Ang FamilySearch ay napagbuti ng Full-Text Search simula noong RootsTech 2024, nadaragdagan ang kakayahan nitong maghanap ng milyun-milyong rekord. Ang makapangyarihang karanasang ito sa paghahanap ay nakatulong na sa mga user na matuklasan ang mga genealogy at breakthrough sa pagsasaliksik ng kanilang family history.
Dahil sa malaking potensiyal na mayroon ang Full-Text Search para sa pag-uncover ng nakatagong impormasyon, ang tool na ito ngayon ay nagbibigay sa mga gumagamit ng mas mataas na access sa dating mga mahihirap hanaping rekord.
Ano ang Full-Text Search?
Ang FamilySearch ay may bilyun-bilyong digitized historical record na maaaring i-browse, ngunit isang maliit na bahagi lamang ng mga ito ang naka-index at mahahanap. Gayunman, dahil sa artificial intelligence (AI) at teknolohiya para sa pag-recognize ng mga sulat-kamay, ang mga talaan ay nagiging mas mabilis na nahahanap. Sa pamamagitan ng pagsasaliksik sa mga transcript ng AI, tinutulutan ka ng Full-Text Search na mahanap ang mga resulta mula sa mga koleksiyong hindi nai-index sa loob ng ilang segundo. Bagama't hindi available ang Full-Text Search para sa lahat ng koleksiyon ng mga larawan ng FamilySearch, mas maraming koleksiyon ang regular na idinaragdag.
Gamit ang mga keyword, pangalan, lugar, petsa, at image group number, maaari mong hanapin ang halos 2 bilyong mahahalagang genealogical record sa isang full-text search na maaaring available lamang bilang mga larawan noon. Bagama't ang paghahanap sa buong transcript ay hindi eksaktong kapareho ng paghahanap sa naka-index na mga rekord, tinutulutan ng Full-Text Search ang mga user na mahanap ang mga resulta mula sa anumang bahagi ng teksto sa isang rekord. Ang kakayahang ito ay tumutulong sa libu-libong tao na makahanap ng mga kamag-anak sa mga dokumentong hindi nila isinaalang-alang noon at matuklasan ang bagong katibayan sa dating hindi ma-search na mga talaan.
Saan Ko Mahahanap ang Full-Text Search Tool?
Ang Full-Text Search ay magagamit na ngayon sa FamilySearch.org sa main Search menu sa ilalim ng Full Text option. Maaari mo ring ma-access ang tool sa all-collections search sa signed-in FamilySearch home page at sa FamilySearch Catalog, sa main Search menu.
Hanapin ang Isang Ninuno Gamit ang All-Collections Search.
Kapag nag-sign in ka gamit ang iyong libreng FamilySearch.org account, sa kanang bahagi ng iyong signed-in home page ay isang search feature na may heading na “Search for an Ancestor.” Hinahanap ng tool na ito ang iyong mga search term sa mga rekord ng kasaysayan, family tree profile, mga alaala, at halos lahat ng iba pang database sa FamilySearch website.
Kapag tinitingnan ang mga resulta mula sa unang paghahanap sa lahat ng koleksiyon, maaari mong piliin ang "Full-Text Search" bilang isa sa mga filter option sa kaliwang bahagi ng bar. Hanapin ang opsiyon sa listahan, at iklik ang Full-Text Search. Isang bagong window o tab ang bubukas, na nagpapakita ng mga resulta para sa iyong paghahanap na makukuha sa pamamagitan ng mga AI-generated transcript.
Paalala: Kailangan mong iklik ang “Full-Text Search” sa sidebar para makita ang mga resulta mula sa database na ito. Hindi ito lumilitaw sa mga pangunahing resulta ng paghahanap sa lahat ng koleksiyon.
Mga Full-Text Transcript sa Catalog
Ang FamilySearch Catalog ay gabay sa mga talaan at resource na nakolekta ng FamilySearch. Kabilang sa catalog ang mga materyal na makukuha sa mga FamilySearch library at center sa buong mundo. Ang mga catalog record ay kadalasang maa-access sa mga pisikal na format sa mga lokasyon ng FamilySearch o bilang mga digital file online. Marami sa mga resource na ito ang maaaring i-browse ngunit kailangan pa rin ng manu-manong paghahanap ng impormasyon. Kapag ginagamit ng FamilySearch ang mga AI tool para makagawa ng mga full-text transcript ng mga koleksiyon sa catalog, ang mga koleksiyong ito ay magiging full-text na mahahanap din.
Sa FamilySearch.org, mahahanap mo ang catalog sa pamamagitan ng pagklik sa Search sa itaas na menu at pagkatapos ay iklik ang Catalog. Kapag nagba-browse ng catalog, kung makakakita ka ng promising collection, mag-scroll down sa page, at tingnan ang Film and Digital Notes section format information. Ang icon ng isang dokumento na may plus sign ay nagsasaad na ang koleksiyon ay full-text searchable.
Paggamit ng Full-Text Search
Ang Full-Text Search ay maraming kapaki-pakinabang na katangian na may kaugnayan sa pagkakaroon ng full-text transcript ng mga talaang ito. Ang bahaging ito ay nagrerebyu ng ilang kapaki-pakinabang na katangian (kabilang na ang mga bagong bagay na naidagdag sa paglipas ng panahon), isang halimbawa ng full-text search, at ilang tip para sa mga searcher na gustong gamitin ang tool sa ganap na kakayahan nito.
Maaari mong panoorin ang mga impormatibong video (sa Ingles) ni Robert Raymond mula sa RootsTech 2024 at RootsTech 2025 tungkol sa paggamit ng Full-Text Search. Isang mas bagong video (sa Ingles) ang nagtalakay ng mga feature at nagbibigay ng mga tip kung paano pinakamainam na magagamit ang Full-Text Search habang naghahanap ka ng impormasyon tungkol sa iyong mga ninuno.
Simula noong RootsTech 2024, idinagdag na ang ilang feature:
- Mga buod ng mga talaan na binuo ng AI, kabilang na ang mga relasyon at pangalan.
- Mga search field para sa taon, lugar, at image group number (DGS).
- Halos 2 bilyong talaan mula sa maraming bansa at wika. Ang mga talaan ay kasalukuyang nasa sa mga wikang Ingles, Espanyol, at Portuges, na may mga planong magdagdag ng mga wikang Chinese at iba pang wikang Europa tulad ng French, German, Dutch, at Italian.
- Kakayahang maghanap ayon sa partikular na mga koleksiyon. Tinutulungan ng AI ang mga group record sa mga koleksiyon gamit ang metadata na nakatipon nang i-digitize ang mga talaan.
- Awtomatikong pagsasalin ng mga buod ng rekord sa gusto mong wika.
Isang Halimbawa ng Full-Text Search
Ang pag-alaala na ang Full-Text Search tools ay hindi katulad ng naka-index na paghahanap ay makatutulong sa iyo habang nag-eeksperimento ka sa Full-Text Search. Narito ang isang halimbawa ng resulta ng full-text search at walk-through ng ilang mahahalagang kaibhan at bentahe.
Sa paghahanap na ito, ginamit namin ang "Elizabeth Jane Russell Day" sa Keywords field at "Utah" sa Place field.
Kabilang sa mga resulta ng paghahanap ang mga rekord kung saan maaaring lumitaw ang ninuno, na may maikling buod ng teksto. Kung nakahanap ka ng resulta ng paghahanap mula sa listahan na mukhang magagamit mo, maaari mo itong iklik. Pagkatapos ay magbibigay ang Full-Text Search ng digital image ng rekord at transcript. Ang transcript ay lubhang makatutulong kapag mahirap basahin ang sulat-kamay sa isang lumang dokumento. Tingnan ang halimbawang ito:
Pansinin ang mga detalyeng nakuha mula sa rekord na ito:
- Ang pamagat, na may uri ng talaan, lugar, at petsa ng koleksiyon
- Isang digital image ng orihinal na dokumento
- Ang kakayahang idagdag ang dokumentong ito sa iyong source box o i-attach ito sa isang indibidwal sa iyong family tree
- Ang opsiyon na i-download ang rekord na mayroon o walang highlight, ang transcript, at isang citation
- Isang buod ng dokumento, na may naka-highlight na mga keyword o pangalan
Dahil ang mga transcript ay AI-generated, maaari mong makita ang ilang mga error sa transcription. Palaging magandang tingnan ang orihinal na larawan.
5 Tip para sa Paggamit ng Full-Text Search
1. Gamitin ang Keywords Field sa Iyong Kapakinabangan
Ang mga keyword ay maaaring isang bagay tulad ng “indenture,” “last will and testament,” o kahit isang pangalan. Kung ang iyong mga keyword ay bumubuo ng isang parirala, maaari mong gamitin ang mga quotation mark kapag inilagay mo ito sa field. Sa madaling salita, kung hahanapin mo ang “last will and testament” nang walang mga quotation mark, maaaring hanapin ng system ang anumang dokumento na may mga salitang “last,” “will” “at,” o “testament.” Gayunman, kung maghahanap ka ng parehong parirala sa mga quotation mark, hahanapin ng system ang eksaktong pariralang iyon.
Halimbawa:
Mga Keyword: Eliza Bowman
Pangalan: <BLANK>
Lugar: Lee County, Virginia
Saklaw na taon: 1840–1940
Bilang ng mga Resulta: 364
Maaari mong i-refine ang listahan ng 364 na resulta sa pamamagitan ng pagdaragdag ng mga quotation mark.
Mga Keyword: “Eliza Bowman”
Pangalan: <BLANK>
Lugar: Lee County, Virginia
Saklaw na taon: 1840–1940
Bilang ng mga Resulta: 10
Magandang ideya ang maghanap nang walang mga quotation mark at pagkatapos ay maghanap muli gamit ang mga quotation mark. Maaaring magbigay ng iba't ibang resulta ang iba't ibang search parameter.
Mag-eksperimento sa pangalan sa mga Keywords at Name field (na may at walang mga quotation mark) para makita kung anong mga resulta ang makukuha mo.
Ang Keywords field ay makapangyarihan at magagamit sa paghahanap ng anumang partikular na mga salita o parirala sa isang dokumento. Halimbawa, maaari kang magpasok ng isang partikular na trabaho (tulad ng magsasaka) para matulungang mapakitid ang mga resulta ng paghahanap mo. Maaari ka ring magpasok ng mga kataga para matukoy ang mga ugnayan, tulad ng “anak,” “ampon,” o “balo.”
2. Gamitin ang Simbolo ng Plus (+)
Alam mo ba na maaari kang maglagay ng isang plus (+) na simbolo bago mapakitid ang iyong paghahanap? Isipin natin na kunwari ay naghahanap tayo ng talaan tungkol kay John Cole, ngunit hindi lamang kahit sinong John Cole. Interesado tayo sa taong ikinasal kay Eliza. Ang simbolo ng plus ay makatutulong sa iyo na mahanap ang tamang John Cole. Para maisama ang isang partikular na salita, tulad ng “magsasaka,” gamitin ang simbolo ng plus (+) halimbawa, “+magsasaka.” Para maisama ang isang partikular na parirala, gamitin ang mga tanda ng simbolo at quotation mark, halimbawa, “+Hollybrook Farms.”
3. I-filter ayon sa Koleksiyon, Taon, Lugar, o Uri ng Talaan
Lumilitaw ang mga opsiyon sa filter sa itaas ng listahan ng mga resulta. Iklik ang isa sa mga filter type na gusto mong gamitin, at pumili mula sa listahan ng mga drop-down option. Pagkatapos, iklik ang Apply. Ang mga filter ay lalong kapaki-pakinabang kung marami kang resulta para masuri nang manu-mano. Gamitin ang mga filter para ma-refine ang iyong paghahanap.
4. Tingnan ang mga Tip sa Paghahanap
Mga tip para matulungan kang mapagbuti ang iyong mga paghahanap na makikita sa light blue na kahon sa ibaba ng mga search field. Alamin kung paano maghanap ng eksaktong salita o parirala o kung paano isasama o hindi isasama ang isang partikular na salita o parirala.
Maaari mo ring matutuhan kung paano maghanap ng iba't ibang baybay.
Halimbawa, maaaring maraming pagbaybay ang pangalan. Tulad ng apelyido ni Cole. Kapag nakasulat sa cursive writing, kung minsan ay mukhang “Cale” o “Cele.” Para mahanap ang anumang posibleng pagbaybay, magdagdag ng question mark sa lugar ng "o" sa "Cole." I-type ang C?le bilang term ng paghahanap.
Maraming salita ang maaaring may katulad na ugat, tulad ng carraige, Carson, o Carstenson. Maaari mong gamitin ang wildcard asterisk para hanapin ang lahat ng salita simula sa ugat na “cars-” sa pamamagitan ng pagpasok sa “cars*.”
5. Gamitin ang Auto-Translation
Ang larawang ito ay nagpapakita ng halimbawa ng paggamit ng awtomatikong pagsasalin upang isalin ang orihinal na wika ng isang dokumento sa sarili mong wika.
Nasubukan mo na ba ang Full-Text Search? Kung hindi, subukan ito ngayon, at tingnan kung ano ang matagal nang nawawalang mga rekord na maaari mong matuklasan para sa iyong mga ninuno. Tiyaking ibahagi sa amin ang nalaman mo sa pamamagitan ng paggamit ng feedback button sa gilid. Gusto naming marinig ang iyong pinakamahusay na mga tip sa paggamit ng Full-Text Search tool at kung ano ang naaayon para sa iyo!
Kung nasubukan mo na ang Full-Text Search, bumalik ka at subukang muli; patuloy na nagdaragdag ng mas maraming feature at nilalaman.
Mga Kaugnay na Artikulo
Sa FamilySearch nais naming maikonekta kayo sa inyong pamilya, at nagbibigay kami ng masasayang karanasan sa pagtuklas at paglilingkod sa family history nang libre. Bakit? Dahil mahalaga sa amin ang mga pamilya at naniniwala kami na mapabubuti ng pag-uugnay ng mga henerasyon ang ating buhay ngayon at magpakailanman. Ang FamilySearch ay isang non-profit na organisasyon na tinatangkilik ng Ang Simbahan ni Jesucristo ng mga Banal sa mga Huling Araw. Para malaman pa ang tungkol sa aming mga paniniwala, mag-klik dito.
