O nisi taimi pe a taumafai se tagata faaaoga e vaai i sootaga, e fai mai le maimoa i le faiā, “E Le Aiga” po o le “Leai se Faiā o Maua.” O nisi nei o mafuaaga e tupu ai lenei mea ma ala e ono foia ai:
E tatau ona maua faatagaga.
Pe a fesootai tagata faaaoga e ala i feau feaveai, e mafai ona latou vaai i la latou faiā i le tasi ma le isi. Ina ia mafai ona vaai i le faiā, o le a manaomia e tagata faaaoga uma e toalua ona mafai ona maimoaina le faiā. Alu i au Faatulagaga ma ki le Avanoa e Maimoa a i Le Faiā. O lea mea o le a mafai ai e oe ma isi tagata faaaoga e vaai i la latou sootaga ma oe faapea foi ma soo se tuaa masani. O lenei faatagaga e le aafia ai le vaai i le sootaga i le va o oe ma tagata i lau gafa o le aiga.
E manaomia e le gafa o lou aiga nisi faamaumauga
Afai e te lei faaopoopoina lou aiga i le laau, o le a le mafai ona matou maua ni tagata o lou aiga. O le a manaomia ona e amataina se Gafa o le Aiga ina ia i ai ni faamatalaga e uiga ia te oe e saili ai.
Afai e i ai sau gafa o le aiga na amata, atonu e manaomia ona e faaopoopoina ni nai isi augatupulaga ina ia mafai ai ona maua a outou sootaga i isi. Taumafai e ave se tasi o laina o lou aiga (tuaa o se tasi o ou matua) i tua atu o ni nai augatupulaga. O lenei mea o le a tatalaina ai le tele o avanoa o sootaga faaleaiga ma isi tagata faaaoga.
E le lava laau po o gafa
Atonu e le lava laau faaleaiga ua auina atu mai lou vaega faapitoa o le lalolagi. O lenei mea e faigata ai mo le Gafa o le Aiga ona maua se fesootaiga. E mafai ona e fesoasoani e ala i le fautuaina o isi e i ai talaaga talitutusa e ta i totonu o latou faamatalaga i totonu o le Gafa o le Aiga a o faaauau pea ona e galue i lau lava gafa.
E le o i ai lou tuaa masani i totonu o le 15 augatupulaga
O le maimoa i le faiā e sailia e oo atu i le 15 augatupulaga o tuaa ma e oo atu i le 15 augatupulaga o e tupuga mai ia i latou. Atonu e i ai sou tuaa masani ua 15 augatupulaga ua tuanai.
O Tusiga e faatatau i ai
E faapefea ona ou faaopoopo ni aiga o loo soifua i se tagata i totonu o le Gafa o le Aiga?
Tagai i le Faiā: E faapefea ona ou faaolaina pe tape le filifiliga e maimoa ai i lau faiā i isi tagata faaaoga?
E faapefea ona ou vaai atu i la’u sootaga i se tagata i mea e Manatuaina?