E mafai e tagata auai uma i se vaega faaleaiga ona vaai ma faasa‘o faamatalaga uma i le gafa o le vaega faaleaiga. O lenei mea e mafai ai e isi tagata o le aiga, mo se faataitaiga, ona faasoa atu ni ata ma ni manatuaga e uiga i le tasi ma le isi.
E mafai foi e tagata o le vaega ona filifili a latou lava tagata amata mo le faaaogaina pe a faaali atu le gafa o le vaega faaleaiga.
E tatau i tagata auai uma o le vaega ona nofouta ma mulimuli i taiala o le le faalauaiteleina, tuutuuga o le faaaogaina o le FamilySearch, ma le tulafono o le amio pulea a le vaega.
Ua i ai i tagata saofaga le tiutetauave ia mautinoa ua ia i latou aia tatau ma le faatagaga e faasoa atu ai faamatalaga i totonu o le vaega, e aofia ai faamatalaga patino a isi tagata soifua.
Tagata o loo soifua
E mafai e tagata auai uma i se vaega faaleaiga ona vaai ma faasa‘o faamatalaga uma i le gafa o le vaega faaleaiga.
E leai se auala mo se tagata faaaoga e loka ai a latou faamaumauga i le gafa o le vaega faaleaiga e taofia ai isi tagata o le vaega mai le suia.
Tuaa ua maliliu
E mafai e tagata auai uma o le vaega ona vaai ma faasa‘o tuaa ua maliliu o e o loo fesootai atu i tagata o loo soifua i le gafa o le vaega faaleaiga.
O le eseesega autu i le va o tagata o loo soifua ma tagata ua maliliu i se gafa o le aiga, o tuaa ua maliliu o loo i ai i le gafa lautele, lea e mafai ai e tagata uma e faaaogaina le FamilySearch ona vaai ma faasa‘o ia faamatalaga.
E leai se auala e aveese ai se tuaa ua maliu mai le gafa lautele ina ia na o se vaega o le aiga e mafai ona vaai pe faasa‘oina.
Tagata e le Faalauaiteleina
Afai e i ai ni tagata e le faalauaiteleina i lau lisi patino, e mafai ona e kopiina i totonu o se gafa o le vaega faaleaiga ma faasoa atu le faaaogaina o faamatalaga i tagata auai o le vaega. Ua na o le pau lea o le tulaga e na o tagata auai o le vaega e vaaia tuaa ua maliliu.
O tusiga e faatatau i ai
E faapefea e le Gafa o le Aiga ona puipuia le tulaga patino o tagata o loo soifua?
O ai e mafai ona vaai i faamatalaga e uiga i tagata o loo soifua i le Gafa o le Aiga?
O ai e mafai ona vaai i talaaga otooto o tagata e le faalauaiteleina i le Gafa o le Aiga?