O le gafa o le aiga pito sili ona telē i le lalolagi atoa e maua fua i luga o le initoneti

Na amata ona galulue faatasi le Shanghai Library ma le FamilySearch i le faaiuga o le seneturi ua te’a, ma o le matou faigapaaga aloaia o le aoina mai, faatulagaina, sailiili, ma le tuuina atu o auaunaga e faatatau i gafa o aiga Saina (jiapu) ua silia ma le 20 tausaga. O gafa o aiga e faamaumauina ai le gafa, tagata taitoatasi, ma galuega a se aiga lautele e tutusa le gafa o le toto o tua’a. O se vaega taua o le talatuu faaleaganuu o tagata ma o ni meafaigaluega taua mo gafa, suesuega faaakatemia, ma le faatuina o le lotogatasi faaagafesootai. E ogatusa lelei lava lenei mea ma le malamalamaaga o le FamilySearch i gafa.

Sa faia e le vaega o le [The FamilySearch] se mafutaga faaleaoaoga i luga o upega tafailagi (Zoom) mo le Sosaiete o Gafa Sigapoa i le tausaga ua te’a, e faalauiloa ai le polokalama o le FamilySearch ma lona utuofaamatalaga lautele. O lo latou auai malosi i le talanoaga faaeletonika a vaega, ua lagolagoina ai le toatele o tagata o le GSS i le sailiili i o latou aa o tuaa. Na faaalia ai le naunautaiga ma le tomai faapolofesa o le au maoae.
Sa matua talisapaia le aofia ai o le Family Search i le faatulagaina o le saite-laitiiti mo le Tausaga Fou Sainaa 2022 ma le Ofisa Autu o aganuu a Sigapoa Saina.

E na o le fa augatupulaga le mamao o le alu i tua o lo’u gafa o le aiga, ae sa ou iloaina o nisi o aiga mai se laina o le faatulagaga i le atunuu o Saina sa i ai se tusi o gafa mafiafia o aiga (jiapu). Ua maliu lo’u tama, ma ou te le’i iloaina foi se tasi o o’u aiga i le aai autu ma sa leai se auala e faafesootai ai i latou. I le ogatotonu o Oketopa 2020, sa ou vaaia ai ua i ai se vaega fou o le sailiga o le FamilySearch, o lea sa ou faaaogaina ai le meafaigaluega e saili muamua ai e faaaoga ai mataitusi o tupulaga o o’u tuaa ona mulimuli lea i le laina e sue ai igoa o lo’u tama, tamamatua, ma le tamamatua o lo’u tamamatua. Sa ou lagonaina e pei lava sa ou i ai i se ituaiga o sailiga oa. Ou te le’i iloaina le tele o le a i ai i lo’u aiga—o tagata e tutusa o latou tupulaga na faatumulia ni voluma se tele—ma sa tatau ona ou sailiili ma le onosai i lea itulau ma lea itulau. Ina ua mavae aso e lua o sailiili, na iu lava ina ou mauaina. Sa le mafaamatalaina le olioli i lo’u loto. O se ‘oa taugata tele lava lenei mea.