O le tusitusiga o le a e iloiloina mo lenei gaoioiga na fatuina e le AI. O lau galuega o le faatusatusa lea o le tusitusiga ma le ata ma faasa'o soo se mea sesē e te maua.
O faatonuga o loo i le pa i autafa ane e taialaina ai oe i le iloiloga. O se vaaiga aoao lenei o le gaoioiga atoa.
Laasaga 1: Saili le Tagata Autū.
Faailoa mai le tagata autū o loo i le faamaumauga. O le tagata lenei (po o tagata nei e faalagolago i le ituaiga o faamaumauga) i le ogatotonu o le gaoioiga—o le tagata na fanau mai, mo se faataitaiga, po o le ulugalii na faaipoipo.
Laasaga 2: Iloilo le Igoa, Itupa, ma le Soʻotaga
Ia faamaonia ua saʻo ona faamaumauina le igoa o le tagata autu, itupa, ma sootaga i totonu o tusitusiga. Afai e te vaaia se mea sese, e mafai ona e faʻaleleia.
Ia faamaonia ua saʻo foi le tusiaina o igoa o isi tagata o loo ta'ua i le faamaumauga.
- Filifili le sootaga e fesootai ai i latou i le tagata autu.
- Afai e lē mafai ona e vaai i le ituaiga sootaga sa'o, filifili le Isi.
Laasaga 3: Faamaonia Mea e Tutupu
Faailoa mai le gaioiga autu o loo faamaumauina, ma faamaonia ua saʻo le tusiaina o le nofoaga ma le aso.
- O le gaioiga autū o le mafuaaga lea na fatuina ai le faamaumauga.
- Mo se faataitaiga, i se pepa fanau, o le gaioiga autū lava o le fanau.
O faamaumauga o talafaasolopito e masani ona i ai faamatalaga e uiga i isi mea na tutupu i le olaga, ma e faalagolago i le ituaiga o faamaumauga, atonu e fesiligia oʻe ina ia faamaonia nei mea. O nei mea e ta'ua o mea na tutupu na maua mai i ni manatu po o faaiʻuga e faavae mai i ni faamaoniga. O se faataitaiga o isi mea na tupu na faavae mai i faamaoniga atonu o se aso fanau o loo lisiina i luga o se pepa faaipoipo.
Laasaga 4: Iloilo ma Auina Atu
A o lei kilikiina le Auina Atu, faaalu sina taimi e iloilo ai lau galuega. Siaki-faalua au faʻasaʻoga ma vaʻavaai mo soo se mea sesē atonu na e misia. O se tasi lenei o avanoa mulimuli e faʻamautinoa ai le saʻo o le tusitusiga.