ʻOkú ke fie kau taʻetotongi ki he konifelenisi ʻa e RootsTech ʻi he ʻinitaneti? ʻOku talitali lelei koe ki he uepisaiti RootsTech 2026! Tatau ai pē pe ko hoʻo fuofua taimi eni ʻi heni pe kuó ke ʻosi feangai pē mo e RootsTech, kau fakataha mo kimautolu ʻi heʻemau vakaiʻi ʻa e tefitoʻi meʻa mahuʻinga ʻe fitu ʻo e aʻusia fakaemāmani lahi ʻi he ʻinitanetí ʻa e RootsTech 2026.
1. Peesi ʻUluakí
Kamata fakaʻofisiale ʻa e konifelenisi RootsTech ʻi he Tuʻapulelulu, 5 ʻo Māʻasi 2026. ʻE lava ke maʻu hangatonu atu ʻa e ngaahi konga mahuʻinga ʻo e konifelenisí ʻi he peesi ʻuluaki ʻo e RootsTech.org. Te ke maʻu ai ha fakataha mahuʻinga fakaʻaho, mo ha kau lea manakoa, fakaʻilongaʻi ʻo kinautolu ʻokú nau fakapaʻangá, mo ha ngaahi kalasi fakahangatonu.
2. Fekumi
Kapau ʻokú ke lea ʻi ha lea fakafonua lahi ange ʻi he tahá, te ke lava ʻo fakaʻaongaʻi ʻa e founga Fekumí ke maʻu ha taha ʻo ʻemau ngaahi fakatahaʻanga ʻe 1,500 ʻi he ngaahi lea fakafonua ʻe 40.
3. Taimi-Tēpile ʻo e RootsTech 2026
Vakai ki he taimi-tēpile ʻo e 2026 ke fakapapauʻi ʻoku ʻikai ke ke liʻaki ha faʻahinga fakatahaʻanga fakahangatonu ʻokú ke mahuʻingaʻia ai. ʻI he uepisaiti RootsTech, te ke lava ʻo faʻu ha taimi-tēpile fakataautaha ʻo e ngaahi kalasi ʻokú ke fie kau ki ai ʻi he konifelenisí. Hili hoʻo hū ki lotó, te ke lava ʻo ʻaʻahi ki he peesi kuo fakataimi-tepileʻi ai ʻa e polokalama ʻoku haʻu hangatonú mo ia ke toki mamataʻi ʻoka fiemaʻú pea lomiʻi ha taimi-tēpile ʻo ha fakataha (+) ke tānaki atu ʻa e fakataha ko iá ki hoʻo taimi-tēpile fakatāutahá.
Te ke lava ʻo hū ki hoʻo taimi-tēpilé lolotonga e konifelenisí ʻaki haʻo lomiʻi ʻi he lisi ʻo e Ngaahi Meʻa Naʻe Hokó ʻi he RootsTech. Te ke lava foki ʻo sio ki hoʻo taimi-tēpilé ʻaki haʻo hū ki loto pea lomiʻi ʻi hʻoʻo fakaʻilongá ʻi he tuliki toʻomataʻu ki ʻolunga ʻo e komipiutá pea lomiʻi leva Ko ʻEku Taimi-Tēpilé.
Te ke lava ʻo sio ki hoʻo taimi-tēpilé ʻaki haʻo hū ki loto pea lomiʻi ʻi he fakaʻilonga ʻokú ne fakafofongaʻi koe ʻi he tuliki toʻomataʻu ki ʻolunga ʻo e komipiutá pea lomiʻi leva Ko ʻEku Taimi-Tēpilé. Te ke lava foki ʻo hū ki ai ʻaki haʻo lomiʻi ʻi he meʻalomi ko ʻení:
4. Ko ʻEku Ngaahi Lisi ke Mamataʻí
Ko ha konga mahuʻinga ʻe taha ʻo e aʻusia fakaʻinitaneti ʻi he RootsTech 2026 ko ʻEku Ngaahi Lisi ke Mamataʻí. Te ke lava ʻo faʻu ha ngaahi lisi ke mamataʻi ke ne fakamāʻopʻopo ha faʻahinga meʻa pē mo e kotoa ʻo e ngaahi meʻa ʻi he RootsTech. Faʻu ha lisi fakataautaha, hangē ko ha lisi fekauʻaki mo e DNA pe lisi fekauʻaki mo e kamata ʻi he hisitōlia fakafāmilí, pea vakai ki he ngaahi vitiō ʻi he uepisaití pea tānaki atu ha ngaahi fakataha ki hoʻo lisí.
ʻE ʻatā maʻu pē hoʻo ngaahi lisi ke mamataʻi. Te ke lava ʻo hū ki ai ʻaki haʻo lomiʻi ʻi he Mamataʻi ʻa e Ngaahi Vitioó ʻi ʻolunga ʻi hoʻo polokalama ʻi he ʻinitanetí pea lomiʻi leva ʻi he Ko ʻEku Ngaahi Lisi ke Mamataʻí.
Holo Fakaʻaliʻalí
ʻE maʻu atu ʻa e Holo Fakaʻaliʻali ʻa e RootsTech 2026 ʻi he ʻinitanetí pea ʻi he aʻu tonu foki ki aí. ʻI he taimi ʻe fakahoko ai ʻa e konifelenisí, te ke lava ʻo vakai ʻi he ʻinitanetí ki he holo fakaʻaliʻalí ʻaki haʻo lomiʻi ʻi he lisi ʻo e Ngaahi Meʻa Naʻe Hoko he RootsTechʻi he konga ki ʻolunga ʻo e pēsí. ʻI he konga ʻo e RootsTech 2026 ʻo e ngaahi meʻa ke fili mei aí, fili ʻa e Holo Fakaʻaliʻalí.
ʻE maʻu atu ʻa e Holo Fakaʻaliʻali ʻa e RootsTech 2026 ʻi he ʻinitanetí pea ʻi he aʻu tonu foki ki aí. ʻI he taimi ʻe fakahoko ai ʻa e konifelenisí, te ke lava ʻo vakai ʻi he ʻinitanetí ki he holo fakaʻaliʻalí ʻaki haʻo lomiʻi ʻi he meʻa lomi ko ʻení:
ʻI he holo fakaʻaliʻalí, te ke lava ʻo ʻiloʻi ai ha ngaahi pisinisi mo ha ngaahi kautaha mohu fakakaukau foʻou ʻi he ngaahi kautaha hisitōlia fakafāmilí mo vakai ki he ngaahi fakaʻaliʻali ʻo ʻenau koloá mo ʻenau ngaahi kalasí. Fakapapauʻi ke vakaiʻi ʻa e palepale ʻo e kautaha takitaha ke ʻiloʻi e ngaahi tuʻuaki makehe ʻo e konifelenisi! ʻE ʻoatu ʻe he ngaahi kautahá ha tokoni fakatautaha ʻo fakaʻaongaʻi ʻa e polokalama fetalanoaʻaki ʻo e konifelenisí.
Fakapapauʻi ke ke ʻaʻahi vave ki he holo fakaʻaliʻalí ke ʻoua naʻá ke tōmui ʻi he ngaahi meʻa mahuʻinga mo e ngaahi fakamaʻamaʻa ʻo e konifelenisí pē! ʻI he ngaahi kautaha ʻe 130 tupu ʻoku kau ki aí, ʻe ʻi ai ha meʻa ke fiefia mo vakaiʻi ʻe he tokotaha kotoa pē.
Tokanga ki he peesi mo e ngaahi tuʻuaki foʻoú ke sio ki he ngaahi fakamaʻamaʻa lelei taha ʻoku ʻoatu ʻe heʻetau kau fakaʻaliʻalí he taʻú ní.
6. Ngaahi Founga ʻo e Fetalanoaʻakí
Ko e founga ʻo e fetalanoaʻakí ʻoku maʻu atu ia ʻi he taʻú kakato ʻi he uepisaiti RootsTech. ʻE lava ke maʻu ia ʻaki haʻo lomiʻi ʻi he fakaʻilonga fehuʻi ʻoku siakaleʻi ʻi he tafaʻaki toʻomataʻu ki ʻolunga ʻo e uepisaiti RootsTech pea ʻi he Fetalanoaʻakíʻi he lisi ʻo e ngaahi meʻa ke fili mei aí. ʻOku maʻu ʻa e Fetalanoaʻakí mei ha faʻahinga peesi RootsTech pē.
ʻE lava ke fakaʻaongaʻi ʻa e polokalama fetalanoaʻakí ki he ngaahi fepōtalanoaʻaki ki he fakafoʻituituí mo e kakaí fakatouʻosi. Ko e fepōtalanoaʻaki fakafoʻituituí ʻoku ʻiate koe ia mo ha tokotaha kehe,mo ha kautaha ʻi he holo fakaʻaliʻalí, pe ko ha fakafofonga RootsTech (vakai ki he konga tokoní ki he Fehuʻi Mai Ha Meʻa Pē ʻi he konga hokó). ʻOku kau ʻi he ngaahi fepōtalanoaʻaki mo e kakaí ha faʻahinga kulupu pē ʻoku faʻu ʻe ha taha ne kau ki ai, ngaahi kulupu fakatahaʻangá, pe ngaahi kulupu RootsTech. Ko ha kiʻi kulupu tokosiʻi ʻoku faʻu ʻe ha ngaahi kaungāmeʻa ko ha kulupu foki ia ʻoku ʻikai fakangatangata, pea ʻe lava ke mamata mo kau ki ai ha taha pē ʻoku kau atu ki he konifelenisí.
ʻOua naʻa ngalo ʻa e ngaahi fetalanoaʻaki ʻoku lava ke maʻu ʻi he fakatahaʻanga fakafoʻituitui takitaha. ʻOku fakaʻatā koe ʻe he tafaʻaki ko ʻení ke ke talanoa mo e niʻihi kehe ʻoku nau mamata ʻi he kalasi tatau.
7. Konga Tokoní
ʻOku maʻu atu ʻa e konga tokoní ʻaki hoʻo lomiʻi ʻi he fakaʻilonga fehuʻi ʻoku siakaleʻíʻi he tafaʻaki toʻomataʻu ki ʻolunga ʻo e uepisaiti RootsTech pea lomiʻi leva ʻi he Senitā Tokoní ʻi he lisi ʻo e ngaahi meʻa ke fili mei aí. Te ke lava foki ʻo kamata ngāue ʻaki ʻa e Fehuʻi Mai Ha Meʻa Pē lolotonga e konifelenisí ʻaki haʻo lomiʻi ʻi he meʻa lomifetalanoaʻakiʻoku ʻasi maʻu peé ʻa ia ʻoku ʻi he tuliki toʻomataʻu ki lalo ʻo hoʻo screen.
Lolotonga ʻa e RootsTech, ko e polokalama tokoni ʻo e konifelenisí ʻe vahevahe ki ha konga ʻe 3: Tokoni fakatāutahá, Tokoni Fakakulupú, mo e Tokoni Fakaekitá.
- ʻOku kau ʻi he Tokoni Fakatāutahá ʻa e Fehuʻi Mai Ha Meʻa Pē he fetalanoaʻaki ʻo e konifelenisí pea mo e ngaahi fakataha fakatotolo he ʻinitanetí ʻi he Tokoni ki he Fekumí. ʻE lava ke maʻu ʻa e Fehuʻi Mai Ha Meʻa Peé 24/7 lolotonga e ʻaho kotoa ʻe tolu ʻo e RootsTech, pea ʻe maʻu e tokoni ki he fekumí ʻi ha faʻahinga taimi pē ʻo fakatatau mo e ʻapoinimení. (ʻE maʻu ʻa e tokoni ki he Fekumí ʻi ha ngaahi lea fakafonua pē ʻe niʻihi.)
- Ko e Tokoni Fakakulupú ʻokú ne tataki ʻa kinautolu ʻoku kau maí ki he Kulupu he FamilySearch, ʻa ia ʻe lava ke ʻeke pe tali ai ʻe ha taha ha ngaahi fehuʻi mo kau ki ha ngaahi kulupu fealēleaʻaki. (ʻOku ʻi ai ha ngaahi kulupu mo ha ngaahi poate fealēleaʻaki ʻi he tokoni fakakulupú ʻoku maʻu ʻi ha ngaahi lea fakafonua pē ʻe niʻihi.)
- Ko e Tokoni Fakaekitá ʻoku ne tataki ʻa kinautolu ʻoku kau maí ki he Ngaahi Fehuʻi ʻoku Faʻa ʻEke he RootsTech, ko e Senitā Tokoni FamilySearch, mo e kau mataotao ʻoku nau faingamālie lolotonga e konifelenisí ʻi he holo fakaʻaliʻalí.
Ko e hā ʻa e RootsTech?
Ko e RootsTech ko ha feituʻu ia ke ako, ke ueʻi fakalaumālie, pea fakafehokotaki ʻo fakafou ʻi he hisitōlia fakafāmilí. ʻOku fakalele ia ʻe he FamilySearch pea fakapaʻanga ʻe ha ngaahi kautaha lalahi kehe ʻi he tohihohokó, ʻoku ʻi ai ha ngaahi kalasi mataotao ʻe laungeau ʻi he RootsTech, ko ha fanga kiʻi tokoni mo ha ngaahi vitiō fakaʻaliʻali, mo ha ngaahi talanoa fakalaumālie ʻe ala tokoni atu ke ke aʻusia e hisitōlia fakafāmilí ʻo laka ange ia ʻi ha toe taimi kimuʻa. ʻAʻahi ki heʻemau laipeli ako ʻoku faingamālie ʻi hano toki fiemaʻú, pe palani ke kau fakataha mo kimautolu ʻi heʻemau polokalama konifelenisi ʻinitaneti hokó pe konifelenisi ke kau tonu ki aí.
Ngaahi Fakamatala Fekauʻakí
