E toatele tagata o le Ekalesia e fiafia e saini e alu i totonu o le FamilySearch e faaaoga ai lo latou igoa faaaoga ma le uputatala o le faitotoa a le Ekalesia. Afai o loo e taumafai e alu i totonu e faaaoga ai lenei metotia, ae ua galo lou igoa faaaoga po o le uputatala, e mafai ona e toe maua mai i latou e faaaoga ai le auaunaga o le Toe Faaola o le Faitotoa a le Ekalesia i ChurchofJesusChrist.org.
Faafou au faamatalaga o le toe faaleleia
O se tasi o auala e faaaoga e le saite a le Ekalesia e toe maua mai ai se igoa faaaoga ma/po o le uputatala, o le toe setiina lea o le savali i lau tuatusi imeli po o le numera o le telefoni feaveai. Afai ua le toe aoga le tuatusi po o le numera, o le a le mafai ona e mauaina le savali. Afai o le tulaga lea, e mafai ona e galulue faatasi ma le failautusi a lau uarota e faafou ia faamatalaga faafesootai o loo i lau pepa faamaumau o tagata.
Afai e le masani le failautusi a lau uarota i le faagasologa, e mafai ona e faasoa atu laasaga nei:
Ina ia faafou le tuatusi imeli po o le numera o le telefoni feaveai a se tagata:
1. Saini e alu i totonu i Punaoa mo Taitai ma Failautusi (MFF)
2. I le pusa Saili, ta i totonu le igoa o le tagata, ma kiliki le tagata sa'o i le lisi o loo toulu ifo i lalo.
3. Kiliki le aikona penitala, lea o loo i le itu taumatau o le lau.
4. Ta i totonu pe sui ia faamatalaga e manaomia.
5. Kiliki le Sefe.
Manatua: O filifiliga e toe faaleleia ai numera o telefoni feaveai o loo maua i le taimi nei mo na o le Iunaite Setete ma Kanata.
Tala feso‘ota'i
E faapefea ona ou saini e alu i totonu o le FamilySearch i la'u Faitotoa a le Ekalesia?