Lidhësi i Burimit ka butona blu për shkëputje dhe butona të verdhë për shkëputje. Çdonjëri e heq lidhjen midis një burimi dhe një personi te Pema Familjare, por për një qëllim të ndryshëm.
Butoni blu për shkëputje
Butoni blu për shkëputje do të thotë se informacioni i burimit në kolonën e majtë është tashmë i bashkëlidhur me personin në kolonën e djathtë.
- Në këtë situatë, klikimi te butoni blu për shkëputje e heq lidhjen midis informacionit në dy kolonat.
- Ju do të dëshironit të klikonit te butoni blu për shkëputje vetëm nëse jeni të sigurt që burimi (kolona e majtë) dhe Pema Familjare (kolona e djathtë) u referohen dy personave të veçantë.
Më vonë, ju ose një studiues kërkimor tjetër mund të ktheheni te burimi dhe ta bashkëlidhni atë me një person tjetër te Pema Familjare në programin FamilySearch.
Butoni i verdhë për shkëputje
Butoni i verdhë për shkëputje do të thotë se burimi (kolona e majtë) është i bashkëlidhur me një person të ndryshëm nga ai që shihni në kolonën e djathtë të Lidhësit të Burimit.
- Në këtë situatë, klikimi te butoni i verdhë për shkëputje e heq lidhjen ndërmjet burimit dhe profilit tjetër te Pema Familjare.
- Ju do të dëshironit të klikonit te butoni i verdhë për shkëputje vetëm nëse jeni të sigurt se njerëzit që shihni në dy kolonat e Lidhësit të Burimit, janë të njëjtë dhe se bashkëlidhja e mëparshme ka qenë një gabim.
Pasi e shkëputni burimin nga profili tjetër, mund ta bashkëlidhni atë me personin në kolonën e djathtë të Lidhësit të Burimit.