O se vaaiga fou o le itulau autu o le FamilySearch.org ua tatalaina. Sa manaomia lenei suiga ona o tekinolosi sa faaaoga e fatu ai le lomiga talu ai ua le toe aoga. O le faiga ua le toe faaaogaina na faigata ai ona faailoa atu ni matapule fou pe faia foi ni faafouga faigofie.
Matapule Fou
E ui lava o lenei faafouga sa manaomia ai le siitia atu i se polokalama fou atoa, ae o meafaigaluega ma vaaiga ua e masani ai i le faaaogaina ua faatumauina. Ua matou faaopoopoina foi ni nai matapule fou.
- O se lisi fou o uo ma se meafaigaluega e pulea ai lisi o uo.
- O se auala e faasoa atu ai ni faamatalaga faaagafesootai ma vaai ai i faamatalaga mai uo i lau itulau.
- E faigofie lava ona maua tuaa i se sailiga se tasi lea e taunuu ai i le maua o le gafa o le aiga, faamaumauga o talafaasolopito, manatuaga, ma igoa o faaiu.
- O se vaega o le Auala e Amata Ai mo tagata asiasi fou;
- O se aafiaga o faaiteite ua faaleleia lea e aofia ai le tele o avanoa (i luga o komepiuta) e iloilo ai faaiteite mo faamaumauga.
Faamolemole faailoa mai ia i matou po o le a sou manatu i lenei faafouga e ala i le kiliki po o le oomi o le ki Manatu Faaalia i le itu agavale o le lau.