O polokalama o le FamilySearch o auala sili ia e faaalualu ai i luma lau tala faasolopito o le aiga. I le tele o tulaga, latou te ofoina mai le faaaogaina tutusa lelei pe talitutusa foi ma le upega tafailagi. E i ai lava tulaga laiti e le tutusa ai lo latou faaaogaina.
O nisi vaaiga e manaomia ai le faaaogaina o le initoneti e ala i se WiFi po o se fuafuaga o le faaaogaina.
Polokalama o Manatuaga
O Manatuaga i le polokalama o le FamilySearch e mafai ai ona e faia mea nei:
- Uta i luga ia ata, pepa o faamatalaga, tala, ma faila o leo pue i lau Faatufugaga.
- Faavasega au aitema o manatuaga i lau tusiata.
- Teuina pe aveese mai faila e teuina ai aitema o manatuaga.
- Mauaia o aitema sa tapeeseina talu ai nei.
O mea o loo faatinoina i lau polokalama feaveai o le a aafia ai foi au Manatuaga i le Faatufugaga i luga o le upega tafailagi e faapena foi i le isi itu.
O le eseesega tele i le va o le polokalama feaveai ma le upega tafailagi e faapea o le upega tafailagi e mafai ai ona e vaai i manatuaga e faatatau i tagata o lou aiga mai isi tagata o lo o faaaogaina le FamilySearch. E mafai ona e saili manatuaga uma ma faaopoopo auiliiliga o aso ma nofoaga taua.
Polokalama o Gafa o le Aiga
O le polokalama o Gafa o le Aiga i le FamilySearch e mafai ai ona e faia mea nei:
- Maimoa i lau gafa o le aiga i ni ata po o le siata.
- Faaopoopo pe suia faamatalaga ma faiā.
- Saili ma faapipii faamaumauga o ni punavai.
- Faagaoioi lisi o galuega.
- Saili mo kopi, ma tuufaatasi i latou.
- Faaopoopo ma tagai i aitema o manatuaga.
- Tagai i lou faiā i se isi tagata.
O vaaiga nei e tulaga ese i polokalama feaveai o Gafa o le Aiga:
- Tauaiga o Siomia A'u
- Faailoga i le Faafanua O’u Tuaa
O le polokalama feaveai o Gafa o le Aiga e le atoatoa ai vaaiga ia o loo maua i luga o le upega tafailagi.
- E mafai ona e tagai i lau gafa i luga o le upega tafailagi i ni faatulagaga eseese.
- O vaaiga o Manatuaga i le itulau o le Tagata e le maua i luga o le polokalama feaveai.
- Talu ai ona o loo mafai pea ona taulimaina punavai na faapipiiina i ou tuaa, o le vaaiga o Pusa o Punavai e leʻo avanoa mo le polokalama feaveai.
- E naʻo luga o le upega tafailagi e mafai ai ona maimoaina vaaiga e pei o mea taua na tutupu po o faafanua.
Afai e manaʻomia ona e faamaeʻaina galuega e leʻo mafai ona faia i luga o le polokalama
Afai e manaomia ona e faama'eaina galuega e le'o mafai ona faia i luga o le polokalama feaveai, alu i le upega tafailagi o le FamilySearch.org i lau komepiuta pe i luga o se isi palausa i luga o lau masini feaveai
Tusiga e faatatau i ai
E faapefea ona ou sii mai polokalama feaveai o le FamilySearch?
E faapefea ona ou faaaogaina Tauaiga o Siomia Aʻu i le polokalama feaveai o Gafa o le Aiga?
Faamata e i ai se polokalama feaveai o le FamilySearch?