikuna foki mo ha fakalangilangi New York Festivals TV and Film Award. ʻI ha taʻu hokohoko ʻe 13, kuo fakahingoa ʻe he Readerʻs Digest Asia ʻa Sesikā ko e “Most Trusted TV Host for News and Current Affairs.” ʻOkú ne fakaʻaongaʻi ʻene meʻafoaki ki hono fai ʻo e ngaahi talanoá mo fakamālōʻia e loto-toʻa ʻa ha kakai moʻoni ʻi he taimi ʻokú ne lea ai ʻi he RootsTech. 

Read More

ʻEnisinia Mekisikou-ʻAmelika  mo e tangata puna vavā  José Hernández

Fai ʻe   David Nielsen

February 27, 2026

Naʻe tupu hake e foha ʻo ha tangata hikifonua Mekisikou ko Hōsei, ʻi he vahaʻa ʻo Mekisikou mo Kalefōniá, ʻo ngāue faama mo hono  fāmilí  mo fakaʻānaua ki ha ʻaho ke ʻalu ai ki he vavaá. Naʻe talaange ʻe heʻene tamaí ʻe malava kapau ʻe ngāue mālohi, pea naʻe poupouʻi ia ʻe hono uaifí ke ʻoua naʻa tuku ʻene feingá—naʻa mo e hili hono fakafisingaʻi tuʻo 11 ʻe he NASA ʻene tohi kolé. Naʻe tupu mei he talanoa ʻo ʻene moʻuí ʻa hono faʻu ʻa e foʻi faiva  A Million Miles Away. ʻI he RootsTech, ʻe vahevahe ai ʻe Hōsei ʻa e founga naʻe tokoniʻi ai ia ʻe he poupou ʻa e fāmilí mo ha fehokotaki mo hono tukufakaholó ke ne aʻusia ʻene fakaʻānaua ke puna ki he ngaahi fetuʻú.   

Read More

Ongo hau ʻi māmani ʻi he faiva ʻAilaní,  Michael mo Matthew Gardiner

Fai ʻe   David Nielsen

February 25, 2026

Ko e taimi ʻe niʻihi ko e founga lelei taha ke fakaʻapaʻapaʻi ai ho tukufakaholó ko hono fakafaivaʻi. Naʻe fāʻeleʻi ʻa e ongo Tautehina Katinaá ʻi Tenivā, Kololato, ʻIunaiteti Siteiti ʻo ʻAmeliká. Ke fakafehokotaki kinaua ki hona tupuʻanga ʻi ʻAilaní, naʻe lesisita kinaua ʻe heʻena ongomātuʻá ki he faiva ʻAilaní. ʻI he ʻahó ni, kuo foki ʻa e fāmili Katinaá ki ʻAilani, pea ko Maikolo mo Mātiu ʻa e ongo faiva ʻAilani ʻiloa taha ʻi he palanité. ʻOku ʻi ai haʻana kau muimui ʻe laui miliona ʻi he ʻinitanetí pea kuó na ʻaʻahi takai ʻi he māmaní fakataha mo e Riverdance. ʻI he RootsTech,  te na  fakaʻaliʻali ʻa e founga ʻe lava ke hoko ai hoto tukufakaholo fakafāmilí ko ha ueʻi fakalaumālie ki he taha kotoa te te vahevahe mo iá. 

Read More

Moʻungaʻi tangata Palāsila ʻi he ʻakapulú ko  Zico

Fai ʻe   David Nielsen

February 27, 2026

Ko e taha ʻo e kau vaʻinga lelei taha ʻi he malaʻé, ko Saiko, naʻá ne fuofua ako e vaʻingá ʻi heʻene vaʻinga laʻivaʻe ʻi he ngaahi hala ʻo hono kolo tupuʻangá, Rio de Janeiro. ʻI he kamataʻangá, naʻe veiveiua ha kau faiako ʻe niʻihi pe  te ne  mālohi feʻunga nai ke ne lavaʻi. Kae fakamālō ki he poupou ʻa e fāmilí mo ha loto-fakapapau ke lavameʻá, naʻá ne fakamoʻoniʻi ia ki he kau taʻetuí ʻoku nau hala, ʻo ne hoko atu ke vaʻinga maʻá e Flamengo ʻo nau ikuna tuʻo 3 ʻa e Ipu ʻa Māmaní. Naʻá ne fokotuʻu kimui ange ʻa e Zico Football Center ke tokoni ki he toʻu tupú ke nau aʻusia honau tuʻunga malavá — ʻi loto pe tuʻa malaʻe. ʻOku fakamanatu  mai  ʻe he talanoa ʻo Saikó ʻoku mahuʻinga tatau pē ʻa e tukufakaholó mo e ngāue mālohi ʻi he moʻui fakaʻahó ʻo hangē ko ia ʻoku hoko ʻi he sipotí.   

Read More

Hoko ko ha Konga ʻo e RootsTech 2026

Kuo ʻosi maau e fokotuʻutuʻu ki he kau leá, pea ʻoku ofi e taimi ki he RootsTech 2026. Hangē ko ia ʻokú ke meaʻí, ʻoku haʻu e kau lea ʻo e taʻu ní mei ha ngaahi puipuituʻa, anga fakafonua, mo ha ngaahi founga kehekehe ʻo e moʻuí—ka ko e meʻa ʻe taha ʻoku nau faitatau aí ko ha ʻofa ki he fāmilí mo ha mahino ki he founga ʻoku fakamālohia ai kitautolu ʻe heʻetau ngaahi fehokotakiʻangá. ʻOua naʻa mole ʻa e faingamālie maʻongoʻonga ko ʻeni ke ueʻi fakalaumālie ai koé peá ke fakamanatua ʻa e ʻuhinga ʻoku hoko ai hoʻo hisitōlia fakafāmilí ko ha konga mahuʻinga ʻo hoʻo moʻuí. Lesisita he taimí ni ke hū tonu ki he RootsTech pe ʻi he ʻinitanetí pea ke kau atu ki he polokalama lahi taha ʻi he māmaní ki he fekumi ki he fāmilí.

Ko e hā ʻa e RootsTech?

Ko e RootsTech ko ha feituʻu ia ke ako ai, ke ueʻi fakalaumālie, pea fakafehokotaki ʻo fakafou ʻi he hisitōlia fakafāmilí. ʻOku fakalele ia ʻe he FamilySearch pea siponisā ʻe ha ngaahi kautaha lalahi kehe ʻi he tohihohokó, ʻoku ʻi ai ha ngaahi kalasi mataotao ʻe laungeau, ko ha fanga kiʻi tokoni mo ha ngaahi vitiō fakaʻaliʻali, mo ha ngaahi talanoa fakalaumālie ʻe ala tokoni atu ke ke aʻusia e hisitōlia fakafāmilí ʻo laka ange ia ʻi ha toe taimi kimuʻa. ʻAʻahi ki heʻemau laipeli ako ʻoku fuʻu fiemaʻuá pe palani ke kau fakataha mo kimautolu ʻi heʻemau polokalama konifelenisi fakaʻilekitulōnika hokó pe konifelenisi ke kau tonu ki aí.