O le FamilySearch o se tasi o faaputuga aupito sili ona tele i le lalolagi o faamaumauga o gafa, e aumai mai tagata lautele, faalelotu, ma isi punaoa ina ia iloiloina mo lo latou taua faalegafa e tagata suesue taitoatasi. Ua saunia nei e le Gafa o le Aiga i le FamilySearch le tomai mo tagata faaaoga e faamaumau ai faiā faaleaiga o le itupa e tasi.
E o gatusa ma le aoaoga faavae O Le Ekalesia a Iesu Keriso o le Au Paia o Aso e Gata Ai, e na o faaipoipoga i le va o tagata o le isi itupa e mafai ona faapaiaina pe faamauina i le malumalu.
F&T Faafouga mo Faiā i le Gafa o le Aiga i le FamilySearch
1. Aisea ua faia ai e le FamilySearch lenei mea?
O le Gafa o le Aiga i le FamilySearch ua mamanuina e uunaia ai le sa‘o atoatoa o gafa e faavae i uluai punavai o faamaumauga. Ua saunia e le Gafa o le Aiga le tomai mo tagata faaaoga e faamaumau ai sootaga uma faaleaiga, e aofia ai faaipoipoga o le itupa e tasi ma le vaetamaina a itupa.
2. Pe o se suiga lenei i aoaoga faavae o le Ekalesia?
Leai. E saili le FamilySearch e faasaoina faatekinolosi ma faaavanoa faamaumauga o gafa ma talafaasolopito, ma o se vaega lenei o ana taumafaiga e faamaumau sao ai le aiga o tagata. Ua na o faaipoipoga i le va o tagata o itupa faafeagai e faapaiaina ma faamauina e le Ekalesia.
3. E mafai ona faamauina ulugalii o le itupa e tasi i le tasi ma le isi?
Leai. E o gatusa ma aoaoga faavae a le Ekalesia, o ulugalii o le itupa e tasi e le faamauina i le tasi ma le isi, e tusa lava pe na la faaipoipo faaletulafono. O se tagata ua maliu sa auai i se sootaga faaleulugalii o le itupa e tasi po o se tasi sa avea ma se vaega i se faaipoipoga o le itupa e tasi, e mafai ona maua isi sauniga faalelotu uma o loo avanoa i se malumalu e agavaa ai o ia.
4. E mafai ona faamauina fanau a ulugalii o le itupa e tasi ia i latou?
Leai. E tusa ai ma aoaoga faavae o le Ekalesia, o fanau e le mafai ona faamau i ulugalii e itupa e tasi, tusa lava pe o le ulugalii ua faaipoipoina faaletulafono.
5. Pe o le FamilySearch o le saite muamua o gafa e faataga ai le faamaumauina o faiā o le itupa e tasi?
Leai. O le FamilySearch e le o le saite muamua lea o gafa e faatagaina le faamaumauina o faiā o le itupa e tasi.
6. O a suiga o le a ou vaaia i totonu o le Gafa o le Aiga?
Pe a faaopoopo se toalua po o se matua, ua mafai nei e le tagata faaaoga ona faaopoopo se toalua po o se matua o le itupa e tasi.
7. O le a le mea sa manaomia e faaopoopo ai le faatinoga?
O le tele o polokalama o loo siomia ai le Gafa o le Aiga, e pei o le Gafa ma le sailiga o faamaumauga, sa manaomia ona matua toe mamanuina ina ia mafai ai ona faamaumauina faiā o le itupa e tasi a o lei mafai e le Gafa o le Aiga ona faamatuu atu lenei faatinoga.
8. E aoga i le polokalama feaveai a le Gafa o le Aiga?
Ioe. O le a ola i luga o le polokalama feaveai i le taimi lava e faapipii ai e le tagata faaaoga ia faafouga e tatau ai.
9. E mafai ona ou auina atu manatuaga (ata, tala, pepa o faamatalaga) o lana mataupu e faatatau i faiā a le itupa e tasi?
O tulaga faatonuina mo le auina atu o manatuaga (ata, tala, pepa o faamatalaga) e tutusa lava mo tagata faaaoga uma, ma mulimuli iTaiala ma Aiaiga Faavae o le Utaina i Luga o le FamilySearch.
Fesootai
Ua Faaopoopo e le Gafa o le Aiga i le FamilySearch le Tomai e Faamaumau ai Faiā Uma Faaleaiga (Potu o Talafou o le FamilySearch)
E faapefea ona ou faaopoopo se toalua po o se paaga i totonu o le Gafa o le Aiga?
E faapefea ona ou faaopoopo se matua i le Gafa o le Aiga?