O tagata uma e saini atu mo le FamilySearch e i ai se talaaga otooto o lana faitotoa . Faatonutonu lau talaaga ina ia faavasega patino ai pe faapefea ona e foliga mai i isi tagata faaaoga o le FamilySearch, mea e tatau ona iloa e tagata lautele, ma mea e lē tatau ona faalauaiteleina.
O lau talaaga e aofia ai faatulagaga o faamatalaga nei:
Ata: O le utaina i luga o se ata mo le talaaga otooto o lau faitotoa o le FamilySearch e mafai ona fesoasoani e iloatino ai oe mai isi tagata e i ai a latou faitotoa ua faaogaina ni igoa talitutusa. Mafaufau e uta i luga se ata faasitaili po o se ata fatu e te fiafia i ai pe afai e te le toamalie e tuu i luga se ata moni. Afai e te le’i utaina i luga se ata, o le avanoa o le ata o le a faaali mai ai le mataitusi muamua o le ID fesootai o lau faitotoa o le FamilySearch.
Igoa: O le igoa lea o le a iloa ai oe i luga o le FamilySearch. E vaaia pea e isi ma e mafai ona avea o se igoa atoa, se vaega o se igoa, po o se igoa tauvalaau. Seia maea ona e faatumu faapatino lenei avanoa, o le a faaaogaina pea lau ID fesootai i le vaega o le igoa. O le igoa e te filifilia e LE faapea e ao ona tulaga ese ia te oe ma e mafai ona avea ma se mea e puipuia ai lou faasinomaga ao faatagaina pea i latou e te iloaina ia maua oe.
ID Fesootai: O lau ID fesootai e atofa atu i lau faitotoa i le taimi e te saini ai i totonu. E mafai ona faia faasa’oga ae e tatau ona tumau le tulaga ese, o lona uiga e le mafai e ni tagata se toalua ona tutusa ni ID fesootai. O lenei ID e o faatasi ma soo se mea lava e te faaopoopo pe faasa’o i luga o le FamilySearch. Faamolemole aua nei faaaogaina faailoga [faamamafa, koma, kolona, semikolona po o isi faailoga faapena] i lau ID Fesootai.
Nofoaga: O lau talaaga e aofia ai ma se vaega mo lou atunuu po o le itulagi. O lenei vaega e manaomia, ae e mafai ona faia ia lē faalauaiteleina. O le faia o lou nofoaga lautele ia faalauaiteleina e fesoasoani ia iloa ai oe mai isi tagata faaaoga o le FamilySearch pe a taumafai ia uo po o isi tagata suesue e fia fesootai atu ma oe.
Faitotoa e Lē Faalauaiteleina
O nisi faitotoa e otometi lava ona atofaina o ni faitotoa e lē faalauaiteleina.
Lalo ifo o le 18 tausaga: O faitotoa mo i latou e i lalo ifo o le 18 tausaga ua mamanuina e lē faalauaiteleina. O le e ana le faitotoa e mafai ona faafou ia faamatalaga o le talaaga ae o le talaaga o le a lē faalauaiteleina pea. Afai o oe e 18 tausaga pe matua atu ma o lau faitotoa ua makaina “E lē Faalauaiteleina,” ia faamautinoa ua e taina i totonu faamatalaga sa’o o lou aso fanau i le vaega o faatulagaga mo le faitotoa.
Tapu Faalemalo: O nisi malo po o aganuu e faatapulaa le aofaiga o faamatalaga patino e mafai ona aoina pe faasoa e se uepisaite. Afai e te talitonu o lau faitotoa ua maka sese “E lē Faalauaiteleina”, alu i totonu o le Faatulagaga o le FamilySearch ma faamautinoa o faamatalaga o lou Atunuu po o le Itulagi sa sa’o le filifiliina.