Fesili e Fesiligia Soo e uiga i le Iloiloga Faaleaiga

Share

O nisi nei o fesili e sili ona taatele tatou te maua e uiga i le Iloiloga Faaleaiga. Mo nisi fesoasoani patino, faamolemole faafesootai le Lagolago a le FamilySearch.

Aisea e faaaoga ai e le FamilySearch le atamai faafoliga e tusia ai faamaumauga?

E tele tausaga o le a faaaluina e tagata e volenitia ai e tusia faamaumauga o talafaasolopito o loo maua i le FamilySearch i le taimi nei. O loo matou faaaogaina le atamai faafoliga e faateleai ai lenei faagasologa ma faaavanoa ai nisi faamaumauga mo le toatele o tagata.

E faapefea ona fesoasoani le Iloiloga Faaleaiga?

O le atamai faafoliga e mafai ona vave ona tusia nai lo se tagata, ae peitaʻi e iai lava pea mea sesē ma e manaomia ai se tagata e iloiloina ia faamatalaga a o leʻi avea ma tusitusiga e mafai ona sailia. O le mea lenei e te faia i le Iloiloga Faaleaiga.  

O le gaoioiga e ta'ua o le Iloiloga Faaleaiga aua o loo e gauai atu ma le totoʻa i tagata uma o le aiga o loo ta'ua i le faamaumauga ma taumafai e faamaumau a latou sootaga.

Pe faapipii e le Iloiloga Faaleaiga ia faamaumauga o talafaasolopito i le Gafa o le Aiga i le FamilySearch?

E leai, na ona fai e faafaigofie ai ona maua le igoa o loo i le faamaumauga. Ae o le tagata o loo saili ma maua le faamaumauga e mafai ona faaopoopo le igoa i le Gafa o le Aiga.

O le a le laina paʻepaʻe o loʻo i luga o ata?

O nisi ata o loo silia ma le tasi le faamaumauga o talafaasolopito. O laina papae o loo faaalia ai le vaega o le ata lea na faailoa mai ma tusia e le atamai faafoliga o se faamaumauga e tasi.

O fea e sau ai faamatalaga uma mo lenei gaoioiga?

O faamatalaga o loo e iloiloina mo lenei gaoioiga e sau mai faamaumauga o talafaasolopito na tusia e le atamai faafoliga. O le atamai faafoliga e mafai ona vave ona tusia nai lo tagata tauofo, ae e faia pea mea sese. O lau iloiloga ua faigofie ai ona maua e isi tagata ia igoa o loo i luga o le faamaumauga.

Pe mafai ona ou filifilia faamaumauga o talafaasolopito ou te manao e iloilo?

E pei o le tele o gaoioiga i le Aafia ai, e mafai ona e filifili mai nofoaga lautele mo le mea e sau ai faamaumauga. Ae peitai, o le taimi lava e te filifiliaina ai se nofoaga, o faamaumauga e faafuaseʻi ona o atu ia te oʻe.

E mafai ona ou sefeina se faamaumauga ma galue ai i se taimi mulimuli ane?

O se filifiliga lenei i le faasinoupuina masani, aʻe e le o maua i le taimi nei i le Aafia Ai. Afai e le'i mae'a se galuega o loo e iloiloina, o le a tuuina atu mo se isi volenitia.

Aisea e tatau ai ona oʻu auai i le Iloiloga Faaleaiga? O le a lo'u aafiaga?

O le auai i le Iloiloga Faaleaiga, ua ē faia e faafaigofieina ai mo tagata i latou o loo asiasi i le uepisaite o le FamilySearch e suʻe o latou aiga, aʻoaʻo i ā latou tala faaleaiga, ma faafesootai o latou aiga.

E le gata i lea, soo se faasaʻoga po o ni faatonutonu e te faia i le tusitusiga e fesoasoani e faaleleia ai le atamai faafoliga ina ia sili atu ona sa'o ia tusitusiga i le lumanai.

A uma ona oʻu iloiloina se tasi o aiga, pe o le a oʻu maua le isi faamaumauga i le faaputuga o faamaumauga?

E mafai aʻe e lē o faamaonia. E faalagolago lava i mea o loo maua ma pe toafia tagata o loo volenitia i le Ia Aʻafia Ai i soo se taimi lava.

Afai e te fiafia e maimoa i le faamaumauga lea e muamua atu pe mulimuli mai, alu i le itulau o Faamatalaga Auiliili o Faamaumauga, ma filifili le filifiliga mo le maimoaina o le faamaumauga.

Pe na aoga lenei mea?