Ua avanoa nei gafa o vaega o le aiga mo tagata uma. E te le toe manaomia ona alu i Falesuesue o le FamilySearch e faataitai ai. Afai o oe o se tasi o a matou uluai tagata faaaoga, faafetai mo lou taimi ma manatu faaalia.
O mea o loo tumu pea
A o e galue i le Gafa o le Aiga, o le a e vaaia ai o le tele o matapule e tutusa lava le aoga ma le taimi muamua. O loo tumau lava foliga lolomi, lanu, lapopoa o foliga lolomi, faatusatusaga, ma le faiga faapogisa.
O Le A se Mea Fou pe Ua Suia
Faasoa atu se gafa o loo i ai tagata soifua: Faatasi ai ma gafa o vaega o le aiga, e mafai ona e faasoa atu ai le vaega o lou gafa o loo i ai tagata soifua ma tagata o aiga o loo soifua. E vaai tagata uma i le gafa e tasi.
Faaopoopo se gafa o le vaega o le aiga i vaega o loo i ai nei o lou aiga pe fatu se vaega fou ma se gafa: Afai ua i ai sau vaega o le aiga, e mafai ona e kiina le filifiliga e faasoa atu ai se gafa o le vaega o le aiga. Afai e leai sau vaega o le aiga, e mafai ona e fatuina se vaega fou e i ai se gafa o le vaega o le aiga mai lava i le amataga.
Pulea vaega o le aiga: Ua faafouina matapule o le puleaina o vaega o le aiga e mafai ai ona e faaopoopoina se gafa o le vaega o le aiga mo lau vaega, tagai i faamatalaga auiliili o gafa, maimoa i se sootaga o gaoioiga faalevaega, ma seti tagata e amata ai. E mafai lava ona e faaigoaina le vaega, faaopoopo se ata, talanoa ma le vaega, ma faatino isi pulega uma o vaega. Ina ia ofi uma matapule fou, ua faalauteleina le lau ma toe faatulaga ia matapule.
Feosofai i le va o se gafa o le vaega ma le vaega: E faigofie lava ona e alu i le va o le gafa o le aiga ma le vaega o le aiga e mafai ona faaaogaina.
Faigofie ona fesuiai i le va o gafa: E faigofie lava ona e iloa po o le fea gafa o loo e i ai ma fesuiai i le va o gafa e faaaoga ai le filifili fou e filifili ai gafa, lea o loo i le itu agavale pito i luga o le Gafa o le Aiga.
Faatapulaa manatuaga i se vaega o le aiga: E mafai ona e uta i luga manatuaga ma faatapulaa le iloagofie o na mea i le vaega o le aiga.
Vaaiga Faatu: O le vaaiga fou Faatu e faapitoa lava le aoga mo le vaaia o lou aiga lautele i se gafa o le vaega o le aiga.
Lisi o Tagata e Le Faalauaiteleina: Ua sili atu le malosi o le lisi o Tagata e Le Faalauaiteleina ma o lea ua siitia ai mai A’u Saofaga i le lisi autu o le faatautaiga o le Gafa o le Aiga. Ua i ai nei i le lisi tagata o loo soifua i lau gafa patino ma gafa o vaega o le leaiga ma faailoa mai ai ni kopi ua ono ta faafia i totonu o le gafa lava e tasi. O le a e maua foi ni filifiliga e mafai ai ona e kopiina tagata i lau lisi patino i totonu o se gafa o le vaega o le aiga po o lau gafa patino.
Mulimuli i le [tagata] o loo soifua: Ua mafai nei ona e mulimuli i tagata o loo soifua i se gafa o le aiga ma faaali i latou i lau lisi lenei.
Aoao atili
Mo se fesoasoani i le amataina, asiasi i le Nofoaga Autu mo le Aoaoina o Gafa o Aiga e maua ai vitio aoga, fesili e masani ona fesiligia, ma tusiga.