O le faamoemoega aotele o le Gafa o le Aiga o le fesoasoani lea ia e maua lou aiga ma, oo ai ina e iloaina sina mea e uiga ia te oe lava.
- O le Gafa o le Aiga e ese mai isi saite talitutusa o gafa ona o se gafa e tasi, lautele ua soofaatasi i aiga, nai lo o se saite e na ona faataga ai tagata faaaoga e fatufatu ma pulea a latou lava gafa patino. O lenei tulaga iloga o lona uiga e galulue faatasi tagata uma i faamatalaga lava e tasi, e faatagaina ai le gafatia ona faafesootai itutino uma o le aiga o le tagata.
- O le Gafa o le Aiga e faatusatusa ai faamaumauga ma punavai ina ia mafai ai ona fesoasoani ia te oe e foia mea sese po o mea e fai faafia i faamaumauga. O loo tuuina atu ai foi meafaigaluega mo feau tusitusia ma le galueaiina faatasi, faapea foi ma se lagolago lē totogia poto faapitoa tau telefoni, e fesoasoani ai ia te oe e foia mea sese.
- O Gafa o le Aiga e utuvai mai le utu tele o faamatalaga a le FamilySearch e aumaia ai faaiteite o faamaumauga. O lea tulaga e faafaigofie ai ona e fesootai i ou augatuaa i augatupulaga muamua.
- O le vaega o Manatuaga e mafai ona fesoasoani e atiae ai sootaga loloto atu i augatama. E maua ai se nofoaga e mafai ona e teu ai ma faasoa atu atapue ma talafaasolopito.
- Matou te mananao ia mafai ona maua e le tele o tagata le Gafa o le Aiga i le tele e mafai ai. E mafai ona e tagatagai i ai e ala i ni auala eseese, e aofia ai masini feaveai, i polokalama o Gafa o le Aiga ma Manatuaga, po o eria e maualalo le malosi o fesootaiga faatekinolosi, i le uepisaite a le Polokalama Faigofie o le Gafa o le Aiga.
O lo matou faamoemoe o le avea o le Gafa o le Aiga ma auala, e mafai ai ona tatou galulue faatasi e fatufatu le gafa lautele o le aiga aupito lelei i le lalolagi, ma mafai ai e tagata o le aiga ona fesootai i le tuanai faapea foi le taimi nei.
Ina ia aoao atili e uiga i le FamilySearch, asiasi i le FamilySearch.org/about.
O tusiga e faatatau i ai
E faapefea ona ou auina atu se savali i se tasi na saofaga i le Gafa o le Aiga po o Manatuaga?
E faapefea ona ou faaaogaina manatuaga o le FamilySearch e teu ai a‘u tala o soifuaga a o‘u augatama?