E faapefea ona ou sueina le Lisi o Faamaumauga mo ni faamaumauga?

Tusiga Id:: 11200
December 27, 2022

O le Lisi o Faamaumauga FamilySearch o se taiala i le tele o ituaiga faamaumauga o aofia ai faamatalaga tau talaaga o gafa. O faamaumauga e mafai ona sueina i upega tafailagi, poo le faaaogaina punaoa faaletino i le Potu Tusi FamilySearch.

O loo avanoa le lisi o faamaumauga i luga o le FamilySearch. O lomiga talu ai o le lisi o faamaumauga sa tuuina i se CD (compact disc) ma luga o tamai fusiata (microfiche). O lomiga CD ma tamai fusiata ua le toe faaaogaina.

Ma lea foi, o le Lisi o Faamaumauga ua mauaina e ala i le OCLC WorldCattalu mai le 2014. OCLC WorldCat o se tuufaatasiga o lisi o faamaumauga faaeletoroni faaupega tafailagi e ova atu ma le 2 piliona ulutala i le 72,000 potu tusi i totonu o le 172 atunuu ma teritori. OCLC WorldCat o loo lisiina ala o faamatalaga o teuina i totonu o nofoaga teu a sui auai.

Laasaga (upega tafailagi)

  1. Saini e alu i totonu o le FamilySearch.
  2. I le pa o faasologa o autu o loo i le pito i luga o le itulau komepiuta, kiliki Suesue.
  3. I le lisi faasolo-i-lalo, kiliki Lisi o Faamaumauga.
  4. Faatapulaa lau suesuega. E mafai ona e faaaoga soo se faamama faatulaga e te manao iai.
    • Nofoaga: A o e taina, e faailoa e le polokalame vaega e ono fetaui. Kiliki le mea e fetaui ma le nofoaga o manao ai.
    • Faai'u: Saili le lisi o faamaumauga ua tuuina i totonu e aofia ai le igoa. Afai e te le vaai i ni faaiuga lelei, ia tagai i nisi filifiliga suesue nei:
      • Ta i totonu le igoa i le upu autu suesueina.
      • Mo le sailia o talaaga tusia e se isi tagata ma talaaga tusia e le tagata lava ia, taumafai se suesuega i le tusitala.
      • Suesue e faaaogaina ai sipelaga eseese o le igoa.
    • Ulutala: Suesuega mo upu na e taina i totonu poo fea lava o iai i le ulutala. E te le manaomia lou iloa o le faasologa sa'o.
    • Tusitala: Ta i totonu le igoa muamua ma le faai'u.
    • Mataupu: Ta i totonu se upu poo se vasega o upu e faamatala ai le mataupu o le suesuega. E sueina e le masini mataupu o lisi o faamaumauga mo upu o e taina i totonu. Afai e te le maua faaiuga o e mafaufau iai, taumafai se suesuega i le upu autu.
    • Upu autu: Suesue i vaega nei mo upu autu o e taina i totonu.
      • Faamatalaga (aofia ai faamatalaga o ata)
      • Faasologa
      • Mataupu
      • Faamatalaga o Matafaioi
      • Tusitala
      • Ulutala
    • Numera Faailoga
    • Numera o Faaputuga Ata (DGS) poo Numera Tamai Fusiata: Aua e te taina i totonu se numera amata i le 0.
  5. Ta i totonu faamatalaga i avanoa ua e filifilia.
  6. E mafai ona e faalautele faaiuga o au suesuega i le filifilia o se filifiliga i lalo o le Mauaina o le Avanoa.
    1. Ina ia iloa na o faamaumauga e mafai ona silasila iai i luga o upega tafailagi, kiliki autafa Faainitaneti.
    2. Ina ia vaai mo se ata ninii i se nofoaga tutotonu o talafaasolopito o aiga, kiliki autafa Nofoaga Tutotonu o le FamilySearch. Ona kiliki lea o le nofoaga tutotonu i le lisi.
  7. Kiliki Suesuega.
  8. I totonu o faaiuga o suesuega, kiliki le mataupu e vaai atili ai i auiliiliga:
    • O faamatalaga faitele o loo i le pito i luga.
    • O Faamatalaga e tuuina atu faamatalaga faaopoopo o faamaumauga ma e mafai ona aofia ai se fesootaiga faaupega tafailagi i le mataupu faaeletoroni.
    • Ata poo Faamatalaga Faaeletoroni ma Kopi e tuuina atu ata ninii poo numera o tamai fusiata, Numera o Faaputuga Ata (DGS), ma faatulagaga o mauaina. O igoa mo tusi faitino e faailoa ai poo fea o iai le tusi i totonu o le Potutusi FamilySearch.
      • O isi igoa e iai le feau tusitusia. "O lenei nofoaga tutotonu o le FamilySearch e iai le [numera] o [numera] ata poo tamai fusiata." O le feau tusitusia e faatatau i le numera o kopi faitino o ata ninii poo tamai fusiata, ae le o ata faaeletoroni. O le tulaga masani, e lisiina mai numera mo Potutusi FamilySearch i Salt Lake City, Utah, USA. Ina ia iloa isi nofoaga o iai kopi, kiliki le aū faasaga i lalo.
        O vaega o Faamatalaga o Ata pe Faaeletoroni e faaaoga ai faailoga nei:
        • Faailoga o le Tioata Faalapopo'a o Tioata: O se vaega o le faamaumauga ua faasinoupuina. O isi faasinoupu ua faatapulaaina. E le mafai ona e suesueina faasinoupu ua faatapulaa.
        • Faailoga Meapueata: Silasila i se ata faaeletoroni.
        • Faailoga meapueata ma le ki: Silasila i se ata faaeletoroni, ae e apalai ai tapulaa i le matamata.
        • Faailoga o le ata faataavili: O ata faaeletoroni e le o mauaina i upega tafailagi faainitaneti. O loo iai lomiga o ata ninii.

Laasaga (polokalama telefoni feaveai)

O le faailoga o le Lisi o Faamaumauga e le o maua i luga o le polokalame telefoni feaveai o Gafa o le Aiga.

O Laasaga (Family Tree Lite)

O faailoga o le Lisi o Faamaumauga e le o maua i luga o le Family Tree Lite.

O tusitusiga e fesootai ai

O a Faamatalaga po o Ata po o Faamatalaga Faaeletoroni i totonu o le Lisi o Faamaumauga?
Mauaina le Mea Sili mai Lau Suesuega: Malamalama i le Itulau o Faaiuga o Suesuega

Pe na aoga lenei mea?