Afai e i ai ni ou tupuaga Saina, Iapani, po o Korea, atonu o le a e maua ni mea sese e lei faamoemoeina i aso ua atofaina i mea na tutupu i le olaga o ou tuaa. O le mafuaaga lenei.
- O faamatalaga fou ma tekinolosi sili atu ua faaalia ai ni faamaumauga ua ta faalua i le Gafa o le Aiga. O faamaumauga ua ta faalua mo le tagata lava e tasi ae e mafai ona i ai ni faamatalaga eseese ua fuafuaina.
- Pe a mafai, e taumafai le FamilySearch e tuufaatasia tala faamaumau o le malumalu ua ta faalua i se faamaumauga se tasi. E taʻua lenei faagasologa o se tuufaatasiga.
- Afai o loo i ai faamaumauga ua ta faalua ni aso eseese mo le gaoioiga lava lea e tasi o le olaga, o le faamaumauga fou ua tuufaatasia i le Gafa o le Aiga ua faaalia mai ai po o le a lava le aso e sili ona lata mai lea na auina atu ai. O nisi taimi o ni tusitusiga na lafo atu lata mai nei e sese.
- E valaaulia tagata lagolagosua e faasaʻo ni mea sese pe a latou mauaina. Ia mautinoa ia aofia ai se punaoa po o se faamatalaga o le mafuaaga pe a e faia.
O loo faamatala auiliili mai i mea nei le auala e oo mai ai nei mea sese ma le auala sili e taulimaina ai.
Faamalamalamaina o mea sese
O nofoaga e faatapulaa ai ona oo atu i faamaumauga o talafaasolopito, o nisi taimi e fuafuaina ai e tagata o loo galulue i le FamilySearch ia aso o mea na tutupu e sili ona taua o le olaga o o latou tuaa. Ua leva tele ona avea lenei mataupu mo tagata lagolagosua o e e i ai o latou tupuaga Saina, Iapani, ma Korea.
E le gata i lea, o le toatele o tagata sa galulue tutoatasi le tasi i le tasi i le tele o tausaga, na fatuina ni tala faamaumau se tele i le Gafa o le Aiga—mo le tagata lava e tasi. Ua taʻua o faamaumauga ua fai faalua, ma o nisi taimi e i ai faamatalaga e feteenai.
Pe a mafai, e taumafai le FamilySearch e su’e mea ua ta’ifaalua ma tuufaatasi i se faamaumauga se tasi. Peitai, afai e feteenai ia aso mai faamaumauga ua tuufaatasia, e tatau ona filifili e a tatou polokalama po o le fea le aso e faaali ai i luga o faamaumauga ua tuufaatasia. O le taimi nei, ua filifilia e a tatou polokalama le aso na sili ona lata mai na auina atu ai i le Gafa o le Aiga.
Ioe, o le aso sili ona lata mai na auina atu ai, e mafai ona sese. Ua matou iloaina lenei mea ma ua matou faailogaina nisi o faamaumauga i le Gafa o le Aiga e pei ona i ai faafitauli tau faamaumauga. Matou te faamoemoe o le a e faaaluina se taimi e faasaʻo ai nei mea sese pe a outou tau atu i ai.
O se taumafaiga a se ’au
Soo se taimi lava e te faia ai se faasa’oga, ia mautinoa e te tuuina atu se mafuaaga pe afai e te mafaia, po o se faamatalaga o se mafuaaga manino o le a faamaonia ai lau suiga. Afai e te faia, o isi tagata faaaoga o e ono fesiligia le suiga, atonu o le a latou le fetuunaia pe toe tatala mai.
Pe a lisiina le FamilySearch o se tagata fai saofaga
A o lei oo i le 1994, o pepa o igoa na auina atu mo sauniga o le malumalu i malumalu o Saina, Iapani, ma Korea sa tusilima. E ui lava o faamatalaga o sauniga o loo i ai i luga o nei pepa sa teuina ma le faaeteete, ao igoa o e fai saofaga e le o i ai. O lenei mea e mafai ona taitai atu ai tagata lagolagosua a le FamilySearch i aso nei i le vaaia o le igoa “FamilySearch” o loo lisiina o le fai saofaga mo se vaega faapitoa o faamatalaga.