E lelei le lisi o Mea-e-Fai mo mea e pei o le fuafuaina o laasaga e sosoo ai o suesuega po o le pueina mai o manatu po o fesili e te manao e tali e uiga i tuaa faapitoa.
O le auala lenei e faaaoga ai:
Ina ia faaopoopo se Mea-e-Fai:
1. Filifili + Faaopoopo se aitema... i le avanoa i le pito i luga o le faamalama.
2. Ta i totonu lau Mea-e-Fai.
3. Oomi pe kiliki le faailoga faasa’o e sefe ai.
Ina ia faasa’o pe tapeese se Mea-e-Fai:
1. Sue le Mea-e-Fai e te manao e faasa’o pe tapeese.
2. Tatala le lisi faasolo o le Isi mo le aitema o le Mea-e-Fai e ala i le filifilia o togi e 3.
3. Oomi pe kiliki le Faasa’o e fai ai se suiga i le Mea-e-Fai po o le Tapeese e aveese ai mai le lisi.
Aitema ua Mae’a
A uma loa ona e siakia se aitema e fai, o le a faaali mai i le lisi o Aitema ua Mae’a. E mafai ona tapeese aitema ua maea e ala i le oomiina po o le kilikiina o le x.
Sootaga i aitema o Mea-e-Fai
E mafai ona e faaaofia ai sootaga i itulau upega po o i tagata i totonu o le Gafa o le Aiga i au Mea-e-Fai. O nei sootaga e mafai ona avea ma se vaega puupuu e oso sa’o atu ai i le vaega o le saite e te manao e galue ai.