E faapefea ona ou lipotia faiga faatautala, fe’au taufaavalea, manatuaga e le talafeagai, ma isi anotusi?

Faamolemole lipoti mai soo se faiga faatautala po o ni anotusi le talafeagai e te mauaina i luga o le FamilySearch e faaaoga ai le matapule o le “Report Abuse [Lipoti Faiga Faatautala]”.

Afai e auina atu e se tasi ni savali e le manaomia, e mafai ona e taomia lena tagata. A uma lena, o le a e le toe vaaia ana savali. Tagai i le faamatalaga o i tusiga e Faatatau i ai mo auiliiliga.

O a ni mea ua manatulia o faiga faatautala?

O faiga faatautala, i le tulaga lea, ua faauigaina faapea o soo se anomea e sefeina i luga o le FamilySearch e ono avea o ni mea faatausuai pe le talafeagai, e pei o mea nei:
 

• Gagana po o anotala e faatausuai
• Faamatalaga e mafai ona afaina ai pe faamaasiasia ai tauaiga o loo soifua pea
• Sootaga i itulau o le upegatafailagi e i ai anotala e le talafeagai
• Faaunega mo auaunaga po o sailiiliga faapisinisi
• Faatupuvevesi
• Faamatalaga faaupufai (faapolokiki)
• Solia o le Puletaofia

O faiga faatautala o le FamilySearch e aofia ai foi le tuuuina o faamanuiaga faapeteriaka po o faamaumauga aloaia o le malumalu O Le Ekalesia a Iesu Keriso o le Au Paia o Aso e Gata Ai i soo se tasi o nei nofoaga:

• Talatalanoaga
• Faamatalaga
• Manatuaga
• Tala Otooto o le Olaga

O a ni mea e le manatulia o ni faiga faatautala?

O mea sese po o suiga i faamaumauga e le manatulia o ni faiga faatautala. Afai e i ai ni au fesili e uiga i mea sese ogaoga e le’i fuafuaina pe ono tula’i mai i faamaumauga ua le mafai ona e foiaina, faamolemole faafesootai le FamilySearch Support.

O la tatou aiaiga faavae tupito o loo faamalamalama atu i le FamilySearch Rights and Use Information, o loo maua i le pito i lalo o le tele o itulau i le FamilySearch.

Laasaga (uepisaite)

1. Alu i se nofoaga i luga o le FamilySearch e mafai ona e lipotia ai faiga faatautala.
   
   1. Meafaigaluega: I luga o le itulau a le Tagata, vaai i lalo o Meafaigaluega mo le sootaga o le Lipoti Faiga Faatautala .
   2. Mata’iga o Manatuaga: I le mata’iga o manatuaga, vaai i le tulimanu taumatau pito i luga mo le sootaga o le Lipoti Faiga Faatautala .
   3. Fe’au Tusitusia: Kiliki le igoa o le tagata i autafa o se fe’au tusitusia, ma kiliki le Lipoti Faiga Faatautala.
   4. Faapogai o faapipii i tagata taitasi: Kiliki se faapogai. O le sootaga o le Lipoti Faiga Faatautala o loo faaalia i lalo o le ulutala o le faapogai.
   5. Punavai e faapipii i faiā: Saili se itulau a se tagata e toatasi. Faasolo atu i le vaega o Tagata o le Aiga ma kiliki le aikona Faasa’o. Kiliki se faapogai mai le vaega o Punavai o Faiā . O leLipotia Faiga Faatautala o loo faaalia i lalo o le ulutala o le punavai.
2. Faatumu ia faamatalaga manaomia, ma kiliki le Auina Atu. O lipoti uma lava e le faalaua’iteleina.

Laasaga (polokalama feaveai)

E mafai ona e lipotia se savali faatausuai e te mauaina i Fe’au Tusitusia a le FamilySearch.

1. Tatala le polokalama o le FamilySearch i luga o lau telefoni.
2. I le tulimanu pito i lalo i le itu tauagavale o lau lau, oomi le Nisi. Ona oomi lea o Fe’au Tusitusia.
3. Ta le feau tusitusia e te manao e lipoti.
4. I le tulimanu taumatau pito i luga o lau lau, oomi togitogi e tolu (...), ona oomi lea o le Lipoti Faiga Faatautala.
5. Faamatala lau mafuaaga ma i le tulimanu taumatau pito i luga o lau lau, oomi le Auina Atu.

O Laasaga (Family Tree Lite)

E leai ni faamau o lipoti faatautala i le Family Tree Lite. Peitai, e mafai ona e faasolo i le pito i lalo o soo se itulau ma kiliki Manatu Faaalia ma le Lagolago e auina mai ai ia i matou se savali e uiga i le faatautala o ono i ai.

O tusiga e faatatau i ai

E faapefea ona ou taomia pe poloka se tasi mai lona auina mai o se fe’au tusitusia ia te au?
O a ni tulafono mo talanoaga ma fe’au tusitusia po o savali?
O a tulafono e faaaoga i le utaina i luga o manatuaga i le FamilySearch.org?