Ju lutemi të raportoni çdo keqpërdorim ose përmbajtje të papërshtatshme që hasni në FamilySearch, duke përdorur veçorinë “Raporto Keqpërdorimin”.
Nëse dikush ju dërgon mesazhe të padëshiruara, aktivizoni funksionin “pa zë” ndaj atij personi. Pas kësaj, mesazhet e tij ose të saj nuk do të jenë më të dukshme për ju. Për hollësi, shikoni informacionin tek rubrika Artikuj të ngjashëm.
Çfarë konsiderohet keqpërdorim?
Në këtë rast, keqpërdorimi përkufizohet si çfarëdolloj materiali i ruajtur në FamilySearch që do të konsiderohej fyes ose i papërshtatshëm, si më poshtë:
- Gjuhë ose përmbajtje fyese
- Informacione që mund t’i dëmtojnë ose vënë në siklet të afërmit e gjallë
- Hallka lidhëse me faqe interneti të jashtme me përmbajtje të papërshtatshme
- Oferta për biznese ose shërbime kërkimore
- Ngacmim
- Deklaratë politike
- Shkelje e të drejtës së autorit
Keqpërdorimi i programit FamilySearch përfshin edhe afishimin e bekimeve patriarkale ose dokumenteve zyrtare të tempullit të Kishës së Jezu Krishtit të Shenjtorëve të Ditëve të Mëvonshme në secilën prej këtyre rubrikave:
- Diskutimet
- Shënimet
- Kujtimet
- Skica e Jetës
Çfarë nuk konsiderohet keqpërdorim?
Gabimet ose ndryshimet në dokumente nuk konsiderohen keqpërdorim. Nëse keni pyetje në lidhje me gabimet e paqëllimshme ose gabimet që ka mundësi të jenë me keqdashje, në dokumente që nuk jeni në gjendje t’i zgjidhni, ju lutemi, vihuni në kontakt me Sektorin e Përkrahjes së programit FamilySearch.
Rregullorja jonë bazë përkufizohet tek Informacioni mbi të Drejtat dhe Përdorimin e programit FamilySearch, që gjendet në fund të shumicës së faqeve në FamilySearch.
Hapat (faqe interneti)
- Shkoni në një vend në FamilySearch ku mund të raportoni keqpërdorimin:
- Mjetet: Te faqja Personi e një individi, kërkoni nën Mjetet për hallkën lidhëse Raporto Keqpërdorimin.
- Shikuesi i kujtimit: Te shikuesi i artikullit të kujtimit, kërkoni në cepin e sipërm djathtas hallkën lidhëse Raporto Keqpërdorimin.
- Mesazhet: Klikoni tek emri i personit pranë një mesazhi dhe klikoni te Raporto Keqpërdorimin.
- Burimet e bashkëlidhura me individët: Klikoni te një burim. Hallka lidhëse Raporto Keqpërdorimin shfaqet nën titullin e burimit.
- Burimet e bashkëlidhura me lidhjet familjare: Lundroni te faqja personale e një individi. Rrëshqitni te pjesa Pjesëtarët e Familjes dhe klikoni tek ikona Redakto. Klikoni te një burim nga pjesa Burimet për Lidhjen Familjare. Veçoria Raporto Keqpërdorimin ndodhet nën titullin e burimit.
- Plotësojeni informacionin e kërkuar dhe klikoni te Dorëzo. Të gjitha raportimet mbeten konfidenciale.
Hapat (programi për telefonat celularë)
Mund të raportoni një mesazh fyes që merrni te pjesa Mesazhet e programit FamilySearch.
- Hapeni programin FamilySearch tek telefoni juaj celular.
- Te cepi i poshtëm djathtas i ekranit tuaj, prekni me gisht te Më Shumë. Më pas, prekni me gisht te Mesazhet.
- Prekni me gisht mesazhin që doni të raportoni.
- Në cepin e sipërm djathtas të ekranit tuaj, prekni me gisht tre pikat (…) dhe më pas prekni me gisht te Raporto Keqpërdorimin.
- Shpjegoni arsyen tuaj dhe te cepi i sipërm djathtas i ekranit tuaj prekni me gisht te Dorëzo.
Hapat (Pema Familjare Varianti i Thjeshtuar)
Nuk ka asnjë buton të raportimit të keqpërdorimit te Pema Familjare Varianti i Thjeshtuar. Megjithatë, ju mund të rrëshqitni për te fundi i cilësdo faqe dhe klikoni te Përshtypje dhe Përkrahje për të na dërguar një mesazh për keqpërdorimin e mundshëm.
Artikuj të ngjashëm
Si ta aktivizoj funksionin “pa zë” ndaj dikujt apo ta bllokoj dikë që të mos më dërgojë mesazhe?
Cilat janë rregullat për diskutimet dhe mesazhet?
Cilat rregulla zbatohen për të ngarkuar kujtimet te FamilySearch.org?