Vaai Po o Ai e O Mai i le RootsTech 2026: Ua Faasilasila Mai Failauga Autu!

Afai na e auai muamua i le RootsTech, ua e iloa failauga autu, i le faafesagai ma le faatekinolosi, o nisi ia o faatumutumuga tetele o le vaiaso. O tausaga taitasi, e tutulai ai tagata taaalo, tusitala, faatino atatifaga, tagata musika, tusiata, ma isi tagata musuia le tulaga e faamatala ai tala e uiga i aiga ma talanoa e uiga i auala ua mamanuina ai i latou e a latou lava talafaasolopito ma talatuu. O failauga e pei o Kristin Chenoweth, Ndaba Mandela, Jordin Sparks, Niki Vujicic, ma le isi toatele na faasoa mai ni savali mamana e uiga i le tauivi ma sootaga. Ua saunia failauga autu o le RootsTech 2026 e faaauau lena tu masani! Faitau e aoao atili e uiga i failauga autu taitasi.

Feiloai Faafesagai i Failauga Autu mo le RootsTech 2026

O Marlee Matlin le fai atatifaga, tusitala, ma sa manumalo i le Faailoga o le Academy

Ina ua 12 ona tausaga, sa tau atu e se uo ia Marlee Matlin e mafai ona avea o ia ma soo se mea e manao e avea ai—pe afai lea e talitonu o ia ia te ia lava. Sa teuloto e Marlee lena fautuaga ma mulimuli ane avea ma uluai  tagata faitifaga logonoa e manumalo i se Faailoga o le Academy mo le Tamaitai Faitifaga Tulaga Ese mo lana faatinoga i le  Children of a Lesser God. Talu mai lena taimi, ua autu o ia i le tele o ata tifaga ma ata o le TELEVISE, e aofia ai le The West Wing. E ala i nei matafaioi, ua ia maua ai ni fautuaga se fa o le Emmy. I le taimi nei, o Marlee o se tasi o failauga aupito sili ona sailia i le lalolagi. I le RootsTech, o le a ia faasoa mai ai le auala e mafai ai e le faapalepale ma se lagona malosi o le faasinomaga e mafai ona taialaina i tatou i luitau sili ona faigata o le olaga.   

Fetu o le lakapi faaAmerika, tagata faalauiloa le manuia o isi, ma le tusitala o Steve Young

E faaopoopo atu i lana matata iloga i le lakapi faapolofesa Amerika mai le 1985 i le 1999, ua tuuto atu e Steve Young lona olaga i lona aiga ma le ekalesia, fesoasoani ia i latou e le tagolima, ma faasoa atu savali o le alofa. A o taalo ai mo le au o le San Francisco 49ers, sa faaigoaina ai o ia o le tagata taalo Sili Ona Taua (MVP) a le NFL i le 1992 ma faapea foi i le 1994. Sa siamupini faa-3 foi o ia i le Super Bowl ma sa avea ma MVP o le Super Bowl i le 1995. Na faavaeina e Steve ma lona faletua o Barb le Forever Young Foundation e fesoasoani e pasi atu ai le "faamoemoe ma punaoa mo le atinaega, malosi, ma le aotauina o fanau."O Ia foi o le tusitala o le QB: My Life Beyond the Spiral ma le  The Law of Love. O le a saunoa Steve e uiga i lona olaga ma lona aiga i le RootsTech. 

O Tara Roberts, o le tusitala, tusitalafaasolopito, ma le National Geographic Explorer i le Residence 

Sa soifua mai i Atlanta, Georgia, e mamao mai le talafatai, e lei manatu  ia Tara o le a i ai se aso o le a maulu ai o ia i le pito i lalo o le vasa. Ae a o asiasi atu i se falemataaga, sa ia vaaia ai se ata o nisi o tamaitai Uli maulu faguea. E lei umi ae ona tuua lana matata i se [kamupani] e le saili polofiti e aoao ai e sailiili ai vaa gogoto o tagata pologa ma iloa ai tala o tagata faapologaina na maliliu i le sami. O le taimi nei, o Tara o se National Geographic Explorer, tusitala, fai faasalalauga, ma se tagata maulu faguea mai lea taimi i lea taimi. I le RootsTech, o le a ia talanoa ai e uiga i nisi o mea ofoofogia na maua na ia faia i le vai—ma ana taumafaiga e faasaosao manatuaga o tagata na toetoe lava a tapeese mai le talafaasolopito.   

Feiloai i Saunoaga Autu i le Tekinolosi mo le RootsTech 2026

Tagata tusitala faasasalu na manumalo i se faailoga o Jessica Soho

Saunia e  David Nielsen

February 24, 2026

O se tasi o au tusitala sili ona lauiloa i Filipaina, ua atinae ai e Jessica se matata ofoofogia o le faamatalaina o tala e uiga i luitau o loo feagai ma tagata ma le tauiviga e manuia ai i latou i taimi faigata. O ia o le uluai Filipina na manumalo i le Taui iloga o le George Foster Peabody ma na manumalo foi i le New York Festivals TV and Film Award. Mo tausaga sosoo e 13, ua faaigoaina ai e le Reader's Digest Asia ia Jessica o le "Most Trusted TV Host for News and Current Affairs." Na te aumaia lana meaalofa mo le faamatalaina o tala ma faalauiloa le lototele o tagata moni pe a saunoa o ia i le RootsTech. 

Read More

O le enisinia ma le tagata lele i le vateatea Mekisiko-Amerika o José Hernández

Saunia e  David Nielsen

February 27, 2026

O le atalii o tagata faigaluega mai i Mekisiko, sa ola ae José i le va o Mekisiko ma Kalefonia, o galulue faatasi ma lona aiga i fanua ma moemiti i se aso e malaga ai i le vateatea. Sa ta'u atu e lona tama ia te ia e mafai pe afai e galue malosi o ia, ma sa fautuaina o ia e lona faletua ia aua lava nei taofia le taumafai—e ui lava ina sa teena faa-11 e le NASA ana talosaga. O le tala o lona olaga o le musumusuga lea mo le ata tifaga A Million Miles Away. I le RootsTech, o le a faasoa atu ai e José le ala na fesoasoani ai le lagolago faaleaiga ma se sootaga i lona tupuaga ia te ia e ausia ai lana miti o le lele atu i fetu.   

Read More

Siamupini i le lalolagi i siva faaAialani o Michael ma Matthew Gardiner

Saunia e  David Nielsen

February 25, 2026

O nisi taimi o le auala sili e faamamalu ai lou tupuaga o le sisiva lea. O le Auuso Gardiner na fananau i Denver, Colorado, Iunaite Setete. Ina ia faatumauina i laua i o laua aa Aialani, sa lesitala ai tama e o laua matua i siva Aialani. O le taimi nei, ua toe foi le aiga o Gardiner i Aialani, ma o Michael ma Matthew o tagata e toalua e aupito lauiloa i siva Aialani i luga o le paneta. E faitau miliona a laua paaga i luga o le initoneti ma ua malaga taamilo i le kelope ma le Riverdance. I le RootsTech, o le a laua faaalia ai le auala e mafai ai ona avea le talatuu o lou aiga o se musumusuga i tagata uma e te faasoa i ai. 

Read More

Alii Pasila lauiloa i le soka Zico

Saunia e  David Nielsen

February 27, 2026

O se tasi o tagata taalo osofai maoae mai le ogatotonu o taimi uma, na maua e Zico ana lesona muamua i le taalo soka e leai ni seevae i magaala o lona nuu, o Rio de Janeiro. I le amataga, sa masalosalo nisi o faiaoga i lona malosi e auai ai i le au. Ae faafetai i le lagolago a le aiga ma se naunau le faavaivai ina ia manuia, sa ia faamaonia ai le sese o le au tautatala, ma alu atu ai e taalo mo le Flamengo ma manumalo ai faa-3 i Ipu o le Lalolagi. Mulimuli ane, sa ia faavaeina ai le Zico Football Center e fesoasoani ai i tagata talavou ia ausia o latou gafatia—i luga ma fafo o le malae. O le tala a Zico ua faamanatu mai ai ia i tatou o le talatuu ma le galue malosi e tutusa lava le taua i le olaga i aso uma e pei le taua i taaloga.   

Read More

Avea ma Se Vaega o le RootsTech 2026

Ua faatulagaina le faasologa o saunoaga autu, ma ua toeitiiti oo mai le RootsTech 2026. E pei ona tou silasila mai, o failauga o lenei tausaga e o mai mai talaaga eseese, aganuu eseese, ma isi savaliga eseese o le olaga—ae o le mea e tasi latou te tutusa ai o se alofa mo le aiga ma se malamalama i le auala e faamalosia atili ai i tatou e a tatou sootaga. Aua nei misia lenei avanoa tulaga ese ina ia musuia ma faamanatu mai ai pe aisea ua avea ai lou lava talafaasolopito o aiga ma se vaega taua o lou faasinomaga. Lesitala nei loa e auai faafesagai ma le RootsTech po o luga o le initoneti ma avea ma se vaega o le fuafuaga aupito tele i le lalolagi o le mauaina o le aiga.

O Le A le RootsTech?

O le RootsTech o se nofoaga e aoao ai, ia musuia, ma faia sootaga e ala i talafaasolopito o aiga. E talimalo ai i le FamilySearch ma lagolagoina e isi faalapotopotoga taulamua o gafa, o le RootsTech e faitau selau vasega atamamai, vitio o motugaafa ma togafiti, ma tala musuia e mafai ona fesoasoani ia te oe e iloa ai talafaasolopito o aiga nai lo se isi lava taimi muamua. Asiasi i la tatou potutusi o aoaoga e manaomia, pe fai ni fuafuaga e auai faatasi ma i matou mo le isi a tatou gaoioiga faatekinolosi pe faafesagai o le konafesi.